![](https://blogger.googleusercontent.com/img/b/R29vZ2xl/AVvXsEgUjltnW1miJtrumYHEee5oMVxEJ7HQX0wE1IvNGfsDh60cLFX-6oP99GkUeJVMiOUgqwh2pmhoSGACdCSy8L5Jl3kgiyc2nB4SQh30ncr73EmgXpOY5y9u9iWpiffy0D0E_cZlP7qSfL4O/s1600/DSC00324.jpg)
選址較近KaKaMa的apm... 平時好少去apm, 原來apm都有好有特色的日本餐廳... 我真係太Out了...
餐廳門口掛上了綠藻球, 即係入面有酒飲啦~
接待處的Counter用不同的木箱拼貼而成, 甚具特色...
有人知道入口這個金像是什麼東東嗎?
![](https://blogger.googleusercontent.com/img/b/R29vZ2xl/AVvXsEiprHGQiCWvsyI4xiZGezHuXuYI4K_5xg-2_lX8TRBvYs3eWPQu85YXWyUkb2MBz4zjw6jEWML7DVclvVh__Y6AC6xUlUeSqiKj-BeqDijtop-MWmvJx19Fhik2nktVJ0QOR9h8CQWxkgq8/s1600/DSC00328.jpg)
![](https://blogger.googleusercontent.com/img/b/R29vZ2xl/AVvXsEhWn-MlJEN-kLtTsmx32ldQfpXrvmc1yLBiLopB9J32JOQDClUpHcfzucuq8ZRfz8o8eAeLNW8AITfI-SpBHZuyyALY2lZG_un2-BvpJQl9xAqTvohD7ceS1xFlnVXxgCoiSermgIxkBF9G/s1600/DSC00325.jpg)
Book咗6:30pm, 8:15pm就要還枱, 得1小時45分鐘, 想傾多陣都唔得, 應該話食慢d都唔得... 未去食已經唔係好Satisfied... 閒日都限時比較少見...
由於好趕頭趕命, 所以已經一早吩咐好最早到達的2個人LaLa聲落單, 唔好等人齊 (得龍媽1個準時到達現場)... 好彩, 當我地諗好叫咩o野食時, 大家都到齊了... 可以盡情落單~
![](https://blogger.googleusercontent.com/img/b/R29vZ2xl/AVvXsEgSGgUX8Kb9hRTzXbNIa05fBC1bRq8CQ-A8q7mtBQKmSegXgCwLP6wXOPp6UdEg9p6fmuZcU54xfN0Fnq0Gmfux3YDOxXCtH33naQfZdZNv0VQWKuybv3fdJRYLqrjVWVhcCA64PWxywnb-/s1600/DSC_4336.jpg)
![](https://blogger.googleusercontent.com/img/b/R29vZ2xl/AVvXsEhVoKtOlD-IcJK9SJZo20ZwiMT-PAwETHMp0HYUCngxdHFzLXDAKAy7hGB4x-Hm_IiERPuPK6e_8B_nJaSLZW_cjKZV1mIGp-MDjF5aqlzOTvxvcEEku-pXLEIVkX1wslKBdRNNLc9n0Yko/s1600/DSC_4338.jpg)
今日天氣都幾凍, 唔想飲凍飲, 落完單問男服務員有無熱茶, 服務員閉口指住Drink List, 寓意No Free Hot Tea吧... 結果... 平時實係飲凍飲果2位, 居然飲熱的陳年柑桔蜜!!! 平時飲熱飲的我同貓兄, 居然飲凍的海鹽荔枝梳打&巨蜂乳酸梳打!!!
正當心裡滴滴咕咕抱怨之際... (害我要飲高糖分飲品, 減肥大計又要被狠狠的插一刀)... 見到隔離枱竟然有熱水供應?!! Free Hot Water!!! 又無搞錯呀?!! 算點呀?!! 錢都事少, 害我飲咗好多糖落肚呀!!! 唔知又要踩幾多粒鐘Stepper先可以消耗返!!! ROAR!!!!!! (咆哮)
呢位服務員的惡行又豈止咁少... 落單時佢係鼻向天+黑面+金口難開, 感覺自己猶如係暴發戶家門前乞食... 我地落單時都唔該前唔該後, 成個落單過程佢1句說話都無講過就走咗去, 我都唔知自己有無落過單, 亦唔知佢聽唔聽到我講o野...
平復心情後, 先開始影吓間餐廳... 無可否認, 餐廳內部裝修係幾有日本特色的...
![](https://blogger.googleusercontent.com/img/b/R29vZ2xl/AVvXsEg7ppzNNSYBKzB9zumwWDLyCPLbhUwhyR38fAv7KN8EiKppt0M8U9n3m3CmYRo2lupd_rQtiDzQLg165s4Q8VfS6BxljdxcG5lo3kakKGxT0FkZumIebnWJExCyT9d_lfcWxxP3K_7eWIBv/s1600/DSC00318.jpg)
![](https://blogger.googleusercontent.com/img/b/R29vZ2xl/AVvXsEjzTnX0abeYeiUBxUys-XVcU4QwL3bWdSml_VoAE_5ML_2dJ_MzipmBF8Rd2VDXWVmmiGtWNqqJxMmoSbH8sT2Xqd9v8IslFwD1n9UEETbNyvh264p0KHVgN5-TwN8ANEeY2RYwKsRIBU52/s1600/DSC00326.jpg)
![](https://blogger.googleusercontent.com/img/b/R29vZ2xl/AVvXsEgUjltnW1miJtrumYHEee5oMVxEJ7HQX0wE1IvNGfsDh60cLFX-6oP99GkUeJVMiOUgqwh2pmhoSGACdCSy8L5Jl3kgiyc2nB4SQh30ncr73EmgXpOY5y9u9iWpiffy0D0E_cZlP7qSfL4O/s1600/DSC00324.jpg)
~ Round 1 ~
鍋蛋石頭燒飯 $60
-- 都幾難食的石頭飯!!!賣相欠奉... 份量不多, 濕淋淋的飯, 食糊仔咁, 不要說蛋香, 連飯香都無, 無水的白粥比佢更美味...
![](https://blogger.googleusercontent.com/img/b/R29vZ2xl/AVvXsEh967HU8r_E0NFJ2MG__zJm91VCsOo1t-MOXhxn2_WIp6Ym1Tf71OWcG_-mF8iO4HsS1ULL_YpArYAs89vEHWwr6jLYnD4pfThvwSHz191xo3td6rZJbVxDHgEZ2QNXENYzxE7NTy79k0Zt/s1600/DSC00305.jpg)
![](https://blogger.googleusercontent.com/img/b/R29vZ2xl/AVvXsEgLpvdc-7oiyebP2YrAYHET1ORg5z8w8sOiHPllLWhH6cxzNPMcKSG6kmVHWsjDfAO2f4hTYM9z5vH5PgrfMfgDmC8QWBFNM7n2o4b12198cHGVSwc68Mx2UUjv1qga_8bUUQ_FQTJxzM_B/s1600/DSC00306.jpg)
鮮魷魚炒麵 $68
-- 勁多魷魚, 仲幾彈牙, 口感十足, 炒麵偏腍, 鹹中帶甜, 水準不俗...
![](https://blogger.googleusercontent.com/img/b/R29vZ2xl/AVvXsEgB1k8NbTut7d7sUmuq-DH125lXg-4r1H5IVzJ5C-E08VBePoGXmR7_BUM9QBAGPORz8jXMWkJKzPIyNQQuqvAQZGHo2-QPBOrDvQYA0qK2JfsS0BMoZ21zka6HVjML60JShddQQ_KU9I6Y/s1600/DSC00313.jpg)
豚平關西燒 $55
-- 好味!!! 可能係個醬甜甜地啩, 整體味道好夾, BB醬+燒汁都好難難食... 口感係淋身咗少少, 不過我上次係大板食到的都係咁 (咁我第一次自己燒, 燒得差是常識吧)... 呢度餐廳的專業廚師唔係日日煮的嗎?!! 補充 : 除了粉漿及醬汁, 吃不到有材料在內, 可能太肚餓一口吞掉所以察覺唔到啩, 又或是材料太Tiny?!!
![](https://blogger.googleusercontent.com/img/b/R29vZ2xl/AVvXsEh39djU-wNpo4-m59ot5_tOF1XyqIw8wAqS1sI30lrcfrvCX_LCRuNiyZOM6-osQCZ3_VU8mH6CDG4jg5cLojyXBVJnAwERM258TQDtPEkDNKVJjSb_9xeM7pELnbu2qh2svxQp1jpVVGYH/s1600/DSC00309.jpg)
燒羊扒 $60
-- 上枱時見到得2件, 貓兄話叫多1客, 我即刻話 : "試咗味先"... 一咬... 嘩... 鹹到呢!!! 要狂灌水, 救命... 剩係得孜然粉的味, 亳無羊味!!! 「叫多1客」議案一致通過... 否決!!! 其實肉質是OK的, 燒得都幾香, 可惜就是太鹹, 同埋我入來唔係要食新疆菜囉...
![](https://blogger.googleusercontent.com/img/b/R29vZ2xl/AVvXsEjvF7kTN0FS_Hoi2PG1PnLYy25zpNZPTlAfnRGKge4LCHjTlH3-2iSMC1d2Dn_zUBjiUJIOkvRNfG7XwdCcmgfHeuNYvEclLEpeSAY303cR502DhmsC6Y48_ov8-ziw1-_WR02IsojuBl6Q/s1600/DSC00315.jpg)
雞肉明太子 $25
-- 貓兄問 : "明太子係邊?"... 我答 : "Lay埋係醬入面"... 其實... 我都係亂蹹, 我都唔知係邊... 味道是... 千島醬囉... 雞肉不太乾身, 頗柔軟...
![](https://blogger.googleusercontent.com/img/b/R29vZ2xl/AVvXsEiWstIdjS85UwDsl9Y4zX4AuVl4jpoNM1yny0Rb07NbTYJD9m5xPLnNwBhAqpDQ9xN-Axc-JXnyUt0sgcT44aOUkxXU4ougaZkd6oGE5fvTq63dahgh49yJ4HUH6WBqdT1d3Tkb-ctykhqp/s1600/DSC00311.jpg)
鹽燒活鰻 $55
-- 嗯... 呢個得喎, 貓兄同我都大讚好食!!! 大家一致通過, 好耐無食過肉質彈牙的鰻魚, 燒得好香, 皮脆肉嫩, 鹽燒帶出鮮味, 完全唔腥, 掂呀, 好味!!!
![](https://blogger.googleusercontent.com/img/b/R29vZ2xl/AVvXsEgmpSUZ9XjrmwdeoB6DNK7GQTYOhqgf4jBlFk22BsQy-h_WA7H0W4gXsUWf80OWQMlPttCcl_rQOrv1PAzB8ZzbDNIcorkrTWRoRrNxSaTEz2fqM5F6hVzLRgr4KIdzW-n9xZ61epz0kOIH/s1600/DSC00312.jpg)
燒豆腐 $28
-- 好一般, 唔識欣賞... 豆腐外面又唔脆, 豆腐入面又唔滑, 豆香欠奉, 個醬汁同豆腐又唔夾...
![](https://blogger.googleusercontent.com/img/b/R29vZ2xl/AVvXsEhtP5o5gA9qKD_-26WBgiG8DwudDJjZKuACMu8UurlTurFOUbeRR08OwZeg9ulgUPrZNuhFBvKiSP1d4XJS38gl7_02c4MO0TjOpc_ra8AMet5S7-m9cKNG2XtslEMjUcHnMcNeKReRJfcU/s1600/DSC00314.jpg)
香蔥吞拿魚腩 $180
-- 我對吞拿魚一向無感情... 我只知自己吞了一堆凍的無鮮味的魚肉落肚,油脂?!! 唔覺喎... 另... 說好的香蔥呢?!! Sushi豉油不是1人1碟的, 要2人Share 1碟, 不太衛生, 正值流感高峰期, 有點擔心...
![](https://blogger.googleusercontent.com/img/b/R29vZ2xl/AVvXsEhHJCyr3tRFuOdltN8hltl0HggbZbnFHiwBB7QWhRD6XLwvCA_QMQcC5oIvBnbR386HFAFL1lj2jzpZTbDZjHvqfyMNYjKGqmtVDpW2j_xU4Kb6ggaYCcu2HOXcW11sbrCPdUE8-3_zjs9u/s1600/DSC00310.jpg)
海鹽荔枝梳打/陳年柑桔蜜/巨蜂乳酸梳打 $35
-- 搞了飲管幾下, 可能我無用盡九牛二虎之力去搞勻, 初時飲到一陣鹹的, 之後就是一杯普通的荔枝梳打, 有荔枝香味+甜味... 貓兄原本都想試, 等我試完之後, 佢最後決定飲巨蜂乳酸梳打...
![](https://blogger.googleusercontent.com/img/b/R29vZ2xl/AVvXsEjNVc3nh4GMSl6F4kfmhwQixDpQrPDZC4Ud8oJlj19jowyQxYqPSltOYuVW6TgWJu8DzyblftnFD-0QFCx9yrm4P62SyCp4RqB2mNVMnhouO-KYI6iwkZGRwNFl68evzvUBmkYSSLhU2Muw/s1600/DSC00308.jpg)
食到尾聲, 另一位男服務員來收碟時, 我地話 : "唔該, 想加o野"... 嘩!!! 佢塊面黑到呢, 眼神同嘴面都顯得極度厭惡, 嘴藐藐, 好唔滿意咁...
喂!!! 我而家乞緊食呀?!! 無名火起三千丈!!! 但都唔理得佢咁多, 唔想望佢, 唔想比佢影響到我地聚餐的心情, 極速Order完唔想再見到佢...
有位好勤力的阿姐, 全餐粗暴地收碟, 快到有幾次都未食完就問你攞碟, 見而家好少咁勤力的員工, 都唔知讚你好吖定係... Anyway, 有上面2位哥仔提供咁有獨特氣質的服務, 已經將勤力阿姐比下去, 你只係排第三啫...
~ Round 2 ~
決定叫Round 2前, 貓兄問大家有幾成飽, 龍媽話都夠, 我就喪人喪語話 : "重新再食一次都得, 不過我減緊肥, 唔好啦, 哈哈", KaKaMa聽到就話 : "你都要減肥, 咁我點呀"... 其實呢, 我都係為健康而減肥, 唔想老咗週身病痛呢樣唔食得果樣唔食得, 而家減定將來先可以繼續喪食, 身形方面我唔係太介意, 反正我唔會著暴露或貼身的衫褲...
加州卷 $120
-- 樣子討人喜歡, 蟹肉卻是腥的, 本應是清新脫俗的菜色, 蒙上了污點... 有點後悔, 又害我增加了卡路里, 好食都話吖...
![](https://blogger.googleusercontent.com/img/b/R29vZ2xl/AVvXsEjcs70vgVCaBp638EQa6AODUxIm3kqfuxwXPcdPYmz8Y0mMrtTT4QMvJNSQOMREqUfQJshZkzddZGeBB9hyIzGvsH-Zn6jxHNME8ISntjnIVNl4TnDLGiJVkGpP4BhFSxpJx7KpqxLshwiJ/s1600/DSC00319.jpg)
東洋卷 $55
-- 同餐牌有點出入, 唔知點解我會幻想到有士多啤梨係入面... 不難吃的, 只是現實與理想有很大偏差, 腦海仍然苦惱中, 難以投入心情去欣賞...
![](https://blogger.googleusercontent.com/img/b/R29vZ2xl/AVvXsEhgW3obimGdXn4Z9-_gLlmg0g30kzQBlNwMcbVg8lUGrH2m41AuhHrEt2qvnAAmZucsCgMnIOeq2NKtxqHAL02gKFE8Ojpk1EMnfeGbu49NJ1QsmogMbptB2UxeaimnjdjswWVqmrxcZ5ca/s1600/DSC00323.jpg)
![](https://blogger.googleusercontent.com/img/b/R29vZ2xl/AVvXsEjLRlUlCvnG1CmHLjtN1yZSZVq9VSd0oxWRmNclxXuc2JtxbVL2vnNzfLZnhDEpHMCFksgqMdrXY6wSrErp8yOL1wypUcPilKSqRWGq-YbikQG24jpUOQnVHYIDs7vMRkkdCOy-undlWZCh/s1600/DSC_4347.jpg)
餃子 $45
-- 好想食, 又唔敢提出, 驚比人話用$45去食餃子?!! 估唔到KaKaMa同貓兄都想食, 更估唔到幾鬼好味, 餡料填得超飽滿的, 皮薄餡靚, 餃子皮煎得香脆, 沒有半點多餘油份, 我好似以極速係其他人未食完第1粒之前, 搶多咗1粒來食...
![](https://blogger.googleusercontent.com/img/b/R29vZ2xl/AVvXsEjOMiVs2og4Eoy0tHT6gHSGBwi1IfXBa9sdbnMpnOIIPYJYYR6q4V_f_u1iBgrZQ-LRfrHWpw2Z9vOH5OCcGZ4-ML4Adxndevfes7f3U43z3MUq0IujAT290rZ_22SXJO7ycIFqYJ4lvD-v/s1600/DSC00320.jpg)
雞肉京蔥燒 $25
-- OK呀味道唔錯, 燒汁香甜, 雞肉嫩滑, 京蔥吸咗雞油都好香...
![](https://blogger.googleusercontent.com/img/b/R29vZ2xl/AVvXsEhYXexY1ukw15dPZf3R2TshfkmhKQBXKhzFII74vKF_FmWw4p_cfROHBJoJaSrDeb67vOfCEYy4xy16oRLBYVs_7gDBeEU3FimDBP6ZRtc61Hv_432ZKSZXwmWg-OwH3B2GP1QL2kVR-ZiF/s1600/DSC00322.jpg)
燒日本蕃薯 $25
-- 點解呢... 日本蕃薯無甜味嘅呢?!! 亦不夠粉嫩... 吞罷還想我說什麼呢...
![](https://blogger.googleusercontent.com/img/b/R29vZ2xl/AVvXsEjQp_EYpqnVRKsrarUsND75plpWGba57HBYP7OuLCra9f4SrpvzSHyeDE5JSpX5_wkcoGUi7BGPqKh83yuK4ALfuteFYqVBJnUksg9lpq1l6bifsAFqEuEdQYEdKd_TVrjRkoT3DrKX-8Mc/s1600/DSC00321.jpg)
價錢唔平, 份量細細, 食食下又幾飽喎...
味道方面都幾參差不齊, 落單前需謹慎選擇...
服務方面, 可以說比澳牛好一點點吧...
環境氣氛大好, 但都給服務員破壞了...
埋單時, 問有咩卡有Discount, 答案係景樂集團(King Parrot)VIP Card... 吓?!! 又係景樂集團(King Parrot)?!! 唔怪得硬件上搞到咁好啦, 軟件上就...好有佢地集團的Style呀...
餐廳對面是扭蛋店, 服務質數同呢間日本餐廳一樣咁誇啦啦, 難度這才是觀塘區的Service Standard?!! 連中兩元, 很不悅的一夜!!!
是次每人消費約 $250 元
味道: 3 環境: 4 服務: 2 衛生: 3 抵食:3
###
地址 : 觀塘觀塘道418號創紀之城五期(apm)4樓20-21號舖
電話 : 3148 1483
被迫遷後,好少再去APM,知道好多舖執咗,哩間以前喺牛陣,
回覆刪除無熱茶奉客都唔喺日本正宗,
幾好食都無用,服務咁差~~
唔想"新蒸頭"就同人開年, 所以我當時忍忍忍忍忍, 以後都唔會再幫襯 :(
刪除