網頁清單

2011年7月25日 星期一

香港書展 BOOK FAIR 2011

21 July 2011,  Thursday


今年又收到書展嘅VIP飛, 可惜無人問津, 最後唯有比晒同事啦~


嘆完「蘇浙滙」嘅「海派美食任品嘗」, 就進入書展啦~


午餐時間, 場外未有人龍, 場內人流亦唔算太多, 仲行得郁...


一如以往, 第一時間衝去天地圖書嘅攤位買咗本馬仔先, 之後同馬仔個紙板影埋張合照就走得o架啦~


呢個攤位賣書賣到好似賣雞蛋咁, 仲有仿九龍皇帝塗鴉藝術品, 一定要影低佢...


呢個專賣微型藝術書嘅攤位擺咗好多微型藝術品係度, 呢個蛋糕西餅店好靚呀!!! 我幾時先可以整到咁靚嘅公仔屋呀?!!!


行完1樓就殺去3樓兒童天地睇吓馬仔教畫畫... 現場係爆晒之餘, 仲要企滿晒人囉~ 好犀利呀~


真係走得!!! 行咗個半鐘咋, 幾快手!!!


年年入去書展之前, 都實牙實齒話剩係買一本馬仔... 結果年年出o黎都係會買咗一大堆書囉...


好彩今年暑假吉豬島同太古坊都有回收舊書義賣行動, 我同Honey已經搬咗廿幾卅本書去回收, 如果唔係, 個書櫃仲邊有位擺新書呀~


2 則留言:

  1. 你幾時借馬仔D書俾我睇ar? 消失中的香港,係講D咩?
    [版主回覆07/27/2011 00:47:00]馬仔D書你睇咗邊幾本? 消失中的香港係之前太古城擺果個微型藝術展, 本書教點樣制作D微型藝術展品, 遲吓等我學多幾堂微型藝術, 就試吓跟本書做~

    回覆刪除
  2. 我想睇去旅行同埋今期果D,其實......我淨係睇過上次書展果本咋,WAKAKAKA
    [版主回覆07/28/2011 00:58:00] 嘩!!!!!! 即係一次過要借6本咁多??? 咁鬼重, 你搵日上黎我屋企睇好喎...
    只限堂食, 不設外賣!!!
    又或者, 用番昆我細妹果句-->你上黎我Home睇有機會見到馬仔喎... (結果昆完佢第二朝... 真係響小巴站見到馬仔)

    回覆刪除