【台北】豆咖啡：高質數自家烘焙莊園咖啡豆

7 November 2016, Monday

是日立冬！

今晚約咗台灣朋友食薑母鴨！（感覺好台灣人呀我地，哈哈）

為答謝朋友一直以來的照顧，晚飯前我地再次去北投買金魚茶包。

回程返捷運站途中，終於發現，係北投站外不遠處，有間咖啡店！（之前行過幾次都無發現）

見未夠鐘食飯，又去ＨＥＡ吓先。。。


Ｄ咖啡都唔平喎。。。一杯藍山超過１百蚊港幣。。。


我覺得佢主要係賣豆同小配件，沖咖啡只係順便。。。




雖則話今日立冬，台北氣溫高達攝氏31度，坐係戶外一邊餵蚊一邊飲熱咖啡，唔算得上係享受。但佢杯藍山係幾好飲嘅。。。


天越黑Ｄ蚊越餓，心情好複雜，想學台灣人慢活嘆咖啡，精神卻繃緊如坐電氈，最後極高速隊完閃人。。。

係捷運做緊沙甸魚嘅時候，ＨＯＮＥＹ先發現專程去北投買來送朋友的金魚茶包不見了。。。ＯＨ　ＮＯ。。。漏咗係ＣＯＦＦＥＥ　ＳＨＯＰ？！

即刻打電話去咖啡店問下，我地放係戶外，竟然無比人順手牽羊？！台灣最美的風景果然是人！

店員好好人，幫我地放入店內收好，等我地返去拎。

原本晚餐前有好多時間剩唔知點打發，搞一搞之後，剛好準時同朋友開飯，品嚐台灣味—立冬薑母鴨！


味道：★★★★☆
環境：★★★☆☆
服務：★★★★☆
衛生：★★★☆☆
抵食：★★★☆☆

豆咖啡 BEANCAFE • 莊園咖啡豆烘焙/手沖咖啡專門
地址：台北市 北投區 豐年路一段49號
電話：+886 2 2895-2348
網址：beancafe.com.tw