較早前玩UFood的Facebook Fanpage遊戲「U Food X Mango Tree請您食龍蝦!」, 非常幸運地贏得1客黃咖喱炒龍蝦, 開心不已, 我真係好好好鐘意食龍蝦, 去到全世界都要食, 龍蝦乜乜乜...
![](https://blogger.googleusercontent.com/img/b/R29vZ2xl/AVvXsEidpJE16C7G6lGA4tdfaaWPmfO2UDgY4GHiZ0M87BcOqaKViPJBQkkzqPQP3n2-_SJseOtBJ1tjQ59VeNkd_twG9fsZr5v9701jj_8QAftYyxgV5BBcbffgz6Dopq4T7mA9iSdGTvju8dVI/s1600/DSC_4664.jpg)
封信都幾多條件, 要一至四去, 夜晚先用得, 只限銅鑼灣分店, 必定要Order其他食物或飲品先可以用, 2月中出信, 3月尾要食...
碰巧我一直事忙, 拖到今日, 最後機會, 今晚唔去下星期都唔得閒去, 又白白浪費了負出的努力, 已經不是第1次... 最後決定走堂, 去食龍蝦...
餐廳在Lee Garden斜對面, 對面是起緊樓的地盤, 沙塵滾滾...
一出Lift, 嘩... 黑到吖... 睇唔到路呀!!! 有無去錯地方呀?!!
![](https://blogger.googleusercontent.com/img/b/R29vZ2xl/AVvXsEjQXMrS8RAglz3tSy0yHow04lPE25lRIt01AmbBlseTKctmnf26ZYoOJcsvhwqOBYF0S-SpuI0Ttsjoe78CEUvAiKukAzM6SoI1wdvcUYzxVsz9Zm9tdIqPx1CJhmBQttZxgqhXNutu4TZS/s1600/DSC00758.jpg)
職員安排我地坐梳化位, 都坐得幾舒服...
![](https://blogger.googleusercontent.com/img/b/R29vZ2xl/AVvXsEj0EMYYWe78egkGrfHe9glAAusBe2GTBOb_EiVNHh_s5wHkRfHHGntg7ncgx2VxiqTl8tsSFj5iKksn14V6YrCRR6UZODoixcjm_WaH3g6ZrxJEoWqtV9Ft1IYkjTPBY0mVv0KiKchlApsZ/s1600/DSC00745.jpg)
不過我Feel唔到半點泰國風... 似中國餐館多D...
![](https://blogger.googleusercontent.com/img/b/R29vZ2xl/AVvXsEh5QxPHuGaw5C9aZtsjX-t1o8BMmpqzeo8Pnn1lSib-WMneuyDRh49q4fzl8bON5WydTR8xzqqlSybACk2uUtr9JQGCIU10K3zijrWkYuv_CX4KoIf5rxvTsy-XgpDWKOqz8Tts60iXTHDm/s1600/DSC00746.jpg)
除了贈送的龍蝦, 仲點了1個前菜+1個主菜+1個飯...
芒果炒飯 $138
-- 芒果, 無炒過... 飯, 無炒過... 蝦肉... 搵唔到... 蟹肉, 係有嘅, 但無味... 炒飯無味, 加埋一要成$150, 食白飯好過... 明明係飯類, 卻最先上菜, 服務扣分...
![](https://blogger.googleusercontent.com/img/b/R29vZ2xl/AVvXsEiHrlfTd6hgna55A5iYJ5WUS-9JkYElTpFusFWsfL5h-YDAf49lw3wc3eI5V5konoQAD5tU5vL0M2BMWmcsvGvW624oxGz0m8AUP29b_Ku4kPs1t-eUqwiNIIIQiXUyzktcJZCuNS9OIdcR/s1600/DSC00752.jpg)
黃咖喱炒龍蝦 $250 (使用贈劵)
-- 餐牌上的黃咖喱炒龍蝦係$498的, 唔知點解張單印Free Yellow Curry Lobster係$250... 龍蝦被黃咖喱重重覆蓋著, 份量是足足1隻, 肉質有點韌, 好難先可以叉出龍蝦肉, 取出龍蝦肉後, 見到龍蝦頭內的膏呈灰黑色, 有點怕... 龍蝦鉗雖然有拷打過, 但沒有打碎, 徒手好難食到, 最後要問職員取鐵鉗先成功食到, 為何不在上菜時一同奉上呢, 服務扣分... 咖喱汁好惹味, 撈飯食一流...
![](https://blogger.googleusercontent.com/img/b/R29vZ2xl/AVvXsEgpA9g8b9-C7ib_kKrujVXYrpQ2XlLDGIENH5KQdWMsqpG0uuPlh59u6uxYHItdNXIxNfri4D_MrCyDbVwnlcd7xHPstwI3Jm2s8QqM0RTfIWpc7SO5JdYdcnebPfoCtuqglSKLeU40nfGN/s1600/DSC00753.jpg)
泰式甜酸雞柳 $148
-- 甜酸醬調味得宜, 配菜好吃, 雞柳份量多, 儘管如此, 仍然覺得不值, 可能是賣相太似兩餸套飯吧... 加一後要$160呀...
![](https://blogger.googleusercontent.com/img/b/R29vZ2xl/AVvXsEhpO7VFGyEjgwfAleC2gD2Bet7B2jkyeqG8f57GXjVsq3SF8LoTHoPuHpcpCsHwI-5jJJb-BXF0kSXzfu2ZbCVXc1NHRonKUdcnqi4f8DUdYZnJHsVHgLdEa5In9M77KLgOUa0dLkBldZbx/s1600/DSC00755.jpg)
雞/豬/牛肉沙爹 $108
-- 沙爹可以Mix, 選了豬肉牛肉各3串... 明明係頭盤, 卻最後先上菜, 服務扣分... 沙爹醬少得可憐, 根本唔夠蘸晒6串, 扣分... 調味不勻, 其中1串有點過鹹, 香料香味十足, 整體還可以...
![](https://blogger.googleusercontent.com/img/b/R29vZ2xl/AVvXsEjVtrbDtqMyf9FkJDh8pwz5KaTqJw55g0U6E6HzrPnhQUmPrdk5eB0XuM_L5dzK5AhE9NUhJoSkx6sfEdzDI-fLRXFlN_kZp8qqkBkNX1_w72TxFkeG0G2uCEqwHddBGfG5plmQG-k5i8Nm/s1600/DSC00757.jpg)
隔離枱都係拎住呢封信, 1個人來, 只叫了1碟炸蝦餅, 醒!!! 佩服~~~
佢可能聽見我地讚個黃咖喱撈飯好食, 佢問職員有無白飯, 職員話有, 佢就叫咗1個, 真係非常醒...
嘩, 1個前菜+1個主菜+1個飯, 埋單$433, 好唔抵呀!!! (重點係難食) (好味就唔貴)
早知我地都唔要炒飯, 要白飯... 泰式甜酸雞柳都可以唔要... 咁埋單應該300蚊有找, 感覺上抵D...
是次每人消費約 $220 元
味道: 3 環境: 4 服務: 3 衛生: 3 抵食:2
###
地址 : 銅鑼灣開平道1號Cubus 5樓
電話 : 2577 0828
沒有留言:
張貼留言