![](https://blogger.googleusercontent.com/img/b/R29vZ2xl/AVvXsEjIj5qdjj9d5t5HBkU-fzlFjzO3PrzI_5hKaYmSgkwtdriep-z3_zpKTJzqY4CR_QPljWAMmvYM38nsGK90iiqEASf6ovJLdIacwnRVml31K9d4L0DwiRiPVvBWRQ-mXAr3eTMlDZPQKgit/s1600/DSC04855.jpg)
前文提要... 早上去龍景軒飲完早茶, 中午搭SkyTrain去Downtown, 下午坐咗一陣Big Bus (Hop-On Hop-Off Sightseeing Tour Bus)~ 5PM打道回府返到酒店~
今晚無約人食晚飯, 兩口子去咗酒店對面的時代坊(Aberdeen Centre)行吓商場食吓晚飯...
Aberdeen Centre於1989年興建, 將亞洲購物中心模式引入大溫, 為中西合壁以亞裔客戶為主的高級購物中心, 吸引消費力強之主流及華裔客戶, 為華人提供較高級消費選擇之熱點~
![](https://blogger.googleusercontent.com/img/b/R29vZ2xl/AVvXsEhPAJXI2aV61f4cwXQVdZfZDspZLnw_MYKe2XSxteLwUfx777_Kb7zpXpUqpc9U2H_aSIx6bxdLfvFGWV9471I5DS0B-DcxdBnbs0YpsUme4R_d-C-vVxX8EOQTPj-oXFbBt8eVnwFfi1l0/s1600/DSC04866.jpg)
地址 : 4151 Hazelbridge Way, Richmond, BC V6X 3R8加拿大
電話 : +1 604-270-1234
網址 : www.aberdeencentre.com
Aberdeen Centre內有大形音樂噴泉, 都幾似N年前屯門八佰伴果個, 童年回憶一下子湧上心頭, 令我對Aberdeen Centre產生了無形的親切感...
![](https://blogger.googleusercontent.com/img/b/R29vZ2xl/AVvXsEjd5J00IcNix5H-GMdeS5DQwq2GHc59EDtGzN-DPZhMgMX1AkoiclB4I97nABjOkcGzCLlknPc69KrCjb6qRg1IglzLP1eiXfZjiXO3Eg0MQy3q86hnyLwtH6enAaRqj9J7UqdGDtORqepF/s1600/DSC04849.jpg)
再行多陣, 嘩嘩嘩!!! 10元店呀!!! 貨品同香港9成相似呀, 因為香港Aeon 12元店賣的好多都係Daiso產品, Richmond呢度應該叫2蚊店, 大部分產品售價為CA$2 (約HK$14)... 唔知係咪外國的月亮特別圓, 我覺得呢間Daiso的產品賣相都特別嫵媚, 行完Daiso對Aberdeen Centre的歸屬感更加強烈...
![](https://blogger.googleusercontent.com/img/b/R29vZ2xl/AVvXsEgTGgz81bR7mOR92y-QK0GK10WEJfUjoLTX5NWUvWtWurUELq9Ad0NO4kTXeV7kL9iwFkg8kjnvmEG7zLsOjTAilu-JtC54FiZV_Fh6Hplo-PB1cEM1hBf7X0_hnAXws9IhnqlIL-0tTOa9/s1600/DSC04846.jpg)
之後路過呢間Saint Germain Bakery麵包店就買咗1袋6個全麥餐包CA$3.25 (約HK$23)第2朝做早餐... 見到店內剪報話佢地出名係現場制作蛋糕, 好奇望入廚房, 真係整緊蛋糕喎, 無花無假... 最正嘅係, 店員同我講廣東話, 超親切~
![](https://blogger.googleusercontent.com/img/b/R29vZ2xl/AVvXsEiMswxGmtsTLow0M9snu-DWfRvdt47F9Z4VW5oU4lqdE5rLvKtI33ocVgXu_-VH4NlpKIGfpwbsjbncGutHqEGQGJuttf8B_x4q1t9DEROMZg8WKubSNHup6gN4V1kqtH1W-tPr2jqlxxMB/s1600/DSC_1945.jpg)
再向前行係H-Mart 韓亞龍超級市場 (www.hanahreum.ca), 制作韓國料理所需要的材料及用品一應供全, 最有親切感的農心辛辣麵呢度都有...
![](https://blogger.googleusercontent.com/img/b/R29vZ2xl/AVvXsEi79IUcQGPucuZ0_RaaSE7WrqUqnVaSjN8sTOGvReR95ocGoN8DP3k1tJlUAvXFCEUmCNRdgRQLy-bZM8gEn3JrdNXnDCXTBG-q0VTT5XnGXNSYLSIBToKYVpszJQtD4hDyioD5e7Jsc2_0/s1600/DSC04850.jpg)
香蕉 CA$0.65 (約HK$4.5)~
![](https://blogger.googleusercontent.com/img/b/R29vZ2xl/AVvXsEgmwImukEdd0iM4_xcImhZHtyd8FDsuai2GtPD0RV6XPENw40Z4Er1NshUl0kaP3qrxKDYgIcFTv8souc3RDYf5SVmeaK6mMA6fWRMmNbusR1vI1Zep1VEtmpi1U6cFRuZlr-Vyj2nBZ_HT/s1600/DSC_1948.jpg)
韓式核桃糕 CA$1.99 (約HK$14)~ 紅豆餡, 超正~
![](https://blogger.googleusercontent.com/img/b/R29vZ2xl/AVvXsEhMINO1N8WUfC4jSyVkh8iA3HsQ85qNlCTYzFlc0__KjiBS5xrgcfjHg1A-G2aSGhp5SDoBZ1Q767_ufmptdvsypExsPkj64gf6u-lTTy7JkSykg3yOnOtIv6C5nvgvE9xicrs5ZS0JMLbk/s1600/DSC04861.jpg)
原來翠明假期係Aberdeen Centre開咗分店!!!
![](https://blogger.googleusercontent.com/img/b/R29vZ2xl/AVvXsEh-8dEbZwWBKeLkQ68w8xkQTGQ62Zl095JFLmbmYctaMXPNE4K1xMc2-iB8yL_WjMOj7uAisEy5xdLfQ9ugl91jWQgRNM-0y1FU0KxvvrQrf4auUTYaUW_zDWHMHTFjFMkt-p5YsIK-2qEr/s1600/DSC_1962.jpg)
嘩!!! 連Miniatures都有呀!!! 嗯... 不過一間微型Cafe要賣成CA$1888 (約HK$13200), 未免太貴... 如果我來呢邊生活都可以考慮吓靠售賣手作仔維生, 1個月賣出1套都夠皮~
![](https://blogger.googleusercontent.com/img/b/R29vZ2xl/AVvXsEjiC3y2Hx7FTS3_5f0bO4Hw9-I26s5xcfhzraOMkAdkRTttmbFVw_i1rHJktuXWCLwqDC63PiTq06Rwi4EbaUT6p2g2UK1p1eOCKhdh4IgRBv86TJclkcNTBI3XSIX71ao7yWAWatYpiMqu/s1600/DSC_1961.jpg)
逛完就去Aberdeen Centre的Food Court品嚐「三大名物」-- 風沙雞翼同海南雞飯!!!
![](https://blogger.googleusercontent.com/img/b/R29vZ2xl/AVvXsEhsa6FIVLE7PxRjvMPjUtzP9MJtEvvfEaKKJNSqg1QhGM0XyHo7pV0JSYZgo57TZs1Dh7DD5IDuwCcdVd3H7kdTs6ooctRrAw_GdA0CkLx256IKxaQzvnr9XHsDnVefT-BEgbokpXq0ODyR/s1600/DSC04854.jpg)
6隻風沙雞翼 CA$9.5 (約HK$66)
-- 嘩!!! 超級超級好味呀!!! 超級燙嘴, 好香, 又酥又脆, 好惹味, 仲唔乾爭爭, 太正喇, 食到唔停得口, 不愧為Aberdeen Centre三大正物!!! 味道係一流, 嘿, 不過賣相就欠奉~ 我唔係誇張, 風沙雞翼魅力真係沒法擋, 隔2個舖位韓國食店個女職員都公然企係佢地Counter入面食緊...
![](https://blogger.googleusercontent.com/img/b/R29vZ2xl/AVvXsEiGFvnCMe18Ryqgf2rUM_2Gi_zGjmoRoJiaUH6acCoe6BmF6cwPcX-Wx1TeOFkLf9uRq7bRFpz3Xjb0RwvA1zdd9onpU4Jp1c-wnD9qohnUtmQ4yI_7EQkU5TTMt30CYv5hfdwY-staw-Mf/s1600/DSC04852.jpg)
海南雞飯配湯 CA$7.75 (約HK$55)
-- Aberdeen Centre三大正物之一的海南雞飯又係超級超級好味呀!!! Honey食一啖已激讚好味, 雞肉滑嫩到呢, 去咗骨, 勁多肉, 調味又恰到好處, 係香港係食唔到的, 正宗新加坡味道, 椰香白飯香到不得之了, 連跟餐的湯都唔係省油的燈, 足料到呢, 仲要無味精... 重點係, 呢度係Food Court咋喎, 質數比香港的餐廳更高!!!
![](https://blogger.googleusercontent.com/img/b/R29vZ2xl/AVvXsEjIj5qdjj9d5t5HBkU-fzlFjzO3PrzI_5hKaYmSgkwtdriep-z3_zpKTJzqY4CR_QPljWAMmvYM38nsGK90iiqEASf6ovJLdIacwnRVml31K9d4L0DwiRiPVvBWRQ-mXAr3eTMlDZPQKgit/s1600/DSC04855.jpg)
加多寶原來係由王老吉改名而成 CA$1.6 (約HK$11)
更重點係, 2間店的店員都係操超級純正廣東話, 究竟... 我係咪真係離開咗香港呀而家?!! JetLag緊, 感到好迷惑!!!
仲有另一名物泡芙, 原來係Beard PaPa's, 因為係香港都經常食到, 所以我地決定唔試啦~
![](https://blogger.googleusercontent.com/img/b/R29vZ2xl/AVvXsEimYIXG3u8IzRQwec9a2v89ABnmLRzS8gggdl-fjqTmUr1TZl29nk4WyRfAo4BIph3jbAAPGuAPxDW7LZ5FX_m8VlwbXKmZsqKMOwic2PydylKf-WSg13jEvsiKYO9jkpcxLZJPoln_ti5o/s1600/DSC04858.jpg)
現場所見, 好多年輕人及潮人...
滿足地離開Aberdeen Centre, 返酒店時去統一廣場內的台式超市T & T Supermarket大統華(www.tnt-supermarket.com)買包茶包返酒店沖杯靚茶嘆番下~
![](https://blogger.googleusercontent.com/img/b/R29vZ2xl/AVvXsEipQmwHfH4cJlniKW8kABiqLEmm3uckhJ7J618eEyBoUqq11gcqtWqBnsJqNgEUd6SxTDYlAN_ri_yo4EmyCuvbZEjOz3tgboMBVtyks-GTEneMJhsllvSYjBZdKDE4bkMkOO8MWiwqOIBr/s1600/DSC_1952.jpg)
統一廣場內的Food Court好恐怖, 又黑又細, 仲好多同胞...
賣飛佛... 天仁茗茶原片茉香綠茶!!! 風沙雞翼都幾膩, 飲杯熱茶消消滯, 舒服晒~
![](https://blogger.googleusercontent.com/img/b/R29vZ2xl/AVvXsEhzd5PL-9YtQDgghgzH85vSZEgV33H1Gz-wJ8TYbba8HTJnC-QGIJvRMeMyx1McSrOekKnS_dtiQHp8iAAAEWFze9X_lz3VQxjZr_bnVNea4GFcFijo83q_CVZkcLkoMz1kjJZeLAeyl9fl/s1600/DSC_1966.jpg)
去旅行咁多次, 今次真係最無思鄉病, 皆因Richmond應有盡有, 比香港更香港!!!
加國「喜行大溫」2014 の 總匯 http://www.kenmerry.com/2015/01/Vancouver-Canada.html
海南雞飯,正。
回覆刪除海南雞飯堅正, 新加坡原味, 好味又滑嫩, 去骨啖啖肉, 諗起都流口水 :p
刪除我每次到Richmond 探家人都會到Aberdeen Centre 逛的 , 看見熟識的相片使我想念我的家人 , 謝謝分享 !
回覆刪除羨慕你可以經常去Richmond, 我也想再去 :)
刪除