網頁清單

2011年7月17日 星期日

薑味芝士蛋糕 & 甜薯餡切餅 @ 工聯會

15 July 2011, Friday


今晚係第三堂去工聯會學整蛋糕... 今晚係整「薑味芝士蛋糕」...


我嘅制成品... 依然... 好...... 醜樣呀!!!!!!


返到屋企又再睇番同學期唔同地區嘅BLOG友整嘅蛋糕, 人地係整得好靚好正常o架囉!!!


我地阿Sir 6組人加埋佢自己先整3組忌廉芝士, 根本連鋪餅面都唔夠, 竟然完全冇預忌廉芝士比大家鋪餅邊, 仲叫大家用埋焗餅底張紙, 又濕又梅咁包走個Cake返屋企... 好核突呀...


個制成品真係一次衰過一次呀... 上完堂好唔開心呀...


制作花絮...


嚴重貨不對辦嘅「甜薯餡切餅」... (阿Sir示範, 我地冇得實習)


你地睇下... 根本就係一個鬆餅!!! 阿Sir示範時, 好多同學都有疑問, 大家不約而同認為餡餅應該係有塊餅皮包住D甜薯餡, 究竟阿Sir識唔識整餡餅o架???


哈哈... 吸到成個蓮蓬咁...


全新粉團... 仲Keep到紫芯蕃薯嘅顏色...


半新粉團(蓮蓬+全新粉團)... 嘩... 好恐怖呀D色... 成碟藍精靈咁... 食完會唔會Short Short地o架...


全新粉團都仲鬆鬆地, 半新粉團就已經發唔起...


焗好即刻食... 嘩... 陣味好臭... 好大陣梳打粉味... 嘔...


拎咗3粒返屋企比Honey食, 佢話都OK... 可能D梳打粉味已經散咗...


4 則留言:

  1. E+樣樣都貴左好多,以前(3年前),我成日整芝士蛋糕,果時$1x/250g,E+就$3x/250g,但學費就跟唔到通脹,只有用有限既資源完成作品啦
    [版主回覆07/18/2011 16:04:00]你又點知佢冇加學費呢? 佢加咗學費o架啦, 之前仲平o架...
    如果驚蝕錢, 又唔想加學費, 咁佢應該用再細d嘅餅模, 又或者唔應該開course囉...
    佢咁樣做, 教壞師呀~

    回覆刪除
  2. 佢加左,我話學費跟唔到通脹呀,果時好似$980或$1180,相比材料加幅,工聯會算係咁啦,另外你講用再細d嘅餅模,更加唔合附經濟原則,買過晒唔係一班,係每間工聯會,買完又要搵地方放舊模,唔開course,其他人既反應可能大過e+唔夠材料呢,邊到搵千幾蚊學成十款左右.『我都學過麵包班架呢』
    [版主回覆07/21/2011 00:00:00]問題嘅重點係, 佢D技巧係完全唔掂!!!
    如果純粹係成本問題, 佢自己果1個Cake示範好小小絕對唔影響成本, 佢根本連自己果件示範品都係求其整...
    仲要個「甜薯餡切餅」根本就唔應該變成一件鬆餅, 佢簡直係「指鹿為馬」!!!

    回覆刪除
  3. 唔夠材料…好似真係cheap咗啲! 不過,你都起碼可以包走一個cake啦!
    [版主回覆07/21/2011 16:26:00]我要嘅唔係個Cake, 我要學到o野, 仲要係學到好o野...

    回覆刪除
  4. 我想問你係邊間學? 同埋阿sir姓咩? 等我地可以避開!
    [版主回覆08/14/2011 19:56:00]Serena, 多謝你的瀏覽及留言!!!
    我係天后學!!!
    至於阿Sir個名, 麻煩你留多一個" 私人回應 "我先覆你啦, 免得阿Sir話我開佢名嘛~

    回覆刪除