康怡廣場北座大變身測試第2激!!!
Honey忽然話想試吓間新開嘅韓國餐廳... 又試新o野?!! 唔通已經忘記咗上次「玉桃軒」嘅教訓?!! 不過呢間「金饍韓國料理」4年前同早兄係旺角食過, 都唔錯, 好, 就去試吓啦...
餐廳入口都裝修得幾靚o架, 帶位員仲著晒成套傳統韓國服飾, 好認真...
![IMG_1187](https://googledrive.com/host/0B1o5dMkLtKdLODdEVVh4cUE1bWM/g_efVoc44uHEppmd3uCisA.jpg)
餐廳入面大部份都係梳化位, 都坐得幾舒服... 仲有好多韓國調味料做裝飾品, 唔知廚房煮煮吓餸會唔會走出o黎拎D去用嘅呢...
![IMG_1183](https://googledrive.com/host/0B1o5dMkLtKdLODdEVVh4cUE1bWM/LhkNu5TRHgwLamrOc5c2Sg.jpg)
Order咗2個Set Lunch試吓...
初時見到經理抽住2個木架仔, 仲以為咁有型, 前菜都上到好似High Tea咁?!! 原來唔係, 個木架只係用o黎運送前菜, 係唔上枱嘅...
套餐包3款指定配菜--O晒咀!!! 食咗幾十年韓國菜, 第一次見... 得2個人食, D前菜竟然係重複2份嘅囉!!! 咁都得?!! 唔係呀嘛?!! 重要係勁難食嘅囉!!!
左邊嘅快餐專用伴菜真係掂都唔想掂, 我而家唔係o黎食港式快餐呀, 唔該...
中間嘅KIMCHEE亦食得出冇誠意, 只係食咗一啖...
右邊嘅炒粉絲落重黑椒, 得個辣字, 唔掂!!!
![IMG_1184](https://googledrive.com/host/0B1o5dMkLtKdLODdEVVh4cUE1bWM/a4WjNIlTzrhLB4K_hVWS7Q.jpg)
泡菜櫻花豚炒年糕--辣到食一啖已經食唔到, Honey都要浸落D牛肋骨汁度洗吓先食... 年糕唔太彈牙, 唔夠QQ...
![IMG_1186](https://googledrive.com/host/0B1o5dMkLtKdLODdEVVh4cUE1bWM/1eGsvu8t2TD.52KV.6_2lA.jpg)
炆牛肋骨飯--牛肋骨勁多, 抵食!!! 味道都OK, 如果個汁再香D濃D就正喇... 唔知點解咁孤寒, 呢個Set Lunch居然會冇餐湯...
![IMG_1185](https://googledrive.com/host/0B1o5dMkLtKdLODdEVVh4cUE1bWM/dbUFolu0.7L8_7A_SXpA7A.jpg)
整體食物有待改善, 咁嘅價錢, 暫時都係去番「名家韓國餐廳」好D... 果度雖然冇人著傳統韓國服飾, 但係大部份服務員都係韓國人, 食客亦好多都係韓國人, 感覺上地道好多...
是次每人消費約$80元
味道: 2 環境: 4 服務: 3 衛生: 3 抵食: 2
###
地址 : 鰂魚涌康山道1號康怡廣場北座3樓1號鋪
電話 : 2628-0266
沒有留言:
張貼留言