![](https://blogger.googleusercontent.com/img/b/R29vZ2xl/AVvXsEjkPZUrdndocpyMLuACrmF6Tq2O44-KzJwFGViPxiP9Nzb0-CFgVDxG_8923YBb8pxGY3t8IjGrzYh0xDvCCXdHFM5LFPlnLF5sfPnnHaM5I81PtH1zW7ZNI-83Ooqie5DmPpThJZQ1iP-r/s1600/DSC04755.jpg)
前文提要... 第1日到埗, 朋友車我地買電話卡, 去佢屋企參觀, 去漁人碼頭遊覽, 去怡園食晚飯食飽飽就車我地返酒店... Honey同我沖完個熱水涼便倒頭大睡, 接近30小時無瞓過, 我由11PM瞓到3AM, 4AM再瞓到9PM, 完全失去知覺!!!
約咗朋友兩公婆10AM飲早茶, 匆匆忙忙梳洗一下就落Lobby會合...
朋友車咗我地去酒店附近行都只係幾分鐘的置地廣場(Continental Shopping Centre)... 好好笑, 去到加拿大列治文真係到處都係熟悉的名字, 好A貨Feel~
![](https://blogger.googleusercontent.com/img/b/R29vZ2xl/AVvXsEggnyisrX5cJkqjqiFiyLTofYPQqRpUwCs-Jx4ANySIEtwpBpNqL_z9RL1u7Zr192ngRVGo0dFwUXQnTZrznkYu1ahx_WVE7dlF_rr-bc5BAAtHu-JN96o1aN3JC5trLDRN08M0EvbIIur-/s1600/DSC04760.jpg)
當我見到龍景軒3個字, 大叫"嘩, 全球唯一米豬蓮3星中菜喎!!!"... 哈哈... 超低能, 勁搞笑... 其實明知唔會係香港Four Seasons果間...
![](https://blogger.googleusercontent.com/img/b/R29vZ2xl/AVvXsEgnD8oK_OaaPTWNxjbpxUDZNIBweJw-G0LC2isKj-9pcDyeLjXysLrDGGj21J-Ln4BFX9dmhk4Sg2kijh90TLMO5uu1TMRcDYUIUYrOrYpFGNRTsIRvlZ7lsQd6_QYRXIJndtZ822xYVJ75/s1600/DSC04758.jpg)
店內的裝修都幾骨子...
![](https://blogger.googleusercontent.com/img/b/R29vZ2xl/AVvXsEiSX8MQhIN_hAf5uKttw6AEK1Z4pUGnYSm8gtFr6W5DHE7cb1BjsqeJF-uZwf6JpWpLWXGhtIIu8d_PmD9nkbxTXYzisBUWg4lV10e2iUlnXElOBd67cdgMCUDFFxOFAlI6tJHNq8dUek8q/s1600/DSC04750.jpg)
一踏入店內店員即以純正廣東話招呼, 服務非常欣勤...
朋友的太太解說, 在列治文好多人都係退休人士, 見悶悶地就1星期走出來做幾小時Part-time, 所以好熱情, 當地人1個人有幾份兼職都好平常...
隨便點了幾個點心, 新產品紫薯批好好味, 勁香甜的紫薯味... 其他的點心都好有水準... 純正香港口味!!!
芝士焗紫薯盞 CA$3.75 (約HK$26)
![](https://blogger.googleusercontent.com/img/b/R29vZ2xl/AVvXsEjkPZUrdndocpyMLuACrmF6Tq2O44-KzJwFGViPxiP9Nzb0-CFgVDxG_8923YBb8pxGY3t8IjGrzYh0xDvCCXdHFM5LFPlnLF5sfPnnHaM5I81PtH1zW7ZNI-83Ooqie5DmPpThJZQ1iP-r/s1600/DSC04755.jpg)
XO醬炒蘿蔔糕 CA$7.95 (約HK$56)
![](https://blogger.googleusercontent.com/img/b/R29vZ2xl/AVvXsEg8CVK_qe17Rc9DOqDH9MaKx57KykSLqslZ1ji4VnAMG09wWG5V16rj4sEQ9z8Q6S2rhRbYOpjFRy5hUIhq1vRftwdssE2MaHuz9SoQJl_01IGh6BQFOOzQmNlhMZ57wcWrp6s61uyZnKW8/s1600/DSC04756.jpg)
菜乾鹹排骨粥 CA$6.95 (約HK$49)
![](https://blogger.googleusercontent.com/img/b/R29vZ2xl/AVvXsEjrhHmFRMI_Fn9Ugh_QKxs9MzpBZIQV8JOJzIqyjL0LNQzb_CzJKas13gbS0n4nUPwaNuprzm9zCZdahtpgWNGH8mqV-ObrAM9u0F3nbrbg-7JEtm0bd14oiri5o02fM1yyvF3CRrKYexsD/s1600/DSC04757.jpg)
蠔皇叉燒包 CA$4.99 (約HK$35)
醬汁蒸鳳爪 CA$4.99 (約HK$35)
潮汕滑粉果 CA$4.99 (約HK$35)
![](https://blogger.googleusercontent.com/img/b/R29vZ2xl/AVvXsEgT1e6tIC0rmaTMa5Ncgq60FFjdbgb9Unc5ytWi4i51gnMWQQ-4i-gjq2-t5nqbwBELGdXHACYg8BKWJ8PLayRJo7o4nqgeRsuk4mifoaBnY9y2ozb_bbtbj8hFEDAO0oN1ifu1wqGBQ8Gl/s1600/DSC04754.jpg)
加埋每人CA$1茶錢... 合計CA$37.62, 但有8折... (星期一至五, 中午12點前結賬點心8折)
加埋GST CA$1.69...
埋單CA$35.55 (約HK$250), 未計要另外再比最少10%的Tips...
價錢都幾相宜, 坐得好舒服, 環境好寧靜, 得幾枱客, 全部講廣東話, 哈, 一時唔為意仲以為自己仲係香港...
離開時開始下雨了...下足一整天... 朋友提到她的女兒經常9PM後先出門口到此商場的圓香生活餐飲(Pearl Castle Café )同朋友飲珍珠奶茶吹水~
朋友的太太要返工, 朋友車咗我地返酒店, 我地再重整一下行裝就出發去Down Town尋找Hop-On Hop-Off Tour Bus喇~
Urbanspoon的Link :-
http://www.urbanspoon.com/r/14/1484910/restaurant/Vancouver/Richmond-Central/Dragon-View-Chinese-Cuisine-Richmond
是次每人消費約 HK$65 元
味道: 4 環境: 4 服務: 4 衛生: 4 抵食: 4
###
地址 : #1298 - 3779 Sexsmith Road, Richmond, BC V6X3Z9
電話 : (604) 241-8828
加國「喜行大溫」2014 の 總匯 http://www.kenmerry.com/2015/01/Vancouver-Canada.html
嘩,你的blog 真係好多嘢睇。
回覆刪除旅遊美食我啱,加拿大我前後去過二次。
嘻嘻, 多謝呀, 鍾意嘅就多D來探下我啦~
刪除加拿大真係好正, 有機會我都想再去 :)