20oC, Cloudy
前文提要, 我地今次突然暴走澳洲, 前後只得個半月時間Planning, 由於對澳洲亳無認知, 導致計劃一改再改, 所有事都勁「臨渴挖井」, 其中一樣係出發前幾日先Book機場Limousine, 結果... Full晒!!! 要坐Taxi去轉機鐵, 有少少冇癮, 因為夜晚7點幾機, A380要早90分鐘Close Check-in Counter, 正值Taxi交更時間, 好驚搵唔到Taxi, 好煩!!!
黑仔事件又何止1件, 出發前眼鏡無端端爛咗, 配Parts都配唔切... 帶Con都被個盒割到手指, 傷口勁深, 黑仔到爆...
咁黑仔, 都係早d出發穩陣d, 反正成朝係屋企都冇o野做, 得閒到上網玩Candy, 又敷Mask, 見個喼仲有位剩, 仲要再塞多幾件衫入去, 仲可以沖埋涼, 出街食埋Lunch, 再返屋企先拎行李, Weekend坐夜晚機就有呢樣好... 和民牛小排熱鍋飯真係超好味...
好彩出發時冇落雨, 順利搵到Taxi, 起飛前3個半小時去到機場, 都已經有人排緊隊寄行李, 排隊時見到指示牌話所有電子產品Spare Lithium Ion電都要Hand Carry, 唯有當眾開喼... 到我地Check-in完, 人龍完全消失... 過X光機時, 排我後面嘅外藉少女除埋對鞋放入膠盤度, 我睇到眼都突埋, 好快佢已經發現佢唔需要除鞋...
順利出境... 咁多時間剩, 去Gate 1隔離嘅Travelers' Lounge八卦吓先...
![](https://blogger.googleusercontent.com/img/b/R29vZ2xl/AVvXsEjupji0-eF3rDgjg__3oNhtpa9tGEzjPu0xEHkw328WGpScnFh91BGeFyCEF6hGxzv8xVg7gXkaWfNdQh5JV_q42uxLCjLg2hX-sVLpPMyWfFMPGPpr0FuTlDsMvX937plNqP98pyc2XWHo/s640/512062326_m.jpg)
場內有Free WiFi, 對旅客o黎講比較緊要d...
環境都幾舒適, 暗暗地, 静静地, 梳化幾好坐, 仲有o野食有o野飲, 有得沖涼, 又有電視睇... 呢個Bar區有Brownies同椰撻, 又有咖哩角同薯角...
![](https://blogger.googleusercontent.com/img/b/R29vZ2xl/AVvXsEipotx962NUh1hY4aRNFU_8m_uahhFIQLugaG2L9MT1V_ns15aO68zsR8fGLr1hry7Ogo-yARX1qRP-Q-RDcjhXO-WPiqiHYZBIN8AuHNiAKC3hea8tH_O3ChTOb65xJyiEoJe7Ld_6uNNV/s640/512061365_m.jpg)
行入d有Soft Drinks同Sandwiches任攞...
![](https://blogger.googleusercontent.com/img/b/R29vZ2xl/AVvXsEjNAJxTyYzCO96SaYLTeM_eCnU4R_TSz05bQB3xFKfzumfXTjVGjtpcJSNOukJY7_k97keEOfIpu9EBo-QBFpe8W0eMP5-FgvefAu3uuTEcyqHlhbohyphenhyphenoZ_R1pW5-VBaRXm-XDLn3U9iRtA/s640/512052536_m.jpg)
又有咖啡、茶、果汁、麵包、生果任攞...
![](https://blogger.googleusercontent.com/img/b/R29vZ2xl/AVvXsEgr8gK20FUPi49xziL_-VJadPBZ76oC3csyrGVCvSiOY4p5Gfvo__fujdgFhAmH1_MvQX3bGaXk4TWdal_Koi22oK2gUSeY2hp8Eadb9S-B_7pvlyoFI5p6NUlgT11jRe4y1C-QmEpC3QOp/s640/512053521_m.jpg)
仲有沙律、熱葷、同埋湯粉...
![](https://blogger.googleusercontent.com/img/b/R29vZ2xl/AVvXsEja-oD0zByhUGyUQcbwCwU0YXdfxqDrV57j-whb6h3x2UUXGoU9jybpl9mONnSfA8ToOksBDA6SL1Sg1BioOlQsXY90MPqD4PI7JYnfqb6kIzbVkDsMhq28l5aBdOWD4Tjg7fAC0yOEjmuW/s640/512049221_m.jpg)
Brownies冇朱古力味, 椰撻都OK嘅, 咖哩角冇可能出事, 薯角又凍又腍, 無需Encore...
![](https://blogger.googleusercontent.com/img/b/R29vZ2xl/AVvXsEhLUFMS8s1fYGb8SOIb1lNMg8svZRPjzglyptOguHLnQ5utIBug7ltemUdxqJvmtB0Rjhq1N9N4Pp7gzMPdnO5kYjZAUSZ9vXw1UKpnRMlIhvvmV_jvrka40KvVPxeiMeX4TsVYQd4y0Ucc/s640/512064823_m.jpg)
湯河冇味, 你冇可能會Encore...
![](https://blogger.googleusercontent.com/img/b/R29vZ2xl/AVvXsEirnQsjigcMdJuZkSPiHgquvg4OzNH51T_lZtpjGYbmPPdAuZXad0iQsaHSlfs7sUqHOiNoR65M95rlFaJ-cW77fhi4FDLoiALNUICdhdBc-Iq-edvPa6UOI3iedxXxpGZemBeBRz7c2_ly/s640/512055363_m.jpg)
估唔到, 曲奇同合桃酥冇味得o黎都算正常, 墨西哥粟米片幾冶味, 最場唯一叫做唔錯的食物...
![](https://blogger.googleusercontent.com/img/b/R29vZ2xl/AVvXsEjLHPYm4LEVicF83RiHkpj1iyYrCF_vZL6WMTv7a5KJYvFM43n8RbsZjbDLRqyLZH9ARvVZSJg5f0Z-mXNx1-I22CzezTKCCqYMAVvy3fgRbkotJGrHPBuywQL5xichY5jSPhPlRmdEfZFm/s640/512059708_m.jpg)
食物冇咩味都好嘅, 上到機唔使咁口乾... 食物真係麻麻地, 但地方一流, 好寧靜, 好舒服...
你最終有無帶眼鏡去?
回覆刪除[版主回覆04/06/2013 20:29:34]有帶眼鏡去呀, Honey幫我用熱溶膠暫時黏貼住先, 好驚比人睇到, 咁鬼寒酸, 嘩咔咔咔...