網頁清單

2013年9月23日 星期一

56蚊「澳門悅榕莊」2日1夜之旅 -- Banyan Tree Macau

3 September 2013, Tuesday

前文已提及「56蚊, 住Banyan Tree Macau 1 晚, 包自助早餐, 自助午餐, 來回船飛」咁平的原由...

食完Festiva 自助午餐, 穿梭於金光閃閃俗不可耐的銀河渡假城, 緩緩到達今夜下榻的酒店, 只要一腳踏進Banyan Tree Macau的一扇門, 俗氣隨之消失, 換來的, 是100%洗滌心靈的Resort Feel...

五感中以嗅覺最先享受到Banyan Tree Macau帶來的身心Relax效果, 香茅味香薰一湧而上... 第一樣聯想到的, 是驅蚊!!! 我知, 我的思想一點也不浪漫, 嘩咔咔咔...

通往Lobby的路, 被高聳的深啡色木材包圍, 陰陰暗暗的, 就像從花花世界跳進叢林, 每往行一步, 光線也隨之而增強, 慢慢地, 靜靜地, 進入了澳門的烏托邦「悅榕莊」...




我先到Concierge Check-in, 著Honey到處拍照...


花是天堂鳥, 椅是鳥籠形狀, 互相襯托出很不錯的視覺效果...


Check-in初時, 職員以廣東話與我溝通, 但詞不達意, 我用英語反問, 嘿, 看得出職員成身鬆晒, 大家即時轉Channel... 係要用外語同人溝通咁先有渡假Feel嘛...

另一職員有用廣東話問我想要高一點還是低一點的房間, 我反問有咩分別... 職員話無分別, 高一點的房間是尾房, 不是人人喜歡... 對於呢一點, 其實我地無所謂的... 最後職員分配了7樓... 看似不低, 實為最低... 5樓或以下都不是客房... 後來因某些原因, 又轉上20樓了...

值得一提, 2位職員都非常友善, 態度親切, Very Helpful...

客房樓層的升降機大堂都是如此有氣勢, 是否真的有人會坐係貴妃椅上等Lift?!!

房門大得令人咋舌... 每戶門前也放了紅色的鳥籠... 以Spotlight照亮, 很有味道...

進房後率先見到香薰爐, 本已加分, 更令人意想不到的是, 1星期7天竟是不同味道的!!! 連住2晚的話, 會嗅到不同的香氣, 不會感到納悶, 很貼心呀!!! 今天是Orange香薰油+Champaka香, 燃點後滿室芳香, 心情舒暢, 神經也隨即鬆弛...

大門側是偌大的衣帽間, 大得放10天衣服亦填不滿... 夾萬內有叉電座, 電話相機手提電腦之類, 可以在鎖上時順道充電, 未免太貼心... 衣帽間可直達淋浴間, 淋浴更衣一Take過...


往房內走, 茶水間與工作間2合1, 非但沒有侷促感, 而且很搭配... 茶包選擇多, 咖啡更不是即溶, 讚!!!


色彩斑斕的起居室, 充滿東南亞Resort風味, 半躺半坐看電視, 邊吃水果邊茗茶, 人生一樂也!!! 這梳化擁有魔法, 無論早午晚, 我都在梳化上數度昏迷, 不醒人事, 我的Body差點叉爆電呀...

100平米(sqm)大的客房, 最教人驚嘆的, 是4呎寬13呎長的室內悅心池!!! 橫跨起居室及睡房, 擁有水溫調節功能, Any Time浸落去水溫都一樣啱啱好... 窗簾是電動開關, 好先進呀!!! 起居室及睡房2邊都有46吋大電視, 可以1人睇1個台, 不用爭, 又或是游走於悅心池內, 交替來看...


睡房亦可直達浴室, 玩累了, 走進日式木浴內浸泡一下, 加點浴鹽到熱呼呼的水中, 猶如私人溫泉, 泡一會再來一個冷水浴, 身心能不鬆弛嗎?!!


浴室大解構!!! 可容納2人的大木桶... 可容納2人的淋浴間... Intelligent坐厠, 唔係新o野, N年前到日本工幹都見識過, 不過係酒店客房入面用係第1次... 不落俗套的豪華, 一切來得舒適自在...  

日落前, 暴雨終於停了, 係時間出發到天浪淘園 (人造空中衝浪沙灘)... 我衝, 我衝, 我衝衝!!!


水清沙幼? No... 沙粒好粗呀!!!


唔識游水的Honey, 係我的強力催眠及慫恿之下, 居然帶住浮棒走出去衝浪, 如此奇景, 相信人生都唔會見到第2次, 影低佢先, 嘿嘿...


輪到我喇!!! 一係唔衝, 一衝就要衝到最前!!! 水深1.8米, 對腳唔到地, 都幾驚... 仲要照顧條完全唔浮的浮棒, 自己游仲輕鬆, 下次都唔會再用... 1個人孤伶伶玩咗幾次, 有少少悶, 又驚對隱形眼鏡會被沖走, 都係走為上著...


衝完浪, 轉戰衝浪沙灘旁邊 -- Banyan Tree Macau住客專用的泳池!!! 31樓仲有室內泳池, 不過無大特色, 無興趣去... 咁大個池, 得我地2個人咋, 包場咁, 好興奮呀, 呵呵呵...


泳池邊的大圓藤椅, 活像私人山洞, 足夠躲藏2個人, 與大陽伯伯玩遊戲...


衝過浪, 練成膽大包天, 居然舉高雙手帶埋相機落水, 只要輕輕差錯腳, 肯定報銷... 居然又冇事喎, 下一次, 一定要再玩大D... errr... 咁玩乜好呢...


Concierge 的職員得知我地來慶祝Anniversary後, 更送上紅酒及蛋糕, 好窩心呀!!!


鋪滿紅桑莓的白朱古力拿破崙布甸蛋糕, 好好好味呀!!! 連唔太沉迷甜品的Honey都食得津津有味... 衷心多謝Concierge 的職員, You're so sweet!!!


食完蛋糕好飽, 晚餐只到銀河渡假城的美食廣場解決...

第2日... 暴雨警告生效...

12點前要退房, 唔捨得離開,早上匆匆吃過Saffron自助早餐, 又跑回客房內享用悅心池... 然後又跑進大木桶再浸浴鹽... 又再攤在梳化上小睡... 2日1夜的假期, 不用往外跑景點, 簡簡單單, 輕輕鬆鬆... Oh... 太Relax喇...



是時候離開了... 懷著依依不捨的心情, 等待Shuttle Bus的來臨... Shuttle Bus?!! 不是應該推著行李到銀河渡假城的Shuttle Bus Station嗎?!! No!!! 原來有悅榕莊住客專用的Shuttle Bus接載住客到Shuttle Bus Station的!!! 等了又等... 等待的時間已足夠我地用腳行去Shuttle Bus Station, 不過見行李部職員咁熱情推介, 就試試啦...


好彩有試, 上車時真是O咀... 平常容得下40-50人的旅遊巴, 居然只有10個座位?!! 全是超級舒適的大班椅, 坐下後絕對不想再站起來... 車尾還有小酒吧, 好好好好豪華呀!!! 人生第一次見到咁豪華的旅遊巴, 可謂大開眼界!!!


以往我很少會將一間酒店房寫得如此詳細, 只由從未試過以港幣$3600住1晚酒店, 如此奢華的1夜, 必定要隆而重之地記述... 不是因為有$4000康泰Coupon的話, 以我超級慳家師奶的性格, 一定不會揀...

不過, 住過就知唔同Level, Relax的程度, 前所未有!!! Honey話以後每年可以來住1次, 自己掏荷包也在所不計... 

後記 : 因酒店客房的WiFi用得實在太爽, 本人狂鋪相到Facebook, 人未回港, 在港的朋友看到後, 已急不及待問價錢... 回港後發現酒店網站有悅榕庄住宿早訂優惠, 提前7天預訂, 包早餐只需HK$2900 (含稅), 足足平我地港幣$700, 嘔血...

大家訂位前記得去酒店網站睇下有乜Promotion先呀!!! 
http://www.galaxymacau.com/zh-hant/promotions


9 則留言:

  1. 4000蚊晚真係好貴~~
    不過又真係勁正~~

    回覆刪除
    回覆
    1. 可以話係我呢世人住過最正的酒店, 比泰國曼谷的Sukhothai更正!!!
      4000蚊可以跟團去台灣5日4夜, 不過, 康泰團喎, 你敢唔敢跟?!!

      刪除
  2. 好吸引的酒店, 加上折扣,更加抵呀!
    有機會芬妮一定要試試!

    回覆刪除
  3. 我上次去泰國都係住banyan tree, 有香薰爐真係好正, 唔係間間酒店都有. 乜原來macau 一間要咁貴, 但真係好難忘. btw, 可唔可以教下我你右手邊唔同section 都分類點整架.

    回覆刪除
    回覆
    1. 印象中泰國Banyan Tree都唔平...

      刪除
    2. 版面配置>新增小工具>標籤

      選取的標籤>編輯>選取要顯示的標籤

      刪除
  4. $3600住一晚好豪呀,悅榕莊初初開幕時買一送一,我個時住過,,住兩晚還送幾百元的餐飲,非常之抵﹗

    回覆刪除