網頁清單

2010年4月5日 星期一

屋台屋 Yataiya

4 April 2010, Sunday

復活節假期第3日... 繼續冇節目...


幫襯咗超過10年嘅飯堂, 原來從未係Blog亮相, 真係自己都覺得奇怪...


而家呢個係新店, 大部份都係卡位同梳化位, 亦有吧位... 有電視睇, 長期播TVB... (舊店係隔離鋪位, 裝修係日本居酒屋式, 鋪仔細細, 好有人情味果種, 長期播日本節目... 我... 還是喜歡舊的那一間...)


自選午餐, 好多o野揀, 反轉個餐牌都仲有十幾款...


餐飲可以揀招牌菜自製水蜜桃茶, 超級好飲!!!


我次次都係Order超人氣什錦天婦羅+油揚手打湯烏冬... 天婦羅D炸粉好薄, 又唔油, 即叫即炸, 熱辣辣, 好好味架... 油揚好甜, 烏冬好煙韌, Ichiban!!!


Honey次次都係Order「全港最好味(以Price Performance計算)」嘅和風牛柳粒飯定食, 勁多好好味牛柳粒, 糖芯蛋超好味, 最愛佢嘅甜美洋蔥, 仲有脆脆飯焦... 用鍋上, 食到尾都仲係熱辣辣o架...



可以加5蚊食雪糕, 我見今日係豆腐雪糕, 就幫襯下啦...


是次每人消費約$75元
味道: 4 環境: 4 服務: 3 衛生: 3 抵食: 4
###
地址 : 鰂魚涌基利路太吉樓地下2號
電話 : 2880 0655


2010年4月2日 星期五

太古城中心 .古天樂電影人物模型珍藏展

2 April 2010, Friday

復活節... 冇節目...


落街飲茶見到好多人, 仲有好多比我仲要高嘅模型... Spider Man... Darth Vader... Bat Man...


Honey絕對係星戰迷一名...


異形都有...


仲有Lord of the Rings...


好似仲有其他, 不過太多人, 同埋D玻璃太反光, 冇心情影落去...


<<太古城中心 .古天樂電影人物模型珍藏展>>小檔案: -


本地藝人古天樂破天荒首次公開其多年的電影人物模型珍藏,110件精選模型免費予公眾觀賞。
日期: 4月1日至18日
時間: 上午10時至晚上10時
地點: 2樓中庭及中橋


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


假期最好嘅節目, 緊係飲茶食點心啦!!! Yummy!!!


必吃叉燒... 潮州粉果...


豬潤燒賣--好正呀...


牛坑腩稻庭烏冬--冇咩特別...


可能太多人離港, 所以我地後面張枱由始至終都冇人坐... 比著平時, 唔使旨意, 有時旺起上黎, 連飛都冇得拎...


2010年3月30日 星期二

Wildfire

28 March 2010, Sunday

天氣回暖咗小小, 又有太陽, 去赤柱食Lunch一流...


去到美利樓, 4間餐廳有2間食過, 又唔想食西班牙Buffet, 所以就揀咗呢間...


門口Receptionist力Sell我地有早餐又有Set Lunch, 但係入到去, D侍應淨係比貴價Menu比我地睇... 要問佢拎先拎到呢2個餐牌... 大家留意下, 佢印住Unlimited Bloody Mary...


Soup of the day--竟然係蘑菇湯... 早知就要Tuna Nicoise Salad好過...



Roasted Beef Rib Eye Steak--我地要Well Done, 好Un呀...



Daily Dessert--布丁... 唔係我杯茶... 不過粒士多啤梨好多汁...


Big Hungry Man's Breakfast--薯仔粒好香口, 沙律都唔錯, 煙肉都好好味...


 又話Unlimited Bloody Mary... 得杯餐飲... 呃錢呀... 問咗個侍應, 佢又走去問其他人, 冇人答到佢, 佢就閃埋, 冇再出現, 太離譜啦!!!


我地選擇坐Balcony, 可以一邊進餐一邊欣賞風景... 代價係... 吹到頭都赤...



可能天氣實在太好, 竟然有最小6對新人去赤柱影婚紗相, 仲要企到咁近影, 可想而知, 有幾迫人...


行完赤柱大街, 返屋企前去咗順興潮汕滷味專門店買滷水鵝返屋企開餐, 正!!!


 Wildfire又貴又唔好食, 仲要唔老實, D侍應全部好似第一日返工咁, 仲要笑容欠奉, 廁所仲要係商場公廁, 冇下次呀!!!


是次每人消費約$125元
味道: 2 環境: 4 服務: 2 衛生: 3 抵食: 1
###
地址 : 赤柱赤柱廣場美利樓號201舖
電話 : 2813 6161


2010年3月27日 星期六

丸子頭

27 March 2010, Saturday

農曆年前見到好多美少女都紮住呢個頭, 自己又好想試下, 可惜一直失敗...


之前有嘗試上網搵, 但D料唔多實用... 繼續失敗...


去鑽媽屋企拜年, 諗住有專家教路, 冇理由唔得架... 可惜, 佢似乎唔係好明我想要D咩... 好正常嘅... 因為我當時形容個頭好似噴泉咁... 哈哈哈...


今日響屋企無無聊聊, 又再上網搵, 終於都比我搵到啦!!! 有D人會叫佢做"包包頭", 又有人會叫佢做"丸子頭"!!! 原來要整得靚, 係要買好多道具架...


睇完一個好有用嘅YouTube短片, 係唔用道具嘅情況下, 我終於都整到啦, Yeah!!!







2010年3月21日 星期日

洋紫荊維港遊

20 March 2010, Saturday

舊年去唔成法國, 下定決心今年一定要去, 已經計劃好晒, 準備報6月尾出發嘅團... 可惜... 最後發現撞正同事放產假,  Oh No......


所有之前Research好嘅資料同Plan好晒嘅o野, 一下子冇晒用, 激死人啦......


無計可施嘅情況下, 唯有搵舊年帶我地隊嘅導遊, 問下佢5月有咩團推介... 咁啱原來佢地公司呢個星期六有新團發報會, 就叫咗我地去睇下...

發報會係船上面舉行, 係北角瑪頭上船... 我咁大個女, 都係第1次去北角瑪頭咋, 平時坐小巴係出面條路路過就試過...

我地早咗半個鐘到, Honey話大把時間, 不如影下相先啦... 好... 等我補補妝先...


OK! Camera, Take One...


嘩, 原來船上面好大o架, 足足擺咗26張枱... 超過250個翠明之友聚首一堂...


小吃同飲品以自助形式無限量供應... 仲有三文治同炸春卷炸咖哩角之類...


開船啦...


發報會主要講解郵輪旅遊... 嘩... 去25日要8萬幾蚊呀... 好Crazy呀!!! 之後會有小小時間講解下其他皇牌行程, 我地就睇啱咗東歐10天, 5月中出發, 貪佢已經成咗團, 唔使臨出發前7日先知唔成團又要煩餐死!!!


發報會完成後, 我地就即場報埋名... 原來係發報會即場報名, 除咗有"早報名"優惠, 仲有不定額嘅"私人醒"優惠o架!!! Yeah!!! 慳唔小呀!!!


報完名都仲有D時間剩, 可以上夾板吹下海風, 影下相, 欣賞下風景... 呢個免費嘅假日節目真係唔錯!!! 係唔記得食暈浪丸, 又冇帶話梅, 搞到有小小暈船浪啫....


2010年3月19日 星期五

IMAX 3D AVATAR

17 March 2010, Wednesday

12月果時想去睇, 可惜D飛買到2月尾都買晒... 見週圍都落晒畫, 仲以為已經冇得睇... 點知... 上星期五同貓兄去睇3D Alice, 上網買飛時, 發現阿凡達仲有得睇... 可惜去到3月尾都係Full晒... 但係如果平日Office Hour就有大把位揀... 咁... 唯有掉假啦...


我地坐尾二個行, 一D都唔覺得暈, 係個眼鏡太緊, 整到塊面好多紅印, 過咗半個鐘先退晒...



呢間戲院嘅等候區好正, 好多位, 仲有空中花園, Very Good!!!


由於套戲D時間好咔啦, 所以我地去睇之前, 食咗個豐富早餐, 睇完戲就係番iSquare食下午茶... 呢間餐廳, 我懷疑得3個員工... 經理就同人開緊會... 男侍應長期消失, 只會係上菜時出現... 女侍應更加有一段長時間比男侍應CALL咗入廚房, 店面完全進入真空狀態... 我Order嘅呢個士多啤梨吐司, 塊麵包仲燶過日本卡通人物"烘燶麵包", 仲要半粒鐘先上到, 我勁懷疑係個男侍應(貌似16歳)整嘅囉... 咁究竟廚房有冇請人架... 我地入去坐時, 全店得1枱客, 仲要係1個人食緊, 另1個人等緊, 點解我個餐都要等咁耐架...
呢間野, 絕對冇下次!!!


食飽飽去咗旺角報名去旅行, 不過最後都未報, 等星期六先報...


之後去埋MK1換銀行禮品, 全日行程極之緊密!!!


晚飯係佐敦醉X樓食客家菜... 同幾年前食果陣, 實在差太遠...
侍應迫我地Order 2-4人餐, 結果我地要打包2大盒餸走...
仲要當晚食完勁口渴, 肯定落咗味精!!!
仲要第二日Lunch叮黎食完之後, 飲咗10杯水依然口渴, 更更更肯定落咗好多味精!!!
結果, 第二日Dinner要煲D清水, 滾熱D食物, 將D味精迫番出黎, 呢餐食完終於冇勁口渴...


為咗健康著想, 我唔會再去醉X樓食飯架啦, 好恐怖呀!!!