網頁清單

2014年11月15日 星期六

M&S Café : 過百元的快餐, 短中期內唔會再來

30 September 2014, Tuesday

太古城用了近半年時間大執位之後, 迄立27年的UNY Apita由4層縮減至2層, 迄立25年的馬莎百貨2層變1層, 搬到UNY樓上, Logon回歸搬到馬莎樓上, 好多新餐廳開了, 不過口碑麻麻, 未有太大興趣去冒險...

今日要去剪頭髮, 諗唔到食咩, 行行下就來到M&S, 決定入去試下新開的 M&S Café ...



特色潮玩座位是有的, 但好位置已全給佔了, 我只好坐這些, 得自己1個人又趕時間, 沒所謂... 牆上掛著給小朋友玩的填色紙及蠟筆, 又有BB座椅, 頗貼心的...


拿著號碼牌, 等等等等等...


說好的Free WiFi呢? 根本上唔到!!! 問路過的職員, 佢不發一語, 收咗我張密碼紙, 走咗去Counter果邊就一去無回頭!!! 咩事呀而家?!! 佢根本唔係我所認識的服務超貼心馬莎職員...


其實無WiFi我係唔會死的, 只不過等呢個焗芝士通粉等咗20分鐘都未有得食, 我先Try Try佢個Free WiFi...

Macaroni Cheese 焗芝士通粉 $78
-- 賣相不討好, 味道也不突出, 真心覺得是一個快餐, 仲要似兒童餐, 超過一百大元, 未免太貴, 呢個價錢同區有更多好選擇...


Pressed & Crushed Apple Pomegranate, Cherry & Acai Juice $30-$40 approx.
-- 2 of Your 5 a Day, 應該係講緊飲食金字塔內的蔬菜水果類, 1日飲2支攪掂?!! 要提防糖份的攝取量呀... 味道酸酸的, 很清新...


價錢太貴, 味道不吸引, 短中期內, 應該唔會再來...

完成世紀大Project -- 沖繩婚紗攝影, 回港後急不及待要剷除又厚又長的掃把... 呢個係變身I期, 因為紮馬尾太耐, 髮腳向上生, 要等一排先可以再剪短D... 呼... 爽好多!!!


是次每人消費約 N/A 元
味道: 3 環境: 4 服務: 3 衛生: 4 抵食: 2
###
地址 : 太古太古英皇道1111號太古城中心1樓130號舖
電話 : 2922 7234

6 則留言:

  1. 我早前行過,見到鬼影都吾多個,睇見個牌都吾吸引,無試到﹗

    回覆刪除
  2. 呢個芝士焗通粉唔係幾好,既睇到通粉而且焗得又冇乜顏色。

    回覆刪除
  3. 短髮好正!!
    澳門都有M&S...不過我都覺麻麻..又貴

    回覆刪除
    回覆
    1. 而家洗頭勁輕鬆, 短髮萬歲!!!
      我覺得M&S最值得推介嘅係Machine Washable Suits, 大減價時買真係物超所值 :)

      刪除