![](https://blogger.googleusercontent.com/img/b/R29vZ2xl/AVvXsEgmWCR-YF-EGdJPjckaZfnTlDCVmklRTzcAuQBKuLremZ-B6Pt_l33XyGAGzQP3PuSqfI4AtR9DSUDqL_SOYeglfhPL8H4Sdm9KUQFF9V1vn8oi2-K9zfgB6U7aKXraMjPSx9EbhqCj37dY/s1600/DSC_1662.jpg)
上開餐網搵唔到佢形容的甜品店, 徬徨之際, 貓兄話佢識行去, 因為剛才太早到, 週圍逛時見到覺得好吸引...
一行三人, 遊遊蕩蕩, 遊到去店外, 間舖真係好靚喎...
毫不躊躇, 入去!!! (已將剛才中伏的事拋諸腦後)
![](https://blogger.googleusercontent.com/img/b/R29vZ2xl/AVvXsEg7LAguI2gzAKklZx6soIWPeg0gLDullKfbV0UfY1a5H61ehxgi02H8MbwtZ24LVRrCyGJ7h8hPF1HYbcarLmQaCoErQFJLWKjI33SRdUaqbSHU1Zhvowg13uixvOX8HFPiodA2gxZ4lN3H/s1600/DSC_1699.jpg)
甜品非常精美... 選擇障礙症會跑出來是常識吧...
![](https://blogger.googleusercontent.com/img/b/R29vZ2xl/AVvXsEjEQUl99s4-vphNcgbjs2Z-6Xiw53fYX4U8Fbn1VBg6sENGASMaZtnBSYJTe8ZNC4loKcUxWzGLxG2Md2Y46cxI71v1aJebuPSxpT_Xq3xepTxBxACEPCC71A_Qi06RZwXBgTQbmSSky5Sp/s1600/DSC_1651.jpg)
剛才貓兄形容是日式芭菲, 所以在開餐網找不到, 原來是乳酪店才真!!! 但又真係好似芭菲咁一層一層加材料喎... 咳... 咁應該說成芭菲X乳酪店才最貼切!!! 牆上有層層疊解構圖... 非常詳細的呢...
![](https://blogger.googleusercontent.com/img/b/R29vZ2xl/AVvXsEjjTzOM2OONhB0PiLHtuTUtYu_7_16qPD5ZmU_oihnqRtzpqXaxqvn-iJ8yAzUgcnA6KluaHTSwyoXLErRghBBmI8IrnlFG5E-00_lKOq03nTQh0CXfc6R85ONe0RlC7h0ImJWsLnZrn4Gt/s1600/DSC_1657.jpg)
大家都選了Preset 款式, 懶得自己慢慢揀Toppings... 實物比圖片更具吸引力, 好興奮呀!!! 喂, 仲影, 溶啦...
![](https://blogger.googleusercontent.com/img/b/R29vZ2xl/AVvXsEgmWCR-YF-EGdJPjckaZfnTlDCVmklRTzcAuQBKuLremZ-B6Pt_l33XyGAGzQP3PuSqfI4AtR9DSUDqL_SOYeglfhPL8H4Sdm9KUQFF9V1vn8oi2-K9zfgB6U7aKXraMjPSx9EbhqCj37dY/s1600/DSC_1662.jpg)
(左起 : Vanilla Sky $51, Banana Split $51, Mild Summer $68)
Mild Summer $68
-- 由上至上 : 蜜餞蘋果脆片, 熱情果菠蘿脆脆棒, 荔枝, 紅桑莓汁, 荔枝肉, 芒果碎冰, 芒果, 自家制脆粒, 原味乳酪...
蜜餞蘋果脆片堅好味, 好特別, 好香蘋果味, 甜甜地, 脆脆地... 熱情果菠蘿脆脆棒外表好特別, 但在滿口勁香勁甜荔枝味的影響下, 食唔出有什麼味道... 原味乳酪微微的酸澀味(屬正常), 芒果碎冰好有驚喜, 荔枝肉同芒果肉都甜到漏, 自家制脆粒有咬口... 材料講究, 更以芭菲層層疊疊的方式堆砌, 多重Layers多重味道及口感=多重享受!!! 讚讚讚!!!
![](https://blogger.googleusercontent.com/img/b/R29vZ2xl/AVvXsEj5UYq7MJ02A0ACnOQVKNFt4otIOvLBgP_3oGZ7Jn0EHj9Q5U6VipMscPgrB_CoN_zCZxUSi2zPsDCCabCr7jN1IfMgCbD-b_FPx5a8NK-2lL1ljppu68wbgiky8H7cZLLU4oUjfVaBKBPX/s1600/DSC_1661.jpg)
Banana Split $51
-- 由上至上 : 蝴蝶酥, 鮮果, 朱古力汁, 原味乳酪, 熱情果香蕉醬, 自家制脆粒, 乳酪鮮果沙律...
![](https://blogger.googleusercontent.com/img/b/R29vZ2xl/AVvXsEhCyEkfLdeYM4GIIvLqRrMvmoo0HbkKJwTfp4dlnlYa3cNTqFEJQtHYBvT3tJW1dFJ4kIMuOyaNtBe2OKjS6KK99hWItbsutrlzdv_t1gAfGEQcgO4jCpg5NKPBrLo81nje46LDtJYy-OAf/s1600/DSC_1655.jpg)
Vanilla Sky $51
-- 由上至上 : 杏仁脆片, 雲呢拿汁, 原味乳酪, 芒果, 自家制脆粒, 藍莓...
店子又深又窄... 原因是... 有超過半數的空間劃為高級雅座, 需要付加一服務費... 我地當然坐... 出面啦~~~
![](https://blogger.googleusercontent.com/img/b/R29vZ2xl/AVvXsEigsH8dihAozn4s4lMlEOABNvCxdsGxiMwoCY07qhSoWf07ryJTQHipDPT04Wiyo8RUWbHG4VxVb4DJQ6DR93avmFfRNzahsl_5YJoGqNGd_zWccjUjKnpQtO6tDsKKfzS-Q0YhqsxhKEwh/s1600/DSC_1652.jpg)
![](https://blogger.googleusercontent.com/img/b/R29vZ2xl/AVvXsEjRBTrcrr0bnTJMO5WOn2X349ZtbO-R6sV5XrXqiVqzt0Bxu4V4F8-cnDIYkTERFk4_F73V4dNniOK4iBntoopacuUQftKp1nat82gpJ2BW9TZZ3ArwLVMh1y_f0QvA0y8ucIhC3VE0Fb3d/s1600/DSC_1653.jpg)
唔想加一?!! 店內約有10個面壁座位, High Chair, 當然是不好坐的, 望客人快快吃完快快離開... 但此單人面壁座位自成一角, 唔知點解我好有衝動想Try Try, 難度受到孤獨DNA影響嗎?!! 哈哈...
![](https://blogger.googleusercontent.com/img/b/R29vZ2xl/AVvXsEjdcfGd04HlfXQOS_l0hxK-tVLtOMpY9sZ0OnYkDfDlAU5e3tvdQSGM_wOvqFU2Ycs3OFQRlVF10KNWWIttAQZFiL3e026uYQeND8bywOKmEw3CmP9ZRWiI-VjrcqmClc9rSHukuAyd4aPM/s1600/DSC_1654.jpg)
芭菲乳酪好好味呀!!! 好滿足呀!!! 唔知幾時先有機會再食呢?!!
嘿嘿, 我地呢班老友真係好抵死, 龍媽話要減肥唔出來, 我地3個輪流咁Wahstapp自己個芭菲乳酪的迷人照片比龍媽引佢, 仲要你一言我一語咁形容芭菲乳酪有幾幾幾好味, 搞到佢即刻話下次要揸車來食吖...
是次每人消費約 $70 元
味道: 4 環境: 4 服務: 4 衛生: 4 抵食: 3
###
地址 : 九龍城獅子石道65號地下
電話 : 2382 6669
嘩,yogurt,啱我,仲要咁大杯,近唔近九龍城廣場?
回覆刪除近到不得了, 係九龍城廣場行入獅子石道, 行幾個鋪位就係, Must Try ^^b
刪除都係我的favorite!
回覆刪除呢間值得試, 尖沙咀&銅鑼灣都有分店 :)
刪除