網頁清單

2015年6月22日 星期一

台北「尋找他鄉」2015の山中屋:最後衝刺!信義區抵食日本菜

13 May 2015, Wednesday

3日2夜自由發揮旅行團,話咁快就到尾聲喇!呢幾日的行程不外乎食食食食食,好大鑊,返到香港唔知會重幾多磅。


今日約咗朋友食Lunch,趁早上有少少時間,Pack好行李後,散步到台北車站八卦一陣。

♫ 晨早空氣清新開朗,陽光溫暖帶來無限美 ♫




好似迷宮一樣的台北地下街,幾處都是地盤卻只拉起薄紗分隔,我等陣仲要搭飛機,咁搞法,9成9都會Ear Block,比佢害死!


除了誠品生活站前店,其他區都幾似旺角女人街+赤柱大街手信店(室內版),無東西買得落手。

其實我來台北車站係想搵洪瑞珍三文治同臺北公眾區免費無線上網 (Taipei Free) 的服務站,可惜行足1小時都毫無頭緒,我認,我蕩失路!

行返酒店期間,抬頭四處搜索,終於比我搵到咖啡弄所在之處,不過已經無時間幫襯啦,朋友已經係酒店等緊我地。會合後一齊坐Taxi去台北101附近食飯~

今日午餐食日本菜,恕我愚昧,我真係睇唔明餐廳個名。


牆上掛著和服。


9成以上的客人都是上班一族。


山中屋嚴選超值套餐 NT$688,套餐有成10道菜咁多,包括:前菜(3選1)、小品、蒸烤(3選1)、揚物(3選1)、冰鑽(3選1)、強肴(3選1)、食事(3選1)、湯物(3選1)、水果、甘果物(3選1),承為港幣HK$170,剩係揀都有排揀,好利害呀!我尋晚因為太飽,要呆坐到5AM先可以瞓低,今日午餐又食咁多,我條腸會唔會塞爆o架?

為咗減低對現場的滋擾,我用手提電話快拍,每碟食物都係一Take過。

優格水果沙拉-百多元港幣的午餐沙律,制作認真到不行,材料豐富而且新鮮,清新又醒胃。


水芙蓉蒸蛋-滑不溜口。


蒜蒸海老-讚!蝦肉鮮甜,醬汁惹味,連墊底的粉絲都好好味哦。


嫩香胡麻豆腐-這個嘛... 有點Out of expectation!揀豆腐是想吃得健康一點,想不到是炸的。


檸檬花仙子-好好喝哦!酸酸甜甜的,好清新。剛才沙律開了第1個胃,現在連第2個胃都一併開了,弊!一邊飲一邊諗:應該不會是用來洗手的吧?我不想出糗呀,哈哈。


鹽烤牛小排-好好好味呀!肉味濃郁,質感柔軟,香氣在口中盤旋,不捨得吞,好幸運呀!


創意壽司-從不吃魚生蓋飯的我,今日破例,OMG,好好味呀!飯粒黏稠帶醋香,魚生粒粒鮮甜,沒半點腥味,不消一會KO整碗飯!弊,我怕我從此迷上。


鮮魚味噌湯-賣相不吸引,魚肉過老,湯頭意外地十份鮮甜,又唔腥,飲到一滴都無剩。


水果/蛋形布蕾-可愛的雞蛋布甸+香甜多汁到爆燈的菠蘿,西瓜起晒沙,太美味。


明明尋晚飽到5AM先瞓到,而家10道菜食清光,好唔好味?你覺得呢?

服務都相當貼心,環境清靜,價錢相對變得超值,大家去開果頭玩的話,不妨一試。

味道:★★★★☆
環境:★★★★☆
服務:★★★★☆
衛生:★★★★☆
抵食:★★★★☆

山中屋Yamanakaya壽司酒房
地址:台北市 信義區 松壽路22號1樓 (Neo19)
電話:+886 2 2722-0808
網址:https://www.facebook.com/yamanakaya



食飽飽之後我地去咗睇新車。唔買睇吓都好。

 [台北] 告別呆叉電! Gogoro智能"電"單車「全球體驗中心」
http://www.kenmerry.com/2015/05/gogoro-smartscooter.html


影完烈火戰車照Upload埋上Facebook,又走去新光三越「極硬」飲coffee。坐飛機前唔想飲咖啡,我破天荒飲了香蕉朱古力,味道都OK。


臨離開前去一去洗手間,嘩,糖村呀!我要買!我要買!


坐的士返酒店拎返D行李,再坐朋友一早幫我地預備好的Limousine去機場,貼心程度200%!


去到機場寄完行李,就去Food Court搵大姊托我買的海瑞摃丸。2包枸杞當歸,唔該。



之後要幫街坊買薑母黑糖。佢指定的黑金傳奇搵咗幾日都搵唔到,機場2揀1都買中呢包香港吉之島都有得賣的尋味錄,我都幾黑仔。


完成所有任務後,終於可以睇下自己o野!給自己買了「新埔柿染」的散紙包。



俗語有曰:凡事留一線,日後好方便。(改詞,哈哈)

逛罷所有商店,尚有少少時間剩,四處都有叉電位,正!2部極渴電的手機如遇金露。啜啜啜。


各位,回家鳥~


台北總匯 : http://www.kenmerry.com/search/label/└15台灣「尋找他鄉」

5 則留言:

  1. 回覆
    1. 價錢唔貴(當然都唔係平), 但食物質數不俗, 係果頭玩開的話可以一試 :)

      刪除
  2. 海瑞貢丸,有興趣!有冇地址提供呀?

    回覆刪除
    回覆
    1. 臺灣桃園國際機場 第一航廈 B1樓

      刪除
    2. Food Court入面, 有得即食, 又有原包賣走 :)

      刪除