網頁清單

2008年10月13日 星期一

韓國錦城飯店 Korea Kam Sing Restaurant

尋晚(2008年10月12日)10月之星想食韓燒, 暈妮而家真係唔再暈啦, 又做聯絡, 又出email, 又揀地點, 講你都唔信, 大個女啦... 何超終於第一年可以輕輕鬆鬆有得食...


何超Book咗6:30pm, 不過未夠鐘已經有一半人到咗, 但係個D阿蟬竟然好唔耐煩咁話"仲未到呀D人?!", 真係有冇咁趕呀...


未人齊, DD派住手信先, 有年頭泰國加年尾日本, 一人有成4份咁多呀, 真係多謝晒呀!!! 我去大板個陣會比心機買手信o架啦!!!


前菜--8個人比2份, 味道唔掂, 食剩好多; 牛尾菜湯--個碗似洗腳盆多D, 味似麵豉湯, 好奇怪... (另有牛尾湯冇影)



燒豬肉--大大片, 味道尚可; 燒牛肉--都幾碎, 味道尚可; 燒雞肉--OK大片, 味道尚可; 燒雞腎--原隻, 味道尚可;


鑽媽開始燒牛肉個陣, 比個阿蟬大聲喝止佢"唔好咁呀, 好難洗o架", 跟手問都冇問過我地, 就推晒D雞肉落個燒爐度, 隨即又用夾完生雞肉嘅筷子, 夾D熟豬肉落我地個碗度, 佢都痴X線, 佢識唔識咩叫衛生o架, 如果一對筷子可以夾晒2樣o野, 咁又做咩放2對筷子出o黎呀!!! 仲要冇問過我地邊個要邊個唔要, 總之用最短時間分晒去就算, 佢識唔識得咩叫尊重呀?!



蛋包魚--蛋包魚本身冇味, 但係配埋個醬汁幾好味; 炒年糕(餐牌冇嘅)--完全唔好味; 炸醬麵--怪味加好難食, 好難入口, 完全唔明點解茶煲阿四會咁鐘意食; 炒粉絲(餐牌冇嘅)--勁冇味, 又冇配料, 平時Food Court個D都好食得多呀, 結果食剩好多;



全程係冇人收碟嘅, 我地要自行疊起D吉碟, 人傳人咁移到去枱尾, 疊起咗幾棟先有人拎走...


未夠9點又催我地埋單, 送一人一片冇味嘅香口膠(綠色包裝)... D茶係港式茶餐廳比嘅茶, 並唔係麥茶...


呢度嘅廁所亦好奇怪, 用番梘, 冇梘液, 好耐冇見過...


是次每人消費約$110元
味道: 2 環境: 2 服務:1 衛生: 1 抵食: 4


###
地址 : 尖沙咀堪富利士道5號地下
電話 : 2311 8636


5 則留言:

  1. 以為佢好掂 ! 失望! 我回家還有食多件卷旦來煲神'伽俐略'
    起初以為這間是韓國老子號, 會有一定水準, 其實都几難食.  其實會否韓國料理在韓國根本是這般樣子呢 ? 因為我未去過韓國食地道野
    [版主回覆10/17/2008 12:44:00]我又有追"伽俐略"喎

    回覆刪除
  2. 係呢!都幾失望,之前見到拉姑去太古城食果D,都好似幾吸引,而且D間好似都幾傳統,但最後返歸要食包,係果朝食淨的包,唔係的話,阿B女一定唔夠飽!
    [版主回覆10/17/2008 12:46:00]太古城個間簡直人間極品啦!!! 好似同你去食過lunch架喎?!

    回覆刪除
  3. 大家唔好失望,其實佢地係地道姐,拉姑都唔洗怒,阿豬媽係100%韓國人性格,係我地眼中無禮貌,但韓國人個個都咁,果次我係韓國行街,好多人,多到行唔到,後面送外賣果女人用佢個大盤係我條腰到推左幾次,推幾多次都行唔到架啦,但當地人又唔覺係咩,你睇『大匙羹』d男男女女揀起隻胠坐就知佢地幾咁『豪爽』
    [版主回覆10/17/2008 13:36:00] 咁我地過到韓國, 咪個個自動變身成超級淑女!!!

    回覆刪除
  4. 真係咁差?!會唔會係你地食慣高級野咋?
    [版主回覆10/17/2008 12:53:00]絕對係佢差!!!
    平o野都可以好食, 因為我食過旺角東大門任食韓國燒烤暴肥, 埋單一人130蚊都好好味!!!

    回覆刪除
  5. 最近我覺得褔山雅治個樣, 好似我當年讀高中; 我曾讚一位男生好靚仔, 佢的外形跟雅治相約. 所以當天我食飯時所指當年的感覺就是這种奇妙感覺

    回覆刪除