網頁清單

2011年7月4日 星期一

福臨門 Fook Lam Moon

2 July 2011, Saturday


之前去尖沙咀福臨門食過晚飯, 覺得環境同服務都好過灣仔福臨門小小, 所以今日趁假期同埋奶奶大人一齊去尖沙咀福臨門嘆吓一盅兩件...


開咗壺普洱, HONEY話D普洱好順喉, 飲慣茶嘅奶奶大人都讚好飲... 之後再開多一壺鐵觀音就冇平時奶奶屋企飲開果D咁好啦, 所以下次都係飲番普洱好D...


一坐低侍應仲即刻拎2個茶几比我地放手袋, 超細心!!!


蜜汁叉燒酥--全餐最好味!!! 表面係一個合桃酥, 實際係美味足料嘅叉燒酥!!! D叉燒一片片o架!!! 唔係一PAT PAT o架!!! 拉姑極力推介!!!


豉汁蒸排骨--奶奶大人一放入口就話好味... D肉好結實彈牙... 豆豉味比較淡...


爽滑牛肉腸--味道比較普通, 牛肉都足料...


蟹籽蒸燒賣--味道OK冇咩特別... 同埋好似細粒過之前去灣仔福臨門食個次好多...


筍尖鮮蝦餃--蝦餃皮薄到晶瑩剔透... D蝦大大隻, 好新鮮, 味道OK...


香蔴紙包蝦--好香好脆, D蝦仲好大隻好JUICY, 好重蝦味... 好味!!!


荷葉飯(半包)--還是覺得你最好... 食!!! 飯炒得好乾身, 好入味, 好香... 食極都唔嫌...


蛋黃蔴茸--ORDER咗好耐, 仲以為走咗單... 原來係甜品類, 要等我地食晒o野先同其他甜品一齊上枱... 都好細心吓... 個包好重麻蓉味... 不過我地放得太耐先食, 個包已經乾晒, 冇咁好味... 同埋太足料, 所以好滯吓...


杬仁馬拉糕--出奇地好好好食!!! 又唔濕又唔乾, 又唔會死實實, 而且好重蔗糖香味... 必吃!!!


馬仔--好鬆化呀, 仲好重蛋味同芝麻味... 而且一D都唔油膩, YUMMY!!!


呢度環境又寧靜又新淨, 服務又好D, 食物味道同灣仔分店不相伯仲, 所以遠少少過海食都值得...


是次每人消費約$140元
味道: 5 環境: 5 服務: 5 衛生: 5 抵食: 4
###
地址 : 尖沙咀金巴利道53號8號舖1樓
電話 : 2366 0286


2 則留言:

  1. 我都好鐘意飲茶架﹐恨C我喇~
    [版主回覆07/05/2011 19:55:00]Mui, 多謝你嘅瀏覽同留言!!!
    你果便應該都有茶飲格... 唔緊要啦, 你睇住我個BLOG止住咳先啦... 小心一邊睇一邊個肚打鼓...

    回覆刪除
  2. 拉姑,睇你個Blog 真係好開心,成日都有好嘢食呀!
    下次我去食好嘢前,一定睇完你個Blog 先至諗食咩!
    [版主回覆07/07/2011 21:36:00]Joanne, 多謝你嘅瀏覽同留言!!!
    多謝你嘅讚美, 希望我個BLOG可以比到飲食IDEA你啦~

    回覆刪除