![](https://blogger.googleusercontent.com/img/b/R29vZ2xl/AVvXsEhvy3vmg1LsdhVNbm5uoz-f0YVaVceEiywfe259anfpa7E0J1mIYgEYL-qwPSOnilN7RLDmEvzfKrJP2NF-rxXUu3wbNKNAjqklRBjn4erXY30NjiErTdy01HMtNy7UIPn877yh-ovi2lOF/s1600/DSC_4712.jpg)
呵呵呵呵... 有減緊肥人士表示完全不介意呢... 你地最好繼續玩請食飯遊戲... 嗱, 唔係我唔努力減肥呀, 我都係被迫要食嘅咋~~~
Honey的朋友揀咗位於太古坊的私人會所Butterfield's, 除了太古坊的租戶可入會成為會員外, AE黑卡都好似可以入去食飯, 入面有中餐西餐酒吧, 聽講酒吧幾靚, 經常有人來接受訪問, 不過酒吧係2樓, 中菜廳係1樓, 今次無緣參觀...
Ladies & Gentlement, Boys & Girls, Please Turn Off Your Mobile Phones!!!!!!
![](https://blogger.googleusercontent.com/img/b/R29vZ2xl/AVvXsEj2kyeNZFCsKXnC4TZQNB13AQaGivL5Ks4fx_z8ku5B3NA24Q4APyTvvS_mFEXPkiUrLasmem60sVt-VVynn1b9ktM5Ts7HQgHlYRsWVBR9SIR7jywuO-s0PYP6RwM0f2gv4OzFsHiV6Q9L/s1600/DSC_4723.jpg)
無帶相機, 又唔用得手提電話, 唯有坐定定乖乖得食飯... 隔離枱客人似係好耐唔見來聚舊, 搵服務員幫佢地拍合照... 咦... 用手提電話影喎... 嘻嘻... 咁我又Mute咗部機影吓相先...
中菜部裝潢古色古香, 陳設中西合璧, 加上彩繪玻璃窗, 透出濃濃的老上海風情... 枱與枱之間的距離好寬闊, 空間感十足, 絕不侷促...
![](https://blogger.googleusercontent.com/img/b/R29vZ2xl/AVvXsEhdhcfFqk7RdgUYTJXuatw3hJBa0oAFLE3fQrLih4rXxNuKl4EgYe2H6T0Y6Oas0r9sGaQC3zhL7zenIs5afJ68BwGobGS2qh6bYmIL74MrET92G9pkbuIrcx8N-_YLkZQ3LNr8apNttGMD/s1600/DSC_4721.jpg)
![](https://blogger.googleusercontent.com/img/b/R29vZ2xl/AVvXsEg13gdClSLOtbUeSto1ENZIM1dYG5VKAsjV57hs81Diuaz6kfQkkvuZ-JmexvUxM-y5T05r2A_ialiGQNkAzk3cHw1WEe006GLAgVFLXVAALy9MihGw4upm-LWvqQFku0_knqF8zemzTrVO/s1600/DSC_4719.jpg)
![](https://blogger.googleusercontent.com/img/b/R29vZ2xl/AVvXsEjvGwwkdNI-7wDSY6gmU2AgsBsEWk0A2L0r2TwBS0N3G6BqoqaiXEeE0CMczv1_4IRO_MZza7WRwpSBcsxj7n11wF8Xdp5bIORh5Wn-1woHl5QMtA_YJRQ2Iyvy8NdYzPayAO_EDx9BnWiP/s1600/DSC_4720.jpg)
![](https://blogger.googleusercontent.com/img/b/R29vZ2xl/AVvXsEgTPtBe5ObtB7ndV0e0Am1jgs_F-P1i8P5BXbsznwOiKiJ5xNHy1gSWexqzNUDOdJsM4SqyE_Y_yDtAYTpK833zbjGWHTexlYtCPjZpZzRae53Zs36icyW-kdBUEh9B3zqDZF4nA-JwJq-H/s1600/DSC_4722.jpg)
今晚見到PXXW包咗Function Rooms幫頂頭大佬搞Farewell Party, 好不熱鬧... 雖然係咁, 服務一點都不遜色, 服務員好有禮貌又貼心, 亦難怪, 聽講Butterfield's係由半島酒店管理的... 你話我崇"半島"都係咁話... 嘻嘻...
主人家發板Order了 Peral Set Menu ($320/位, 2位起)... 先多謝一下主人家做東, 盛情難卻, 我唔客氣啦~~~ 引擎開動!!! (轟隆轟隆)
川汁蝦鍋鈀伴日式雞縱菌豆腐
-- 主人家好細心地幫我將雞縱菌轉咗茄子, 難得廚房又肯轉, 好Surprise吖... 川汁蝦鍋鈀賣相吸引, 川汁蝦甜中帶微辣卻不嗆喉, 辣味過去香味留在口中良久, Yummy Yummy... 鍋鈀鬆脆不油膩, 伴著彈牙的蝦肉吃口感更豐富...
![](https://blogger.googleusercontent.com/img/b/R29vZ2xl/AVvXsEhvy3vmg1LsdhVNbm5uoz-f0YVaVceEiywfe259anfpa7E0J1mIYgEYL-qwPSOnilN7RLDmEvzfKrJP2NF-rxXUu3wbNKNAjqklRBjn4erXY30NjiErTdy01HMtNy7UIPn877yh-ovi2lOF/s1600/DSC_4712.jpg)
肘子笙肘燉菜膽湯
-- 到上第3道菜先醒先忘記影相, 100%自己食先, 哈哈... 相機食先? No Way!!! 湯底清澈, 湯頭清甜, 我同Honey呢對無飯(煲)夫婦如遇甘露...
花菰扣原隻非鮑
-- 一啖啪咗佢, 我覺得咁樣食鮑魚先夠霸氣, 哈哈...鮑汁味道濃郁, 鮑鮑扣得軟腍有彈性, 中央位置有點腥... 鮑魚都係阿一好...
![](https://blogger.googleusercontent.com/img/b/R29vZ2xl/AVvXsEiToXjID8q99sFG47LusqF12JHW4thapxygTh7eQkj1P2DRkvb6R4iKcf-tfRdNdr8AWTGauwM0smu1PV3Y2bPRjQ7bNWR9uDaYPEKwI-pTo784VBHH6XZVqFe0-QHzu6tQ4pkKU6q_6uY1/s1600/DSC_4713.jpg)
松露鱈魚蒸豆腐
-- 鱈魚好味好味好好味, 魚肉滑溜, 魚油甚豐, 松露的香氣強烈, 滑滑豆腐富豆香, 清淡健康而不乏味...
![](https://blogger.googleusercontent.com/img/b/R29vZ2xl/AVvXsEiV2xEtSITGRzEjiFjWbaPEpgpzMlPKKLsNYsF6Wt5HfgSYhH7KT9PfPd3G8DVWLpqkA9E6TkwKyOic-0DTPJcPEZNFCqp5msYdYUxXJ5r4ey09pgYznpSrGwx1kPSQsD6ubyCA5g1wFcdW/s1600/DSC_4714.jpg)
濃湯蒜子浸津膽
-- 津膽非常清甜, 軟腍得不用咀嚼, 超勁多的瑤柱鮮味十足, 蒜子爆得香口惹味, 食肉獸一路食一路點頭...
![](https://blogger.googleusercontent.com/img/b/R29vZ2xl/AVvXsEjEZq86UlTOdjLrlCOGshuFq2p9-BuflTWJgRIUJik8GK7SVmU1eLT5Ae7NKGc5qgCwEkpFl9tlTdXpmEwWWM7sDQFLCFK1yS5ff8ZQKjvl64f2x9XT0jdLUWo7IhLtPZGbogSfNiOS1C9_/s1600/DSC_4715.jpg)
夏果素珍炒飯
-- 飯炒得好乾身均勻, 粒粒分明, 調味恰到好處, 加入了紅糙米及香菇, 好養生呀~~~
![](https://blogger.googleusercontent.com/img/b/R29vZ2xl/AVvXsEi52DNollp1ZXJIUE4jza_ByLn-COqe85wScNPjZJcXsFrowcoentXujSKeb8EF1F8QZQfPI1AoVm_kGiKb9AnJvHV2UtNHbHGcMpw9iRLJcRYBmSFiaTitZ_H2K2SEYnc5uXEIrY0HXZxK/s1600/DSC_4716.jpg)
合時糖水
-- 以滋潤的糖水作結尾, Very Nice...
![](https://blogger.googleusercontent.com/img/b/R29vZ2xl/AVvXsEj4xe3QwpAMca572AC4_UxxogU77hsAYXuS0YqcJSGjzFWZ-pVyBudeOdUv0GiVisqIcQUmPPhLp6cfe8TAs0s1Aq3Z_W1szwEcTC3VKZrte764ighdTKRrPrVGXCO9qZBRSpWVahoRSWZl/s1600/DSC_4718.jpg)
朋友太太話樓上西餐廳Weekend有Dinner Buffet食, 2百幾蚊/位, 好抵食, 佢地經常來食, 下次可以一齊去試下... 哦... 好吖... (心聲 : 嘩!!!!!! 嘩!!!!!! 嘩!!!!!! 好呀!!!!!!)+(心心眼)
Honey講開我地之前都有考慮過入Butterfield's做Gym, 不過諗清楚, 連屋企樓下個Gym都懶去, 應該入咗會都唔會去, 所以最後打消念頭...
跟手朋友太太話而家有隻會籍$800/月, 只可以4PM後來Dining, 每個月食滿$800可以Offset會費... 咦... 好抵喎... 請朋友來食飯飲o野2次都夠啦, 呢度環境真係見得吓人... 有得諗... 有得諗...
是次每人消費約 $350 元
味道: 4 環境: 5 服務: 5 衛生: 4 抵食:3
###
地址 : 鰂魚涌英皇道979號太古坊多盛大廈2-4樓
電話 : 2968 5555
HK$320/2位.地方/服務唔貴喎
回覆刪除