食完Saffron自助早餐, 返酒店房Hea多陣就要Check-out了... 唔捨得呀...
其實仲好飽, 不過一場o黎到澳門, 無可能未食過葡國菜就返歸o架...
葡軒位於澳門銀河城內, 貪其不需日曬雨淋...
![](https://blogger.googleusercontent.com/img/b/R29vZ2xl/AVvXsEgc_nq0ys2ayF65XwgRDoPILwvNXHCQTuGhKt4k6qtw7gkNPOs9rY3FWYkVMyAGOpP3PymWeH-GMN3m1Wt5qRyQjqB0XHXIQp17W9uR9kYBFW32y-Qoe8NHBkoqONtcHzPPL_IqkRuKyl9G/s1600/DSC09722.jpg.jpg)
牆上的七彩公雞裝飾很奪目...
![](https://blogger.googleusercontent.com/img/b/R29vZ2xl/AVvXsEgekPJpD5cQH3LocOYQYu38ttswuaYLhx14rJu1P67S1dpdI91HzUHixtAcNqY8We6t9fOBmMrX3cGUyRU_FrshjTa5tH1-XgfsGUSHK4IwRisu80iH8X802Z5KXcRR4fg0qtVvqu2k2ByT/s640/DSC09727.jpg)
店內的裝潢很有味道, 多彩的瓦磚, 含蓄的葡國風... 梳化位坐得好舒服呀... 時間尚早, 客人不多, 好寧靜呀, 我最Buy...
![](https://blogger.googleusercontent.com/img/b/R29vZ2xl/AVvXsEiKXYvMwpx6bcIhIIdqeNnJ5rdShekle2wqNB6svoDF7Nq0jbAHY6hZRxC2U8CVGS7OD1bmB0V8Od6uDks2piABQYzE9GOOZcNxkA0i1Z7IiqO8myIOjm8wyd3ziFaRzFDPL6gEV4qmEG-s/s640/DSC09731.jpg)
先來餐前麵包...免費送的... 牛油制作很認真, 刻上了澳門銀河的標誌, 味道卻是一點也不好吃, 只有油, 沒有香... 麵包外皮硬硬的, 內裡暖暖的, 味道淡淡的...
![](https://blogger.googleusercontent.com/img/b/R29vZ2xl/AVvXsEg4X2NdYDT9EG-sblbr_caDhmQ26IRhS4LOyX5TemijKVH4eVapkRp693-WfyZrTqpw_Z54zaWyXsxGVkcvh5kqRtUaag27w3LSl_t3L5ttTjq2AGDlccsvWXkB_Z3P_xE00nAEt9qM057B/s640/DSC09737.jpg)
Guinness Stout $50
-- 吃乳豬時, 總會想飲凍飲, 味道濃烈的健力士啤酒是不錯的選擇...
![](https://blogger.googleusercontent.com/img/b/R29vZ2xl/AVvXsEj9JJJ-34jydkpt8pcVvKqEje4aIT-ZX71h6A9ixk0J5Q1VM3lyIwmg9aW-qRFXivPBCiwaf75noK1iDV7xc0goXctIvkA7aK3qdPp4XE-KDqe2TehTfy6pKje3nQ0v8zoVcowB0zI18uTf/s640/DSC09736.jpg)
葡式燒乳豬 $198
-- 餐牌內係搵唔到葡式燒乳豬的例牌價錢, 只看到$780預訂... 細問之下, 1份的價錢係$198, 就要1客吧... 碟是很大, 薯條卻鋪滿半碟, 乳豬只有6條, 份量略嫌少了點, 幸好皮脆肉嫩, 肉汁仍然保存到, 豬味濃而不至膻, 食得好滋味, Yummy!!!
![](https://blogger.googleusercontent.com/img/b/R29vZ2xl/AVvXsEgFOGahS7jI9sInjvE7eoIfb3O2GjdfHwOWSC3PJzCjbU_twYSerkBJriBR0H0dXbo65sHq7BSlVMxEI6xjxQDjc62SqsTMin171HNwI3uvU6qYzUqHHS5_PlXqE-dkk7hAjfd4weanN0G0/s640/DSC09738.jpg)
焗鴨飯 $118
-- 網上食評推介的焗鴨飯, 表面的飯身脆脆的, 像煲仔飯的飯焦... 香味飯蓋著乾柴柴的鴨肉, 鴨味香濃, 略為鹹了點, 葡式腸一如傳統, 鹹得過火... 整體味道是不錯的...
![](https://blogger.googleusercontent.com/img/b/R29vZ2xl/AVvXsEhF65oVqsMGS8S4gH9_BC2cm6KoZeZBObGhqgDcBRkL2XPoRlg0hfow2MFHUHeyCas9eOuHs6Two5CPz2dk-_X4eilpBSri3-M12VXnIvhq09IdZb2rCkRKfAj2HCFQ8iZmPGcGWYdY-Wse/s640/DSC09739.jpg)
![](https://blogger.googleusercontent.com/img/b/R29vZ2xl/AVvXsEjyak9exLXdbG6C40-OkUzhjJZK7-0JmX0uVVs9bXSd3byJMGrYtbqDJxZ7FJFTznXwHDCVEwZcLVgrkB3xVOLYnSEzgFCu9dPUPCyWQEqGxuE8JKQzt5L9h91V2lCsz9IHMzqXy5Q8AK8r/s640/DSC09741.jpg)
後來的客人點了非洲雞, 賣相好吸引, 下次若然再來的話, 一定要試試...
申請了銀河卡, 埋單有9折, 等如免加一... 有點後悔... 諗深一層, 只是Discount了$36.6, 我的個人私隱呀, 不只值這個數吧!!! Honey話見到銀河卡櫃位的職員好似悄悄地用相機影了我地的身份證, 問都冇問過我地的同意, 太過份喇!!! 好後悔呀!!!
沒有留言:
張貼留言