網頁清單

2016年2月14日 星期日

【台北】這一鍋 皇室祕藏鍋物:呃Like孖寶 神仙牛肉+松阪豬肉

6 February 2016, Saturday

好多朋友都勁推薦無老鍋, 我地早陣子試過的確唔錯...

之後又有朋友話這一鍋平D, 一樣咁正... 真唔真呀?!!

原來中山北殿分店好近我地上次住果間Service Apartment, 轉個彎就係, 可以話出咗MRT都唔使再睇地圖...

諗住Book年廿九(今年無年卅)食團年飯, 點知... 店員話年廿九全日唔做堂食, 只做外賣到下午4點... 吓?!! 火鍋外賣?!!

台北大部分餐廳除夕&初一都休息, 呢個文化差異, 對於我呢個無飯(煲)主婦來講, 係有點措手不及, 但深思背後精神, 值得加許... 團年飯本來就應該係每個人都可以享有的權利...

年廿九唔得, 年廿八都殺啦~~~


官網用字都相當浮誇, 又皇室祕藏, 又中山北殿... 原來唔只用字浮誇, 現場環境都係咁浮誇...


樓下...


樓上...


卡位影相真係幾靚...


我地今日好幸2, 2個人竟然可以坐4人位... 好舒服!!! 見到隔離2個人迫係2人枱無人擺餸好辛苦...

值得一讚... 無限濕紙巾供應!!! 


前菜...


混醬區, 白飯任裝... 


老火湯 NT$110/每位
-- 用豬大骨、雞骨、豬後腿肉加藥材熬煮... 如果要鴛鴦湯底要再加NT$150...


神仙牛肉 NT$388
-- 美國無骨牛小排... 上桌時乾冰引發的騰雲駕霧, 確係幾有Gimmick... 雪花均勻, 肉質紮實, 牛味無被湯底完全掩蓋...


松阪豬肉 NT$328
-- 玫瑰造型, 呃Like靠佢... 店員話整朵放落去會自動散開, 實際... 第一朵唔會, 第二朵可能解凍咗一陣先放就OK... 肉質柔韌有彈性, 豬味無被湯底完全掩蓋...


手工綜合丸 NT$228
-- 雪花肉丸子、鮮蝦丸、花枝丸、鮮魚丸、川丸子... 丸類味道不俗...
翠絲水蓮 NT$98
-- 通心的管吸了老火湯後味道超讚... 必吃...
紫山藥 NT$108
-- 煮軟後樣子有點像芋頭, 口感都像, 入口沒有什麼味道, 就是有點滑黐黐...



冰鎮烏梅汁 1000ml NT$128
-- 有人話食火鍋要飲D呢D先似樣... 之後支酸梅湯下面一直流啡色水, 原來樽頂有3cm裂縫, 以為水位低咗就無事, 之後都繼續溜, 不過份量少咗, 飲到底先知樽底打橫都有大裂縫... 已經埋咗單, 已經飲咗好多, 好心同職員講, 唔係想賴帳, 只係想佢掉咗個樽, 唔想再害下一個顧客... 因為Honey有考慮到衛生問題, 覺得剛才飲的會唔會已被污染... 而我考慮到的, 係溜咗我仲可以飲少D, 反正飲唔晒...
個職員唔知當我地搞事定咩, 目無表情, 不發一言, 亦無道歉之類, 等咗佢好耐先爆出一句"(剩返底果D)唔要啦"~~~ 態度是?!! 考慮到今早發生的台南地震, 唔知佢會唔會有要擔心的人, 我原諒佢...
今次真係無圖無真相, 而家先發現一張酸梅湯嘅相都無影...
 
18天台灣生啤酒 600ml NT$100
-- 叫完酸梅湯, 有人又話食火鍋要飲啤酒先似樣... 2個人飲1.6公升飲品, 點飲得晒呀?!!


食完晒所有食物, 個胃仲有少少位剩, 加單先~~~

黃金腐竹 NT$88
-- 無話好唔好食, 腐竹囉... 打邊爐我一定要食過先安樂...


尾聲會送上幾支test tube... 一百億... 活乳酸箘...


味道我真心覺得無老鍋好D, 可能果邊鴛鴦湯底, 我地自己加湯慢, 煲到好濃味... 果邊D丸都好味D... 價錢係貴D, 但會不停Refill鴨血&腐皮...

呢邊就環境骨子D, 影相呃LIKE度高D... (後來發現呢邊都有不停Refill鴨血&腐皮, 但只限有Order麻辣鍋)

離開時8點半左右, 樓下果層已經無晒客人... 來的時候街上已很冷清, 離開時更冷更清... 年廿八市面已經咁冷清, 難怪年廿九都索性關門唔做生意...


味道:★★★☆☆
環境:★★★★☆
服務:★★★☆☆
衛生:★★★☆☆
抵食:★★★☆☆

這一鍋 皇室祕藏鍋物
地址:台北市 中山區 中山北路三段31號
電話:+886 2 6613-1336
網址:www.toponepot.com


沒有留言:

張貼留言