網頁清單

2018年4月14日 星期六

【台北】濱松屋:台北4大鰻魚飯之首。。。又搬咗屋

21 March 2018, Wednesday

台北4大鰻魚飯之首,搵朋友去食飯永無投訴之選!

前日去淡水無極天元宮欣賞完100%櫻花盛開盛況,以為行程就咁就完滿完結,疊埋心水執行李今日返香港。。。點知。。。世事未能盡如人意。。。估唔到。。。仲有更加精彩嘅旅程等緊我地!!!

HONEY尋日朝約咗朋友飲COFFEE。。。離開咖啡店時,朋友話聽日約咗茶師品茶,仲帶我地入去轉角雜貨店嘅閣樓參觀,嘩,好靚呀!!!朋友問我地聽日有無興趣JOIN。。。我:好呀!!!好呀!!!

咁高興,不如去食埋鰻魚飯先去嘆茶啦~YO~

憑記憶行去鰻魚飯度,仲爭幾步路。。。咦?咁嘅?一樣名嘅?!再行返去舊舖,已經變咗酒吧。。。(查實GOOGLE地圖係指去再對上一個舖位,無雷公咁遠,上次朋友去錯再TAXI過返黎已經過鐘唔比入)


我鍾意舊舖個門口多D囉~
舊食評:http://www.kenmerry.com/2016/11/Hamamatsu.html

我鍾意舊舖個裝修多多D囉~新舖好冰冷,賣蛋糕又得,擺畫展都得,一D日本味道都無。


尋日先BOOK位,得返吧枱~吧枱由頭到尾都坐滿人,唔敢影相。

吧枱有叉電位,對我地呢D無時無刻都要影相同GOOGLE MAP嘅遊客黎講好有用。

舊時個魚缸仲響樹~


新增OPEN KITCHEN~烤鰻魚過程大公開!隔住玻璃都感受到吱吱聲。。。



新地址!影低方便將來SHARE~


每次黎,唔洗諗,活鰻魚三吃!(最好訂位時預留定)


香烤鰻魚肝 NT$150
— 咖啡職人本身係識食之人,第一次黎就識得叫香烤鰻魚肝,神髓係苦中帶甘鮮,勁!


食食吓,仲問店員有無鰻魚肝湯,真係好識食!我黎咁多次都係第一次飲咋~


LUNCH SET可加錢要天婦羅~


壓軸出場—活鰻魚三吃!1個人食又太飽,2個人SHARE 1份又唔夠喉,3個人SHARE 2份就剛剛好!YUMMY!


從來都唔覺得呢度SERVICE好,今次感覺更奇怪!女店員有間中REFILL熱茶比2位男食客,但由始而終都無REFILL比我,仲要叫都唔做,唔通佢覺得咁樣好日式?!

臨走記著攞返個旅行喼。。。7KG係桃園機場捷運A1站搬過黎都好辛苦!沿路凹凸不平,又爬高又爬低又奪命樓梯。。。好彩個20KG寄存到係A1站咋!!!

原本去到A1站個行李寄存LOCKER已經FULL晒架啦,淨返最後1格,有個日本男遊客塞咗件HAND CARRY入去,搵埋站務員幫手,我眼見TRY咗超過5次都寄唔到,佢最後放棄離開!臨走我仲同佢講THANK YOU,嘩咔咔咔!!!

經我TRY咗2—3次,同HONEY同心協力,大成功YEAH!!!(HONEY企係KIOSK果便操作,我企係遠一遠用膝頭頂實儲物櫃度門)



真係好彩個20KG寄存到咋,唔係嘅話都唔知點算。。。


味道:★★★★★
環境:★★★★☆
服務:★★★☆☆
衛生:★★★★☆
抵食:★★★☆☆

濱松屋
地址:台北市 中山區 林森北路119巷12號
電話:+886 2 2567-5705
網址:



沒有留言:

張貼留言