網頁清單

2016年6月23日 星期四

【台北】天香回味:天下第一伏。好L好食?

16 June 2016, Thursday

未試過喺台北食一餐咁令人沮喪嘅餐膳。

瞓咗落床都要起返身寫返低個標題先可以安心瞓覺。

荷包受傷只係小事情,心靈受創先係最大問題!我認,我係玻璃心。

Honey有朋友來台灣旅行,堅持一定要食麻辣火鍋。近日氣溫高漲,體感溫度超過攝氏40度,我其實唔係咁願意奉陪,最後無奈赴會。(我早幾日仲唔知食錯咩, 一日瀉咗4次)

較早前honey有另一位朋友來台灣旅行時,嘗試過天香回味麻辣火鍋,讚不絕口,極力遊說我們一定要嘗試,特別係蘿蔔絲酥餅。既然講到咁,梗係要搵機會去試下啦,結果今晚就順水推舟來個赴湯蹈火的熱辣辣晚上。


一坐低見到個優惠專案,買2萬蚊禮券回贈一萬九千蚊禮券,個心已經寒曬。咁我哋冇買禮券嘅人咪即係要畀貴一倍錢去補貼其他有買禮券嘅人!咁即係話,今晚我哋畀嘅錢,所得到嘅食物份量只會得返一半!OMG!如果唔係約咗人,我哋真係會即刻掉頭走囉!


餐廳內部個樣表面上幾企理,員工安排咗我哋坐窗口位,點知一坐低,一有人路過即刻好似地震咁,好恐怖!員工解釋我哋坐緊嘅位置喺中空,即係下面係街上面個行人通道,好驚!一定要換位!不過,換入咗一排,都仲有少少震。



金絲戀餅 NT$150
-- 難以理解有咩咁特別咁值得推薦... 1籃有6件, 4個人, 都食剩1件就證明有幾吸引...


天香回味鍋
-- 鴛鴦湯底:天香鍋有22.51%辣油+18.18%辣椒... 回味鍋就無辣...


都好呃水吓, 以台北的標準來計... 最左邊碟穀物霜降牛最差, 一夾起, 碎o架!!! 唔係一片肉...


仲有左邊的天香湯包難食到想吐, 餡料的味道同質感都好差...


史無前例地心情浪費時間慢慢打菜名, 貼張單出來算數...


埋單送件北海道生乳米蛋糕捲 ... 海綿蛋糕雪乾了...


麻辣火鍋無鴨血、無豆皮、無湯、無飯、無混漿, 食物偷工減料, 朋友的男朋友說像沒吃過東西, 貴都算, 唔飽都算, 唔好味果下擇洗!!!

從未係本BLOG用過咁粗鄙的字眼, 但如果唔大叫3聲宣洩怨氣, 我驚我今晚會失眠!!!

真係好L好食? 係咪咁好L好食呀? 好L好食咩))))))

好, 搞掂!!!

服務方面... 都算係咁... 阿姨們趕著收工咁款, 有阿姨已收工走人, 其他阿姨都無趕我地走... 樓下仲有代客停車服務...


味道:★★☆☆☆
環境:★★★☆☆
服務:★★★☆☆
衛生:★★★☆☆
抵食:★☆☆☆☆

天香回味
地址:台北市 中山區 南京東路一段16號2F
電話:+886 2 2511-7275
網址:www.tansian.com.tw

沒有留言:

張貼留言