網頁清單

2008年10月4日 星期六

張公主國慶日出巡海洋公園

國慶果日我地張公主要出巡海洋公園... 嘩... D跟班嘅陣容誇張到呢... 有蘇兒爸爸推車, 蘇兒媽媽抱抱, 蘇兒姑媽撥扇同抺汗, 三個跟班仲要扭盡六壬討小公主歡心, 真係攰過自己去喪玩... 嘩, 第二日隻右手酸痛到呢, 休息咗一日都未好番...


蘇兒第一次去OceanPark, 係門口影番張相先...



小公主好想好想擁有自己嘅SunGlasses, 不過媽媽話未買得住, 唯有帶住姑媽個副頂住癮先...


食緊飯嘅時候, 小公主一路摸住杯CokeCoke一路問"咩黎?", 姑媽仲傻下傻下咁答"Panda"(個杯嘅圖案), 點知佢趁我地大家都唔為意嘅時候, 竟然大啖大啖咁吮, 飲完一次又一次, 比佢媽媽發現即刻喝止, 佢繼續問"咩黎?", 佢媽媽答"CokaCola", 佢居然博懵又再飲... 嘩, 原來已經比佢飲咗半杯啦... 唔知佢係咪熱傻咗呢... 蘇兒第一次飲Coke, 又影番張相(罪證)先...


海洋館跌膊留倩影...


兒童王國擺晒Post再影...



玩到6點先走... 跟住去銅鑼灣打冷, 食飽飽先返屋企!!!


走個陣蘇兒媽問"鐘唔鐘意姑媽呀?"... 蘇兒B答"鐘意!!!"... 蘇兒媽即刻笑住同我講"哈哈, 不仼你用咗成日時間!!!"... 哈哈, 我都係咁諗!!!


5 則留言:

  1. 張公主幾歲了?我都計劃帶 kaka 去一次海洋公園, 等佢見識下動物同海洋世界啊~
    [版主回覆10/05/2008 23:36:00]緊要去下啦, 小朋友會玩得好開心o架!!! 不過平日去會舒服D, 我地果日人山人海, 簡直係挑戰自己EQ極限!!!

    回覆刪除
  2. 為何去 OP 都唔叫我去 !
    [版主回覆10/08/2008 21:03:00]唔係唔想叫你呀, 佢地都係出發前1-2日, 先比通告我喳!!!

    回覆刪除
  3. 不過國慶當天我們都没有空, 要上山.  我們會再續全年通, 下次一定叫我們, 還記得前天囝囝話好想去 OP.
    我記得當天都好清爽, 都唔熱喎 !

    回覆刪除
  4. 好正呀, 我想問D 公仔樣點樣整架, 可唔可以比 D sample 我呢...
    [版主回覆10/30/2008 13:40:00]d公仔都係上網search d wallpaper, 睇岩就cut個頭出黎, 我都係得自己用開個1-2隻, 冇sample呀! 你試下啦, 好易架喳!

    回覆刪除
  5. 哦.. 謝謝...

    回覆刪除