網頁清單

2011年2月27日 星期日

錦田一日遊 の 有機士多啤梨園


26 February 2011, Saturday


今日貓兄搞咗個錦田一日遊, 行程包括1) 有機士多啤梨園; 2) 紅磚屋市集; 3) 跳蚤市場!!! 行程超豐富, 同埋每個景點之間都係5分鐘車程以內, 無需四圍滕!!!


11:00AM 元朗西鐵站食早/午餐+等齊人坐TAXI!!! 如果大家唔需要呢PART, 大可以係錦上路西鐵站出, 有小巴, 又有TAXI!!!


12:30AM 到達錦田鄉村俱樂部



步行十分鐘左右, 就會見到呢位好失敗嘅「有機士多啤梨園」代言人... 哈哈... 因為BOO見到佢好驚, 唔肯行埋去影相...


每一塊田都有列明品種及價錢...


好, 貓兄, DD, 何超, BOO... 我地開始士多啤梨追捕行動!!!


好紅嘅士多啤梨... 好靚呀!!!


一家四口!!!


OK大粒+好紅嘅士多啤梨... 好靚呀!!!


好熱呀... 今日個太陽伯伯出盡力... 大家記得帶帽去...


我今日嘅收穫!!! 鑽鑽幫我影o架張相, 係咪好得呢...


「有機士多啤梨園」有法國種(60蚊1磅)同日本種(90蚊1磅),  我揀咗日本種o黎摘, 摘咗110蚊, 即係大約1.2磅!!! 即晚食晒, 都幾清甜o架, 香味仲爆燈添呀!!!


D收穫足足有2大盒, 我自備咗食物盒, 同埋平時買豐水梨留起嘅發泡膠軟墊, DD話我呢2盒直情好似係超市買嘅咁呀!!! 哈哈~


其實原本唔係咁細粒o架, 大粒嘅一早都比BOO據為己有, 中SIZE嘅亦都比後來加入嘅鑽鑽據為己有... 不過冇計啦, D小朋友咁開心, 大家都係享受個過程啫, 大粒定細粒都唔係咁緊要嘅...


原來仲有蕃茄摘, 都係跟磅數計, 剪幾多就比幾多錢... 不過好多都青BB, 所以冇摘到...


仲有太陽花, 不過好多都死晒, 得番1支大, 1支細, 呢支係細種...


鑽鑽同BOO下星期一生日, 一班姨姨幫佢地準備咗生日蛋糕!!!
「有機士多啤梨園」門口有通告, 外來食物&飲品一律唔可以帶入園內!!!
不過職員好好人, 容許我地係入面切蛋糕, 叫我地去隱蔽D嘅枱度切, 真係唔該晒!!!


~ 有用小資料 ~


有機士多啤梨自摘園


地址: 新界 錦田 水頭村 DD109 LOT668 ( 錦田鄉村俱樂部側)
電話: 5132 5131
網址: http://www.yl.hk/ktsb/


3 則留言:

  1. d士多啤梨真係好甜,雖然我明明係摘法國品種,你和鑽鑽多我1/3盒,竟然只貴10蚊,咁我咪問點解我係法國品種,重量又少1/3,都只差10蚊,幫我磅既c9話我果d係日本品種,無得講啦,我又唔識分,但我只係1塊田摘架嘛,咁我叫佢磅多一次,大家都係$90/lb,佢死唔肯,話我果d係特級喎,我仲火,特唔特都係$90/lb架啦,你又點分別特唔特?唔答我,大家無言成分鐘,我只有會合你們,夜晚同honey講,佢話當時叫佢回水,但我又想食,但真係好甜,想再去摘,死唔死,咁無骨氣
    [版主回覆03/02/2011 13:03:00]下次都係分開2個藍安全d!!! 因為佢分開2個磅磅架, 一個磅寫住日本種, 另一個磅寫住法國種... 幫我磅嘅係妹妹, 可能可靠d啩!!!

    回覆刪除
  2. 果日係士多啤梨園內幫阿婆買果d豆苗都好食,下次要再買
    [版主回覆03/02/2011 13:08:00]豆苗... 賣飛佛!!!

    回覆刪除
  3. DD, 會唔會你真係認錯田?(我摘摘吓都攪錯晒....) 食落口發現法國種真係無日本種咁清甜,而且仲有少少酸添!
    I like你無骨氣!骨氣呢樣野過咗三張之後我都無幾多剩,ha!
    [版主回覆03/04/2011 16:32:00]好彩我堅持由始至終都揀日本種啫! 骨氣... 我仲有小小o架... 咪就係攪到自己呢度又唔幫襯, 果度又唔幫襯, 結果咩都冇得買囉! 唸落都好傻...

    回覆刪除