板橋必吃的四大甜點店！
有當地人推薦，當然有水準！
約咗台灣朋友飲下午茶，早到咗，餐廳已經有人等位，我地登記咗，ＨＯＮＥＹ就提議去附近睇歷史建築—林本源園邸！（行程洗唔洗咁充實呀？！）
結果ＲＵＮＮＩＮＧ ＭＡＮ上身！！！大遲到！！！明明早到４５分鐘變遲到４５分鐘！！！朋友已經開始嘆緊ＣＡＫＥ啦～
間舖得幾張枱架咋，仲無得訂位，想食真係要預早去！
蛋糕櫃Ｄ蛋糕件件都靚爆鏡！選擇困難症！
女孩子就是多心，件件都ＳＨＡＲＥ試少少，３件都咁好味，有無搞錯！！！
每人ＭＩＮ ＣＨＡＲＧＥ １杯飲品，就算ＨＯＮＥＹ已經約咗朋友去台北市中心飲咖啡，坐幾分鐘就走，店員堅持要佢買飲品！結果。。。我一個人要隊晒２杯！！！
飲完呢場下午茶，我又出返台北ＪＯＩＮ ＨＯＮＥＹ飲第２場下午茶。。。
唉。。。寫到呢度，我終於醒覺，我點可能唔肥呀，日食夜食到咁！！！唔怪得ＤＤ姐多年前已好唔忿氣咁表明個天好唔公平，話我食咁多肥咁少！
味道：★★★★★
環境：★★★★☆
服務：★★★☆☆
衛生：★★★★☆
抵食：★★★★☆
澎派
地址：新北市 板橋區 民權路202巷4弄1號
電話：+886 2 2272-2224
網址：ponpie.oddle.me
沒有留言:
張貼留言