今朝(2007年1月30日)一早起身，極速梳洗，準時9點正坐定定等清潔公司嚟抺窗。
等到9點25分，仲未有人到，唔係呀嘛！打個電話去清潔公司問吓，佢反問我：『仲未到咩？我今朝8點已經見到佢地個囉噃！』
收咗綫5分鐘，就有兩個金毛青少年到來，剎氣好重，搞到我驚到唔比honey返工，迫佢留係度陪我。
最後都抹乾淨晒，但係就要請多半日假清理現場--因為以前嗰位人兄會移開晒窗台d什物先開始抺窗，抺完窗又會抹乾淨晒d地方，再放番d什物去窗台，好好服務；但嗰兩個金毛居然乜都冇移開，仲又坐又踏我盒紙巾嚟抹窗，又整爛咗成個百葉窗都唔出聲，搞到d地方污糟邋遢之後就更加冇抹番乾淨，你話有冇搞錯。清潔完之後見3點幾，咪順手擦晒d鞋，唉、、、辛苦過返工！
係嗰位人兄到達前，我上internet揾過關於"魚鱗漬"嘅資料，但完全揾唔到！只找到"...清除窗的水漬可用藍威宝..."之類，嗰位人兄攞住嗰支抹窗專用嘅藍色葯水究竟係咪...
等待期間更聽到兩個金毛青年喁喁細語"...唔係呀，即刻投訴..."，唉，我點可能唔打電話問清楚呀。之後擔心他們會跌落街而望兩眼--卻遭惡睥，唉，比錢人抺窗都攪成咁，我以後都唔會再揾人抹窗！
後記：
何超問(1)如果唔滿意，咁點算？(2)咁早抹，到新年都污糟邋遢喇，點解唔遲d抹呀？
其實呢間清潔公司唔係咁差嘅，如果唔係我點會用咗咁多年呢。
1) 抺窗服務係抹完滿意才付款的；
2) 因為2月1號到農曆新年期間會加價，所以我貪小便宜揀咗1月尾抹囉，嘻嘻。
1) 抺窗服務係抹完滿意才付款的；
2) 因為2月1號到農曆新年期間會加價，所以我貪小便宜揀咗1月尾抹囉，嘻嘻。
