網頁清單

2007年7月23日 星期一

留家廚房 Kin's Kitchen



前晚作感冒, 10:30pm就瞓咗! 尋日(2007年7月22日)9:30am就起身, 睇完"儲金戰士"就整裝待發... 又要出去揾食喇! 同honey討論左一陣, 好, 決定--下一站... 天后!


上次試咗"粵全食", 今次試埋隔離間"留家廚房"!


由於我地太早出門口, 去到"留家廚房"門口都未夠12點, 入面一枱客都冇, 好驚... 後尾睇清楚, 原來午市由12點正到三點, 雖然仲有幾分鐘先到12點, 但係我地照入去坐, 好彩都照招呼我地, 走時已坐滿人!


我地order左二人餐(包餐湯, 白飯, 甜品, 二個小菜), 小菜揀咗: -
. 咸蛋黃肉碎炒涼瓜 : 好味, d咸蛋黃同肉碎抵消咗涼瓜嘅苦味, 涼瓜好淋, 我從來唔食涼瓜都食到唔停得口!
. 五味骨 : 甜甜酸酸, 味道剛好, 好開胃, 好味!
飲埋個糖水(冬瓜紅棗連子), 甜咗d, 完滿結束!

其間侍應仲會經常幫你勘茶, 幾好服務架!


食完步行去北角地鐵站搭車, 乜都消化晒! 大熱天時, 仲成個人溶晒潻!


埋單$150。

味道: 4  環境: 4  服務: 4 衛生: 4 抵食: 4


###


地址: 銅鑼灣天后清風街9號
電話: 2571 0913

4 則留言:

  1. $150 都几抵吃! 但為何 menu 没有提到隻左上角的蟹 及中間的茶 ?

    回覆刪除
  2. 鑽媽、中間果個不是糖水來嗎? 老實講, 個蟹看上去有點恐怖的, 係未我幻覺了!  

    回覆刪除
  3. 中間果個是餐湯來的! 糖水在右下角! 咳... 各位太太, 隻蟹係掛在牆上的裝飾來的!

    回覆刪除
  4. 隻蟹,我估到應該係裝飾,但中間的那個......我仲以為係D醬油之類!!!

    回覆刪除