上星期日(2007年8月19日)honey d friends約咗我地去遊船河, 好緊張呀, 又驚會壞船或者好大風浪(我一生人坐船嘅次數好小, 但壞船同打風嘅比例佔咗7-8成), 又驚暈船浪 (到時又要去睇醫生就慘喇)...
10:30am -- 由西貢碼頭出發, 成個碼頭迫滿晒人, 幾驚佢塌呀... 你睇後面幾多船一齊出發...
![](https://googledrive.com/host/0B1o5dMkLtKdLODdEVVh4cUE1bWM/gbYqcKWN_h7UETdcbpPO1A.jpg)
行咗半個鐘, 依然仲係好多船係後面...
![](https://googledrive.com/host/0B1o5dMkLtKdLODdEVVh4cUE1bWM/6IP0G9SAy8TK6bRGGkzazg.jpg)
再行多廿分鐘, 開始見倒d奇石, 成座山都係, 好靚呀, 大自然真係奇妙...
![](https://googledrive.com/host/0B1o5dMkLtKdLODdEVVh4cUE1bWM/rdajvjeVPzk6GEoHU444PA.jpg)
![](https://googledrive.com/host/0B1o5dMkLtKdLODdEVVh4cUE1bWM/kiqqsSO2KWpsY1N1qiWQmw.jpg)
12:00nn -- 終於到達目的地--浪茄, 傳聞係香港最靚嘅沙灘, 船長話唔係成日去到, 因為今日海面好平靜, 先可以黎喎, 唔知真唔真...
![](https://googledrive.com/host/0B1o5dMkLtKdLODdEVVh4cUE1bWM/ZEVHsBZmu.vVkN5312V9pA.jpg)
沙灘上面唔係太迫人, 仲有大堆人玩緊沙灘波...
![](https://googledrive.com/host/0B1o5dMkLtKdLODdEVVh4cUE1bWM/zK6SvEEkjoYIBQK8oawC6w.jpg)
週圍勁多船, 熱鬧過彌敦道咁滯...
![](https://googledrive.com/host/0B1o5dMkLtKdLODdEVVh4cUE1bWM/cXnWj0.1zhcgLeymEkfLrA.jpg)
2:00pm -- honey d friends玩咗一輪(有d游完水, 有d玩完Wake-Board, 有d食零食飲紅酒, 有d上沙灘暴曬, 各式其色)之後, 去咗唔知邊樹食海鮮, 最好味都係椒鹽鮮魷(my飛佛)囉...
![](https://googledrive.com/host/0B1o5dMkLtKdLODdEVVh4cUE1bWM/yyKt7bs6uSvBsMt1UbHYUw.jpg)
食完野咁啱比我地撞到呢個趣怪情景, 中式龍舟+西式帆船, 一齊係大海向前進發... 哈哈, 香港果然係個中西合璧嘅表表者!
![](https://googledrive.com/host/0B1o5dMkLtKdLODdEVVh4cUE1bWM/WROVy8sPDmTlM7MK0cv0wA.jpg)
食飽飽, 船長再帶我地去近d嘅蛇灣, 繼續暢泳, 繼續玩Wake-Board, 繼續唔理隻香蕉船, 繼續食埋d零食飲埋d紅酒... (基本上, 我全日冇掂過水, 因為唔想着住件"肥熊維尼"泳衣, 比人睇到我肥美嘅肚腩, 誤會我有咗5-6個月身己就唔好喇)
6:00pm -- 日落西山, 出咗成日汗, 係時候打道回府喇...
![](https://googledrive.com/host/0B1o5dMkLtKdLODdEVVh4cUE1bWM/PwUralsYxulTd.uI4L_UAA.jpg)
回航後, 又要開始我地嘅美食之旅喇... (前文提到, 最後去咗天后嘅粵全食)
![](https://googledrive.com/host/0B1o5dMkLtKdLODdEVVh4cUE1bWM/PwUralsYxulTd.uI4L_UAA.jpg)
回航後, 又要開始我地嘅美食之旅喇... (前文提到, 最後去咗天后嘅粵全食)
我都好耐無去遊船河啦、一邊吹著海風、一邊在聽歌、真係很正架、不過最怕大風浪時暈船浪、但係而家唔知幾時再有機會去囉。
回覆刪除