突然好想食泰國菜, 上網搜集好資料, 就出發去銅鑼灣總統戲院!!! 其實我唔係好識路, 結果走過咗幾個商場先返轉頭, 原來係售票處側邊的電梯上... 唔知點解... 企係電梯大堂等候期間, 聞到好強烈的漂白水味...
到達餐廳... 嘩... 好暗呀!!!
![DSC04115](https://googledrive.com/host/0B1o5dMkLtKdLODdEVVh4cUE1bWM/_iPvoDlNVf3r0Boj8ImE7Q.jpg)
係職員的帶領下, 經過又長又窄的通道...
![DSC04114](https://googledrive.com/host/0B1o5dMkLtKdLODdEVVh4cUE1bWM/ADussuZDhWi9lT1MAhMSBg.jpg)
滿佈充滿泰式風情的擺設...
![DSC04113](https://googledrive.com/host/0B1o5dMkLtKdLODdEVVh4cUE1bWM/Wog4bNlHli3.uV1gYlK2Dg.jpg)
回眸一望, 入口處還擺放了數尊佛像... 小巷內散發著平和的氣息...
![DSC04112](https://googledrive.com/host/0B1o5dMkLtKdLODdEVVh4cUE1bWM/kejg0zgKktQ8QIP8vw7j2g.jpg)
水吧是開放式, 七彩繽紛的大水壺好有鄉土氣息...
![DSC04093](https://googledrive.com/host/0B1o5dMkLtKdLODdEVVh4cUE1bWM/SMJbNTG7.TPmET3bLdsM7Q.jpg)
大大的佛掌... 露天的用餐區... 整個環境令人感覺很Relax...
![DSC04101](https://googledrive.com/host/0B1o5dMkLtKdLODdEVVh4cUE1bWM/AYGve_vTKEexjw.J.2qXbQ.jpg)
沙爹串燒(豬牛雞) $84
-- 串燒可選沙爹或蜜糖, 有6串或有4串, 6串可以豬牛雞各2串, 嘩!!! 好Flexible呀!!! 心多多的我, 當然係豬牛雞各要2串啦... 串燒很出色, 沙爹香甜惹味, 串燒肉質不會太乾硬,口感軟腍, 唯獨是欠缺了少許焦香... 奇怪的是, 伴碟的烘白麵包, 入口不是脆的, 同串燒格格不入...
![DSC04104](https://googledrive.com/host/0B1o5dMkLtKdLODdEVVh4cUE1bWM/Nu_VQnMGFMXPaasP.WXpFw.jpg)
正值午飯時段, 套餐跟埋飲品及甜品...
泰式海鮮炒金邊粉 $45
-- 金邊粉炒得均勻, 味道剛好, 撈花生粉食好香, 不過唔小心撈埋辣椒粉, 好辣呀!!! 份量不少, 以呢個價錢, 包埋飲品同甜品, 都幾超值... 銅鑼灣喎...
![DSC04099](https://googledrive.com/host/0B1o5dMkLtKdLODdEVVh4cUE1bWM/ZnIaqZfhZnndIMT6HafEFw.jpg)
南瓜西米露
-- 好好味呀!!! 南瓜煲到溶開, 好香好甜呀!!! 跟午餐送的甜品居然如此有水準?!!
![DSC04105](https://googledrive.com/host/0B1o5dMkLtKdLODdEVVh4cUE1bWM/4JvmdX_xH8_c8T912gsSyQ.jpg)
龍眼水 +$5
-- 餐飲要加錢先可以轉龍眼水, 職員強調得龍眼水, 冇龍眼蜜... 但係入口甜到溜, 咁都唔算蜜?!! 龍眼味強勁, 好清香, 絕不欺場...
![DSC04107](https://googledrive.com/host/0B1o5dMkLtKdLODdEVVh4cUE1bWM/XRPnDDKXNuyzTMlB3ZV3gg.jpg)
服務都幾好, 職員應該都係泰國人, 以女士居多...
午餐價錢唔貴, 味道幾好, 環境又正, 好好坐, 下次可以再來試吓晚餐...
午餐時段都好Full, 大家最好先訂位, 以免撲空...
是次每人消費約 $75 元 午餐價錢唔貴, 味道幾好, 環境又正, 好好坐, 下次可以再來試吓晚餐...
午餐時段都好Full, 大家最好先訂位, 以免撲空...
味道: 4 環境: 4 服務: 3 衛生: 3 抵食: 2
###
地址 : 銅鑼灣謝斐道517號總統戲院頂樓
電話 : 2838 2896
我最中意就係食泰式炒金邊粉架~
回覆刪除不過一定要係有口感同惹味先好食呀!d粉炒得太淋就唔好食!
[版主回覆01/10/2013 00:37:55]咦... 咦... 食家喎~
哈哈~係(為)食家je!
回覆刪除