16 March 2013, Saturday
20oC, Cloudy
20oC, Cloudy
朋友一家三口到達機場後去咗開餐, 食飽飽就Whatsapp我地, 原來去墨爾本同去悉尼的航班登機閘口都只係隔離左右... 我地離開香港機場貴賓室, 去到登機閘口同朋友影返張合照Upload去Facebook, 之後就要分道揚鑣... 聽日係阿德萊德見喇, Bye~
Adelaide係南澳嘅首府, 居然得國泰有直航?!! 直航當然好, 但我地想去埋Sydney同Melbourne, 國泰飛來回2程嘅價錢, 等於澳航飛5程... 無言... 國泰Fans輸咗喇... 反正朋友已經出咗澳航機票, 坐同一班機去Adelaide應該會開心d... 但係落實出機票都係2月頭, 只係遲咗幾日Confirm, 就要1個人貴千幾蚊, 無奈下決定同朋友分開飛, 佢地飛Melbourne轉機, 我地飛Sydney轉機, 我地係香港遲朋友5分鐘飛, 但係要遲2個鐘先到Adelaide, 激死... 最激氣係比晒錢之後冇耐, 國泰就出特價機票...
我同Honey第一次坐A380, 好興奮呀~
架飛機大咗, 要早d寄行李之餘, 登機時間都要早d... 登機通道內中途設咗安檢站, 個大嬸撿查Honey背包時, 揑落單反相機支長鏡, 居然話係水樽?!! Honey同佢講係相機, 佢唔理, 繼續大力狂揑!!! 我心諗 : 揑夠未呀? 咁大力, 爛啦!!!
我好似係排第一登機, 當然係我之前, 有長者及小童優先登機... 平時我一定揀窗口位, 不過根據以往經驗, 坐長途機d人瞓到死豬咁, 3-4-3的座位設計, 2個人坐窗口位, 好難出入去Toilets, 所以今次破天荒, 係有得揀嘅情況下揀咗中間果排...
架機唔滿, 有d窗口位只係坐咗2個人, 正到暈... 我都好彩, 隔離的2位單身少女都比較纖弱, 唔會太迫...
架A380好新淨呀~ 等我神經企鵝走出o黎搶吓鏡先!!! 今次行程嘅其中一個重要環節, 係去Phillip Island探我嘅老表神仙企鵝...
![](https://blogger.googleusercontent.com/img/b/R29vZ2xl/AVvXsEgAyDJp215nvZlhZu5jA6lSvPMIhiXDFIM1asXaa5HkM_8Co4s0JJ1KVdzHYtSZUsRIW_B1ItXkTmw7n3Ei-lOw2a9C-FZhEHizfEK-gtY0eicrx2IvukvWWeN3aaml-hxTbid3SvgGXO-m/s640/512108183_m.jpg)
講開揀位, 我地第一次坐澳航, 都唔知個程序, 好緊張, 好驚心水位置好快比人揀晒... 之前一晚我仲走咗去試食, Online Check-in重任落咗係Honey身上... 踏入起飛前24小時, 之前交落比Honey d Link原來係錯嘅!!! 果條Link係比Surcharge優先揀位用, 原來起飛前24小時會多咗Online Check-in條Link, 要輸入好多資料, Honey又唔知我將d Passports同e-Tickets放咗係邊, 我地要用電話聯絡好多次先擺平, 果一刻真係好後悔, 我真係唔應該出發前1晚仲走去試食, 我太對唔住Honey喇, Sorry!!!
19:55 A380起飛好寧靜呀...
上機冇耐就派晚餐啦... Pork or Chicken... 咦... 點解... 同空姐派嘅餐單唔同嘅?!! 唏!!! 原來空姐派嘅係相反方向, 由悉尼出發的餐單, Beef or Fish!!!
Garden Salad with Balsamic Vinaigrette
-- 黑醋係我永遠嘅至愛!!! 沙律OK新鮮, 酸咪咪好開胃...
Stir Fried Pork with Yu Shiang Sauce, Bok Choy and Fragrant Rice
-- 酸酸甜甜的豬肉絲雖然硬咗少少, 但味道還可以, 食得落... 好味過Travellers' Lounge...
![](https://blogger.googleusercontent.com/img/b/R29vZ2xl/AVvXsEjSIcKsPK8xZqkiDFfSy49jNUl3eK7-sYdIPlO6FxGY42V30WOid0B5m0L60yq7Hf28IXniaAyxr6YilFKxu9RFEczoQI2PswBZUzXxYMhmyTKM-NmYOxWysHQDIymM-ILyiUDA4IZYQnSS/s640/512130419_m.jpg)
Cherry Almond Tart
-- 點解隔離左右都有, 得我一個冇?!! 你地睇吓上面張相, 真係冇!!! 好彩空姐仲派緊飲品, 即時問佢拎返!!! 不過佢都係o係其中一個盤度抽比我, 唔知邊個會成為下一個不幸運兒... 味道好一般, 都吞得落...
Chocolate
-- 冇食到, 帶埋佢入境, 留返旅途中口痕時享用...
![](https://blogger.googleusercontent.com/img/b/R29vZ2xl/AVvXsEjidEg_Sp26NNw95NzW26ea2ktZZ-sVcfXQ3jaozKxv_CR-OuL-o5rIrhJNryV5Grch3PPWuSnYyB1OG1mOGqrpYa8c3UZbX-II2rWvPvekH58R1VKMKZspIpRXPWV_9NVb5bh3ug5HEuZ2/s640/511969086_m.jpg)
我地原本打算跟朋友Join Barossa Valley嘅酒莊一天團, 朋友之後臨時改咗計劃轉去袋鼠島, Honey係飛機上可以飲返支Barossa Valley出嘅紅酒當補數...
![](https://blogger.googleusercontent.com/img/b/R29vZ2xl/AVvXsEgUdpZAOS3Aq9-W1TGJBCfhSeDG-ipTe0MHri1o6wwyTfO6zbnhGts-TWKczMq7fZi05yCjKjk0bCgd9DHXBksbbaWyzyy0HUtWkaAitTT7d1Oc3xIYupzw727K_lWGmQzLRelyh3tSf87J/s640/511970978_m.jpg)
航機上的Movie係Video On Demand, 我睇咗套有中文字幕的Life of Pi (少年Pi的奇幻漂流)... 然後再睇埋Skyfall (新鐵金剛:智破天凶城), 好鬼悶又冇字幕, 不停強調Old Fashion Works...
航班中段的Relax drink... 吉百利熱朱古力!!! 估唔到有咁大粒綿花糖, I Like It...
![](https://blogger.googleusercontent.com/img/b/R29vZ2xl/AVvXsEhEt4FqTI-k1MlD_7a1UMp9JEgn1paZ9JjeiCBlAcOb0rfRzNxdb1IILR6hCWSrHIXNRfegnKXsjvsJ6sMmmPk0etfZEgY8tbd5jAjM2EfP1lzOAAtiDCnj5jtdIBmQxD9beJrQtSTk3fnf/s640/511971560_m.jpg)
睇完2套大電視, 係時候食早餐...
個胃唔係幾舒服, Orange Juice同Yoghurt都冇食到, 但係唔敢帶走, 因為有機會唔入得境... Salad凍冰冰都唔敢食...
Banana Muffin
-- 都幾香幾鬆軟...
Scrambled Eggs with Seared Bacon, Roasted Potatoes and Spinach
-- 個胃唔舒服時, 蛋一定唔食得... 只好食薯仔... 菠菜d味好似嘔吐物咁, 哽唔落...
![](https://blogger.googleusercontent.com/img/b/R29vZ2xl/AVvXsEg6YxP3GN0Ir19zbQ8M9B4FQ1GxW21KerP4ZFDSRcOFH5Es7n4B87SQlCghMgSQGhqWkSPM77a7aNJv8oYwVxRAWS6zs70b2mO24xNlCKLUnf-61na-LARI-k_Pu451LtSBQq0_4gYGN9N4/s640/511973443_m.jpg)
就夠鐘落機, 唔夠時間睇多一部電影... 食飽冇事做, Click吓個Touch-Screen電視八吓有咩功能先... Oh... 原來架飛機裝咗支Cam可以睇到外面嘅情況o架...
![](https://blogger.googleusercontent.com/img/b/R29vZ2xl/AVvXsEiogf81hf6Xrb1SKEnrVfJXRvBmjjGxx0OFQNJMMm7pc2B7bKpx_Yv8c0Rz8H-dXt35a8j2FBfSX-HCYGTZIi9WsW-TC454DyhQhsGLZLROvT0ck-eNwcvrgQMVgcl3H1_z1FdQ1uZu_j-_/s640/511974924_m.jpg)
同埋呢, 個System係有埋餐單... 都唔明點解空姐仲要派d錯嘅餐牌比我地...
![](https://blogger.googleusercontent.com/img/b/R29vZ2xl/AVvXsEhCrWMFbSP8XWV3gJ_sXsGXBa7NFEUF7sZaW5YIDMhNf21BDobF-j2ieCJSi07uS5QkLpxFpnBbPJUey2dSApRo2CmUBXvEUvFOgOCsdoip8HFBBg3VS0ZJc4i-Kadaeu-QmPDJJmQBjtiX/s640/511976303_m.jpg)
架機樣樣都好, 不過, 我個耳機係爛o架, 搞到我一時聽到一時聽唔到...
![](https://blogger.googleusercontent.com/img/b/R29vZ2xl/AVvXsEgUlAvMZZuQNMtAgIsjVH2LZs5Lm-AMXuOfaGgfg-QCVei3GL2wdoCrNRPI1RlHP18i8VcCNXHEwms6oa9P-1pp-NOQnNbTjFr54T-nUaghW9HDO3fGB-RQDu28WGjv2BY4fmIT55R2rnSj/s640/511977285_m.jpg)
朝早6點幾抵達悉尼... 過咗海關之後, 要自己推住件行李, 由T1(國際)推去唔知邊度Check-in, 然後坐巴士去T3(內陸)...
![](https://blogger.googleusercontent.com/img/b/R29vZ2xl/AVvXsEiIoDpOFS10PQbQ-T5AyY4MgIhyphenhyphenMX3iG1UKhyphenhyphenyazBt3eVJmpd-TEGeAL1_CnH-u7Kj4L87k0EoIiWknnP9qHPugDki_yHVVQgVtN1Ia4KESGK_NxVXuQWnrb1z7ts3rxmTJ6FIj0RB5RTDh/s640/511977445_m.jpg)
T3候機處有Free WiFi... 呵呵... 毒友們, 上吧!!!
![](https://blogger.googleusercontent.com/img/b/R29vZ2xl/AVvXsEgLV31VSOHe5GpVJ3htKRPDNoE2civ6H2njKexaKmSM_vIln1xMpJXJcApOW7iMhrhLxDjraq99UfjhEl_xOfVZ4TRl9ax2-P2sO4reU9ai5OIbkTpXCLjEDW-sMzBBf-oKDEN8ojk0JKDF/s640/511978702_m.jpg)
11:05 起飛了...
![](https://blogger.googleusercontent.com/img/b/R29vZ2xl/AVvXsEi91_3bDM674_cn_nRFxuG9Kpg9Iv3kxvJevr7rldhRFmOAXqycwPXUIzHAzvO29tqJWgx6DMkCwQuGZ2gnaopUE57y74PkhhVaCdl-R0xglXuuxz_hP5Bhna5FJrudy-eMQUI2Fmh8YJfP/s640/511980195_m.jpg)
航機上看到的, 盡是一片片啡色的Dairy Farm~
![](https://blogger.googleusercontent.com/img/b/R29vZ2xl/AVvXsEgcb7qArgwbZGid-ccB32gufX6aCxrDIXKwdpLhxPjHVta5LLDkZVvbjtduqvl5hmAYBl_eUxGtpAf19eF2lZpfRmYG4TYc-60suPov5q5Etl6Y4EHDhyphenhyphen7HV5U-SEGEakI91Ptcm1HUQaiH/s640/511983011_m.jpg)
航機上派發的朱古力Snacks Bar, 味道Very Nice...
![](https://blogger.googleusercontent.com/img/b/R29vZ2xl/AVvXsEhIc_u6LFEyRTT8IPhShG8m3QiGUQDiKRxEZaojtv3z2DEpVYOgcdUQxhaCh0Dai2rzzNLSsau5wxrnFJV5ZHJagD1zgJDdHhz0MgHh3NdXleMqjEYFeyAtvHi7rOUD33SEJp2QKHxZkbVD/s640/511984524_m.jpg)
13:00 嚮往已久的Adelaide天空, 吸一口氣, 大叫一聲, 我終於到達了!!!
![](https://blogger.googleusercontent.com/img/b/R29vZ2xl/AVvXsEg6iqsP423tiM9wqgIzph2_fg-yiJhdSEElQwUXXTbJc_4TOiInZo5D27BBaINluLao7MQmkbB8IgDEn2EsO0FRTZlNDvIDojPYbniO4q8lBUqWer9W-L7f9EsfqKH44czcGXuX6truvimx/s640/511984825_m.jpg)
Adelaide市中心同機場超近, 由機場來到市中心的酒店, 承為AU$26.70 (約HK$215)!!! 比Adelaide Airport網頁所講的AU$20為貴, 但差額仍可接受... (朋友一家三口, 早我地2小時到, 佢話佢地只係坐咗AU$23)
~~~ 相關網址 ~~~
Adelaide Airport Air Travel Passengers Services
http://www.adelaideairport.com.au/air-travel/passengers/services
Australia Taxi Fare Calculator
http://www.taxifare.com.au/
~~~ 時差 ~~~
請注意, Adelaide同Sydney係有半小時時差的, 正值夏令時間, 時差如下: -
澳洲東部: Sydney, Melbourne 時區GMT +11:00
澳洲中部: Adelaide 時區GMT +10:30
香港全部: Hong Kong 時區GMT +08:00
即係Adelaide快香港2個半鐘, Sydney同Melbourne快香港3個鐘~ 純以香港時間計, 即係我由尋晚8點出發, 到今朝10點到達, 歷時14小時!!!
藍天白雲,好靚
回覆刪除[版主回覆04/06/2013 20:20:56]頭幾日天氣的確唔錯, 去到墨爾本就差囉~
真係唔該晒,我仲納悶點解有時同澳洲差3個鐘,但近排又發現只差2.5鐘!
回覆刪除Pi都幾好睇丫!
[貓頭回覆04/06/2013 20:56:41]大雄係自閉呀!
[版主回覆04/06/2013 20:21:55]睇完Pi我有諗過佢係咪同野比大雄一樣, 有妄想症...