網頁清單

2013年9月20日 星期五

56蚊「澳門悅榕莊」2日1夜之旅 -- Festiva Lunch Buffet

3 September 2013, Tuesday

56蚊, 住Banyan Tree Macau 1 晚, 包自助早餐, 自助午餐, 來回船飛... 咁平?!! 

緊唔係... 事緣舊年係Openrice食家挑戰賽中勝出, 累積四個階段 金筷子組 總排名 第二名, 嬴咗4000蚊康泰禮券, 坦白講, 用支搶指住我個頭都唔會跟團囉, 自由行去星加坡5日4夜萬2蚊, 要補8千, 放棄...

原本... 我係想補錢睇水舞間的, 點知... 逢星期二&三都休演, 激死...

最後... 選咗Festiva自助午餐, 貪其方便, 唔使離開銀河渡假城... 真係好彩當初咁諗, 暴雨呀呢2日...

又原本... 我地訂咗第2日食, 點知... 原來酒店包Breakfast Buffet, 連食2餐Buffet, 驚會嘔出o黎, 好彩出單內一小時同職員溝通後都改得切... 

好趕呀, 一早起身, 梳洗食早餐, 搭小巴再搭地鐵, 10:15AM去到上環的換票處, 換最快的船飛, 10:30開船, 11:30AM去右去到澳門, 過海關, 坐Shuttle Bus, 第一次去到Galaxy Macau, 極速搵到餐廳, 都已經過了Lunch Buffet開始的時間少少, 好險呀!!!



大把位未有人坐, 但就比最迫的2人枱我地... 見到有2位女士都坐4人枱... 算... 無佢咁好氣... 外面落大雨都無心情要求換枱...




行一個圈, 好多選擇, 都幾吸引...









Counter太多, 不能盡錄... 仲有冰鎮海鮮, 魚生壽司, 娘惹菜, 港式燒爉, 印度咖哩, 即炒檳城粿條, 即煮喇沙, 七彩冰飲品...

腸胃唔好, 唔敢食生冷o野, 所以先吃芝士作頭盤... 水牛芝士蕃茄好甜呀, 正... 蘋果包無蘋果味...
 

再來吃串燒, 味道還可以... 娘惹豆豉滷肉小小一粒很正, 吃太多會鹹... 娘惹咖哩雞內的蛋也不錯, 咖哩很香... 

燒味很一般,  後悔取太多了... 喇沙無椰子味, 後悔取了... 


Honey取了印度咖哩, 佢話好味...  

Honey仲取了很多食物... 南瓜湯, 我呢個南瓜迷飲一啖就推開... 其他的味道都很一般...

Honey幫我取了紅棗燉雪耳, 像冰糖溶於熱水中吧了...

甜品是全餐最Horrible的!!! 相中4件不同顏色的蛋糕, 味道和口感竟然一樣, 像活生生的雪硬了的牛油, 好可怕呀!!!

我仲飲咗熱檸茶, 食咗生果... 食物味道參差, 無邊款值得我為佢博命, 收手... 如果要我大拿拿拎200蚊出來食, 我嘔血都似...

服務還不錯...服務員不停收碟...

環境都幾新淨企理...


是次每人消費約 $190 元
味道: 3 環境: 4 服務: 4 衛生: 4 抵食: 3
###
地址 : 路氹城「澳門銀河™」綜合渡假城購物大道東地下G19號舖
電話 : 853 8883 2221 

沒有留言:

張貼留言