胡同燒肉連續三年榮獲《The Miele Guide》亞洲美食評鑑指南的全亞洲前500大優質餐廳之一!!! 單睇呢一點, 就值得同力仔一齊來潮聖啦~~~之前試過幾次即興想去1號店, 發現原來要最少2星期前訂位, 無緣...
今次難得來個「姊妹淘の境外飯聚篇」, 之前再懶做功課都好, 都要認真為5日台北「食、食、食、食、食」行程加把勁... (事隔3個月才寫Blog, 來到台北之後, 人變得好懶散呀, 呀哈哈哈)
一直唔知台北有幾間分店, 原來每間分店的店名HU字寫法都不一樣, 如「古月同」、「壺同」、「衚同」、「醐同」、「瑚同」... 我地今日去嘅4號店係位於大安區嘅衚同燒肉~~~
介紹前請容許我大喊3聲：好幸福!!! 好幸福!!! 好幸福!!! (嗚嗚嗚嗚...一路食一路聽到幸福的鐘聲響起了... 噹噹噹噹)
如果無記錯的話, 我應該係用官網的線上訂位服務... (http://hutong.com.tw/reservation.php)
後來有服務員來電, 話4號店有位, 但要坐吧檯座位... 嗯... 我地得2個人, 都OK嘅, 見有得食都已經覺得好好喇~~~ (後來再去另一分店, 3個人唔係坐吧枱, 有比較先知, 原來吧檯才是The Best Service)
衚同燒肉都幾近24小時誠品敦南店, 過2個街口就係... 樹立於小巷子裡的獨立建築物... (老城區住宅之間的窄巷, 大家都稱之為胡同, 對吧)
今天整天下著雨, 天氣好冷... 店家很貼心, 門外放置烤爐讓等位的顧客可以暖暖身...
店內有儲物櫃讓客人擺放隨身物品...
Locker沒有Number, 只有24節氣作門號... 我的是「雨水」, 力仔的是「芒種」... 有點古代Feel...
用餐區除了吧枱, 還有為大伙兒而設計的長枱... 負責烤肉的服務員全都集中在吧枱, 縱使為你烤肉的服務員行開咗, 旁邊或路過的服務員都會補上一把, 烤肉的熟成度絕對是在最佳狀態... 反觀長枱那邊只有1-2個服務員, 行開行埋時, 烤肉就已經過火了...
胡同的炭是特製的, 很高溫但不會有太大煙... 食完個身都唔會一陣味...
牆上都掛咗D菜單, 以為都係餐牌入面果D, 無理會到... 後尾見到隔離食勁大隻的野生大草蝦, 先知後悔...
調味料是檸檬汁、生蒜、生蔥...
可爾必斯 NT$60
-- 初到貴境, 最常飲的是Calpis... 食得太飽要靠外援(乳酸菌)幫幫手...
午後紅茶 NT$70
-- 我估係啩, 太耐唔記得Lu~
去骨土雞腿肉 NT$180
-- 有5種味道可以揀, 椒鹽、奶油、烤肉醬、味噌、辣味噌... 我地揀咗奶油... 燒得好香口, 火喉剛好, 肉汁鎖在裡面, 肉質柔軟有彈性, 好味!!!
甜玉米 NT$120
-- 土雞腿燒到咁上下就落埋粟米一齊燒... D粟米甜到呢... 好正!!!
墨魚香腸 NT$180
-- 超超超好食, 咬落去好彈牙好鮮味, 好香好好味... MUST TRY!!! (部Selfie機只係到咗手幾日, 仲未好識用, 影到D相鬆郁朦好想喊)
伊比利豬肋條 NT$250
-- 有4種味道可以揀, 椒鹽、味噌、辣味噌、蒜味... 我地揀咗味噌... 少少焦脆, 鹹香甘甜, 味道一流, 惹味到暈...
牛五花 NT$320
-- 每日限量的翼板肉SOLD OUT, 思前想後, 試試牛五花... 有2種味道可以揀, 烤肉醬、椒鹽... 我地揀咗烤肉醬... 好好味!!!!!! 好好味!!!!!! 好好味!!!!!! D肉柔軟到呢... 油脂豐富甘香... 肉味香濃... 我地每食1片都忍唔住講好好好味!!!!! 好食到想喊, 想感動!!!
加州蘆筍
-- 唔知幾錢, 睇牆上餐牌Order... 嫩口無渣, 咬落清脆, 食完咁多熱氣o野清一清, 正...
我地由第1道菜開始輕聲讚“好味”, 第2道開始大聲D讚“好好味”, 第3道再大聲D讚“嘩, 好好味”,到第4道係每一片食緊同食完都要Repeat 又Repeat勁讚“好好味呀, 好食到想喊"... 大鄉里出城咁, 唔知有無騷擾到隔離左右, 佢地好利害, 由頭食到尾一句聲都無出過...
今日由朝食到晚, 食完呢餐仲要趕下一場甜品和茗甘味處, 我地係門口未入來已經話飽, 但真正好味的食物原來係你幾飽都好, 都會越食越開胃, 好恐怖呀, 哈哈哈...
暫時係台灣食過最感動嘅係少帥禪園, 跟住就到胡同燒肉... 強烈推薦!!!
味道：★★★★★
環境：★★★★☆
服務：★★★★★
衛生：★★★★★
抵食：★★★★☆
衚同燒肉4號店
地址：台北市 大安區 仁愛路四段91巷12號
電話：+886 2 2777-2549
網址：www.hutong.com.tw
沒有留言:
張貼留言