網頁清單

2016年3月5日 星期六

【台北】北極星餐廳:「士林中伏系列」頭炮

21 December 2015, Monday

寫開「士林中伏系列」, D興緻噓噓聲湧出來, 又幾少得呢間始祖呢?!! 點都係籠底摷返出來...

(初來台北, 因為全部餐廳都未食過, 咁當然係新嘅啦... 每日都係試新餐廳, 邊寫得咁多食評吖, 咁Honey咪話揀D好食又有特色的餐廳先寫)

初o黎步到, 人生路不熟, 決定食咩之前, 當然係要上網睇下人地D食評啦...

Google Search捷運士林站, 出咗2間餐廳, 其中1間係佢...

豪不猶豫, 出發!!!

中伏後, 連另外果間Search到的餐廳都唔敢去試呀, 陰公, 你話陰影幾大呢...

係捷運士林站出閘後(唔係士林官邸果邊), 向前行, 轉右, 望過對面街好容易發現...





Website度強調自己係北極光主題餐廳, 2樓的照片拍得很有FU(唔知點解, 台灣火星文講有Feel做有FU)... 我地都係被官網2樓的照片吸引來的... 結果...

1樓的燈都未開, 問店員可否上2樓拍照, 怕她聽不懂, 還用手機去官網, 展示2樓好吸引果張相... 店員答樓上改裝了, 現在無咁好情調, 拒絕了我的請求... (吓?!! 唔係化?!! 改裝咗?!! 我地為2樓的FU而來喎)


後來多了1-2枱客人, 樓下的發泡膠區終於開燈...


用餐區超級無FU...


唉... 算啦算啦... 食物都係味道重要, 環境都係Gimmick... 人地餐牌話好有堅持o架, 寫晒每種食材用咩Brand... 我又好天真好傻, 滿有期待...


初時揀1個Pizza+1個意粉, 落咗單隔一陣店員先返轉頭話唔做Pizza... 唉... 算啦算啦... 改肉醬意粉...

蕃茄羅勒海鮮燉飯 NT$240
-- 辣C無命賠!!! 有堆硬過木的葉, 羅勒?!! 海鮮燉飯... 海鮮呢?!! 基於唔想浪費食物, 呢個地球好多人挨餓挨到無命, 碟飯我吞晒, 除咗D葉同辣椒...
蕃茄肉醬寬板義大利麵 NT$160
-- 唔知用咩香料, 有種細個時食藥散的味道, 童年陰影關係, 食一啖就停, 好難食... Honey好勁, 吞到...


主菜價錢要再加NT$70先有湯+麵包+飲品... 都唔係貴, 如果好食的話!!! 但係佢係「大家落/大塊活」質數囉, 係台北呢個價錢其實可以食到好少少, 我地當時初到貴境, 用香港的癲價來比較, 先會食米唔知價...


個湯... 唔知用咗幾多水去稀釋, 好淡, 近乎無味...



個新鮮水果茶, 高純度青檸味, 重要打瀉幾噸糖, 我自己食得甜, 都飲咗2啖收工...


有時候, 餐廳的食物不是太好, 我都會Mention吓服務或者環境或者抵食... 因為人越大我開始明白到, 開一間餐廳係要放好多心血落去, 可能會有一D地方做得不足, 都無謂咄咄相逼...

今次, 我唔知我可以Mention咩... Sorry!!!


味道:★☆☆☆☆
環境:★★★☆☆
服務:★★★☆☆
衛生:★★★☆☆
抵食:★★☆☆☆

北極星餐廳 North Star
地址:台北市 士林區 中正路208號
電話:+886 2 2836-7755
網址:http://0228367755.tw.tranews.com



沒有留言:

張貼留言