網頁清單

2016年2月24日 星期三

【台北】吵嚷三寶玩轉「懶蛋哥懶得展」

24 January 2016, Sunday

KaKaMa話今次來台北一定一定一定要去「懶蛋哥懶得展」喎...

佢話KaKa係為咗呢個展覽先肯來台北玩喎...

計我話, 細路仔, 有得去旅行, 就算無懶蛋哥, 點會Say No呀...

~~ 《蛋黃哥懶得展》小檔案 ~~
日期:2015年12月18日 至2016年3月6日
地點:臺灣國立科學教育館7、8F (台北市士林區士商路189號)
網址:www.facebook.com/gudetama.event


連落2日雨... 霸王級寒流終於殺到... 得攝氏4度咋!!! 係4度呀!!! 今朝7點半就要起身, 慘絕人寰!!!


朝早9點未夠, 我尋晚餐「吃到飽」壽喜燒都仲飽緊... 大家咁有興緻一齊食早餐, 我當然奉陪到底啦~~~ 店舖大部分都未開, 大街上有開的早餐店寥寥可數, 天氣凍到咁, 有兩母女著件風褸+吊腳褲, 士林站轉個彎行咗唔夠10個舖位已經開始頂唔順...

唯有係幾間店之中極速揀1間4個人都接受到的... Well... 就只有呢間Ikari Coffee...

得果4度, 飲杯熱朱古力暖一暖身... 杯朱古力都好濃, 應該加咗奶, 唔係淨開粉沖水果隻, 好Good喎... 個BAGEL原本只係陪襯, 又估唔到都幾好食喎...


貓兄就勁啦, 尋晚果餐仲飽緊都可以KO美式牛肉捲早午餐... 佢話Unexpected個Brunch會咁美味...


味道:★★★★☆
環境:★★★★☆
服務:★★★★☆
衛生:★★★★☆
抵食:★★★★☆

怡客咖啡 Ikari Coffee
地址:台北市 士林區 中正路231號
電話:+886 2 2880-5920
網址:www.ikari.com.tw


食飽飽, 咁凍都係唔好用腳行啦, 坐Taxi啦~~~ (幾日後我先發現捷運士林站出口有Shuttle Bus去士林科教館旁邊的兒童樂園)

我地上到車都唔知個地址, 又Up唔出要去邊, 七嘴八舌, 國語又講唔正, 亂Up咗一輪, 個司機竟然Get到我地要去士林科教館... 好勁呀!!! wakakaka...



台北的Taxi司機都好Nice, 一上車就同我地講陽明山落雪呀, 山頭一片白茫茫, 叫我地一定要睇下, 好肉緊提醒我地晏D可能溶咗無得睇嘅啦... 係士林科教館望上山, 真係有雪呀!!!


DaDa...「懶蛋哥懶得展」!!! Set... Ready... GO!!!


懶蛋大哥, 可唔可以比少少位我一齊瞓呀?!! 我都好乏力呀!!!



今日天氣咁凍, 室外同雪櫃無分別...


最好就係大教瞓... 砧板當床, 煙肉當被, 處之泰然, 見懶蛋大哥瞓得咁淋, 我都要寫個服字比你...


懶蛋限定迴轉壽司店...


黯然銷魂飯... 咦?!! 叉燒呢?!!


碎碎唸...


我終於上雜誌封面啦~~~


蛋黃街百貨林立, 百家爭鳴, 百無禁忌, 百廢待舉, 百密一疏, 百...




洗頭啫... 洗乜坐洗頭艇咁複雜...


年輕人, 銘記自煮人生...


蛋黃大帝... 我考車牌唔想再捧蛋, 可以嗎?!!



蛋黃大帝運程占卜... 超好玩, 笑屎無命賠...


上上籤pls...



大人細路都玩得嘅瀡滑梯, 淨係玩呢個已經值回票價...


蛋黃夜市...


超多人玩的夾公仔, 勁難... 睇咗咁多個展覽, 「懶蛋哥懶得展」最值得入場, 勁多互動遊戲, 玩半日都玩唔完...


夜市名物...



要走了... 真的不想回家...



2樓係...



出口是磨刀霍霍的懶蛋商店... 肥羊入虎口而不自知...


搞笑... 生髮水... 飲咗唔生點計數先...


看我的血漿換來什麼...



出口的姓名貼紙機好多人排隊...


我印完第1張之後, 再想印第2張... 部機就食錢, 之後搵職員幫手都搞唔掂, 退錢關機...



食午飯時先醒起要影一影「懶蛋哥懶得展」門票留念...


Interesting的展覽, 推薦!!!



沒有留言:

張貼留言