網頁清單

2015年6月10日 星期三

台北「尋找他鄉」2015のété café:萌爆Kenmerry咖啡拉花

12 May 2015, Tuesday

花了半天瞬間看陽明山國家公園、北投文物館、少帥禪園(張學良幽禁舊居),好充實哦。

下午要悠閒一點,回到天母嘆咖啡,繼續談天說地。

朋友推薦的人氣咖啡店,就在女娘的店旁邊。咖啡店由兩姊妹合力經營,妹妹負責咖啡,姐夫負責麵包。依我坐了90分鐘的觀察,來買麵包的客人比喝咖啡的還要多。



好喜歡這裡的店子都有戶外舒活區,拍照看書都可以採納自然光。


麵包櫃設於大門旁。


讓人目不暇給的蛋糕櫃。咖啡妹妹正埋首拉花。


德古拉 NT$110
-3種不同濃度的朱古力,幼滑綿密,濃郁的可可豆香,苦澀中的一點甜,好好味呀。廿多港幣便有如此高質數,我真的不想回香港了。




黃金日爾曼 NT$110
-清麗脫俗的可人兒,細膩幼滑的檸檬芝士蛋糕,酸咪咪的,夏日炎炎正好吃。

朋友極力推薦這裡的咖啡... 拉花!朋友說只要將想要的照片給咖啡妹妹看,咖啡妹妹便能拉花出來,非常利害,朋友不斷展示他飲過的拉花珍藏照片。 

可是,咖啡店的生意越來越好,咖啡妹妹忙得不可開交,已無暇處理客戶自訂的拉花,大家來到想要自訂拉花的話,要看閣下的彩數了。

3杯莫加咖啡 (Mocaccino),3個不一樣的賣相。

嘩))))))好可愛呀!!!!!!我的尖叫聲傳遍整間餐廳,恕我失禮


哈哈,我覺得呢隻北極熊同朋友有幾分神似。


哈哈,Honey是勤勞的工蜂,點睇都唔似懶懶「蛋黃哥」吧。


好無聊的玩意。朋友自詡一喝而盡拉花依舊,我同Honey輸人唔輸陣,努力地邊飲咖啡邊保住拉花的完好,大家來評評理,看誰最有能耐。



噢!何以有3杯咖啡但只得2件蛋糕?朋友不吃乎?非也!

進店時麵包師傅問朋友想唔想試新設計的蛋糕,想試的話可為朋友即制,但需時好耐。天大的面子哦,朋友當然要試試。所以待了1小時15分鐘,即制的新款蛋糕終於出場。


迷彩和風日式蛋糕-抹茶乳酪蛋糕+芝麻慕斯+紫米黑豆餡+豆奶慕斯!看樣子好似好好味唷!好想試呀!

濃郁咖啡香,美味靚蛋糕,悠揚輕音樂,優閒下午茶。多謝朋友的好介紹,有機會一定要再來。

味道:★★★★☆
環境:★★★☆☆
服務:★★★★☆
衛生:★★★★☆
抵食:★★★★☆

été café
地址:臺北市 士林區 天母東路95號
電話:+886 2 2872-1230
網址:https://www.facebook.com/etecafe.tw



朋友約咗人開會,夜晚會Join返我地食晚飯。見有D時間,我地去咗附近的新光三越同誠品忠誠店行街Shopping。成功買到Honey在香港誠品買過的「抗藍光眼鏡」,香港賣HK$150,誠品忠誠店NT$394=港幣1百有找,好抵呀,好開心!(之後1日係台北車站誠品見到賣NT$499,嘩,咁都有Different Location Different Price)




晚上來到天母西路開業30年的沙諾歐法西餐,餐廳的外觀好美呀!



選擇困難症從沒離開我。今晚選好主菜後,人生仲有好多決擇:開胃菜(5選1)、湯(5選1)、水果生菜沙拉、甜點(6選1)、飲料。

主菜只是NT$550-680,約港幣$170,包咁多食物,少至開胃菜也絕不馬虎,未免太抵食。

主菜套餐以外,還附送色彩繽紛的炒雜菜,嘩,有鮮露筍呀,係香港比幾十蚊叫一碟炒雜菜都無咁靚。


巴黎式焗烤蒜味田螺
-好嚇人的份量,頭盤已如此大盤,成個餐點食得晒呀?蒜蓉牛油醬好香濃,朋友的兒子教我將蒜蓉包撇開一舊舊,插入碗中蘸滿田螺醬來吃,好好味,小朋友你地真識食吖。



奶油南瓜湯
-南瓜湯好杰身,南瓜味好香濃,飲完已經好飽,仲點食個主菜餐呀?


水果生菜沙拉
-跟餐沙律都有得揀沙律汁,好有Heart呀!我揀咗百香果沙律汁,充滿果香,酸酸的很開胃,沙律菜非常新鮮。


香烤法式羊肩排佐薄荷蘋果醬 NT$680
-夠香膻的羊肩,肉質好結實,份量好大,明明好飽,但因為好味,又夾硬吞,今晚就知味道。


香烤德國豬腳 NT$680
-Honey的鹹腳手,OK好吃的,但份量太多,又無飲啤酒,好滯呀!


巧克力蛋糕
-滑滑的朱古力慕斯,香濃的朱古力餅底,好好味。飽到嘔都秒間KO成件。


金桔汁
-金桔汁果香十足,酸酸的,微甜,消膩又消暑。


我全部食晒,真係飽得好辛苦!好味又抵食,朋友果真好介紹。

食飽飽,傾下計,咁又9點幾,揮揮手,捧著肚子坐的士返酒店。

味道:★★★★☆
環境:★★★★☆
服務:★★★☆☆
衛生:★★★★☆
抵食:★★★★☆

沙諾歐法西餐 Sara House Restaurant 1986
地址:台北市 北投區 天母西路105號
電話:+886 2 2876-5399
網址:http://www.sarahouse.com.tw



回到市區,住在附近的老友食家(同一日係香港出發到台北)約我去行夜街,Honey陪我係酒店對面的便利店等候,會合後Honey先返酒店休息。

我地一行3人從台北車站行到西門町車站,嘩!西門町夜麻麻都咁熱鬧嘅,仲有久違了的走鬼宵夜檔ssss。去到24小時營業的家樂福 Carrefour,我失控地買買買。回到酒店已經零晨了。Honey問:「好抵咩?」,哈,唔知喎,呢幾日都無機會買手信,見到有咪買少少先囉。




※糖村、薑糖、抗藍光眼鏡、零錢包係其他地方買的。

2位朋友好好人,不單陪我去購物,回程時仲左右護法咁護住我返到酒店大堂,明明我係猛虎,點解佢地會當咗我係小羔羊?多謝晒,妳地好Sweet Sweet呀,哈哈。

家樂福真係好正,除咗有微熱山丘鳳梨酥,其餘的亂買都買中得獎手信,全部都攞獎乜乜乜。櫻桃爺爺手工牛軋糖(愛文芒果)、快車肉乾香脆肉紙、佳德糕餅鳳梨酥,全部都好好味。正到Honey食完自己果包,竟然仲想其他人的手信壞主意。

就算行咗粒幾2粒鐘,但係都仲係太飽,要等到5AM先瞓得著。

Carrefour 家樂福 桂林店
地址:台北市 萬華區 桂林路1號
電話 : +886 2 2388-9887
網址:http://www.carrefour.com.tw


台北總匯 : http://www.kenmerry.com/search/label/└15台灣「尋找他鄉」

2 則留言:

  1. 間加樂福仲响度?開左好耐了,我也有行過,好多嘢睇,真係行到攰!仲有好鐘意蛋黃哥拉花,佢點拉?好靚呀

    回覆刪除
    回覆
    1. 我唔識路o架, 係香港Blog友拖我地去, 如果行晒應該要半日 XD
      咖啡拉花我都唔知佢點解可以咁勁, 我只知道每一杯咖啡之間都要幾耐下, 佢得1對手, 真係拉完1杯先1杯...

      刪除