網頁清單

2007年7月1日 星期日

King Ludwig Beerhall

十年前的今日, 我牽着honey的手坐飛機返香港, 降落時仲遇上黑雨, 要在上空盤旋半小時, 然後... 我們一起走過這10年的路...

十年後的今日(2007年7月1日), 係一個好值得慶祝嘅日子! 所以我地今朝一早起身, 搭車去赤柱開餐慶祝下! 今日真係好早, 早到11點幾就到咗赤柱喇, 所以而家好眼瞓! 我地未到12點就到咗餐廳, 食到2點幾先走, 賺晒!

間餐廳嘅環境好正, 我地坐轉角卡位勁舒適, 不過坐滿人之後條通道就難行d...


你地睇下上面(左下角), 我食完先發現有架木頭車係我地張枱上面, 好恐怖呀, 會唔會掉落o黎o架?!


Pasta嘅Topping同Sauce係自己執架,執好就交比廚師煮,煮好會由侍應攞去你張枱度... 正呀...


德國菜嘅靈魂--蝴蝶餅 同 腸仔呀! 我終於(第一次)食倒蝴蝶餅喇! 好o野...


淡水龍蝦仔--回本必食!!! 我地仲自制咗南瓜龍蝦湯, 正到庳吖, 好好食呀呀呀呀呀....
我拆完d龍蝦肉出o黎, 隻龍蝦仔d殼仲好完整, 好似未食過咁, 勁呢!



甜品都唔錯, 出乎意料之外! 最正係coffee毛士, 朱古力心太軟, 法式燉蛋, 朱古力噴泉, 呼... 飽到吖...


honey仲可以舒舒服服睇報紙, 唔... 我比4粒星!

###

地址: 赤柱赤柱廣場美利樓號202舖
電話: 2899-0122

4 則留言:

  1. 真係幾正喎,最緊要係多德國腸揀,咁先貼題!

    回覆刪除
  2. 睇到都流口水, 正呀!  

    回覆刪除
  3. 小朋友會否計錢? 等我同老公都去下 ! e ? 這間是德國餐廳來嗎 ?

    回覆刪除
  4. 好正呀!不過,我起得床來...... 加上搭車,已很晚了,相信都幾難食到啦!

    回覆刪除