今日抽起條筋同Honey專程去銅鑼灣「富聲」一試馳名嘅雞粒酥...
![IMG_2003](https://googledrive.com/host/0B1o5dMkLtKdLODdEVVh4cUE1bWM/gE11o9FQCR_9m_fb0LJHSg.jpg)
前菜--大頭菜+豆腐粒, 都幾特別, 不過鹹咗d...
![DSC09730](https://googledrive.com/host/0B1o5dMkLtKdLODdEVVh4cUE1bWM/R8D6_QElw692K0x5rZ02cw.jpg)
![DSC09730](https://googledrive.com/host/0B1o5dMkLtKdLODdEVVh4cUE1bWM/R8D6_QElw692K0x5rZ02cw.jpg)
富聲叉燒--招牌菜, 都幾好味, 不過硬咗少少, 始終都係西苑最好...
![DSC09736](https://googledrive.com/host/0B1o5dMkLtKdLODdEVVh4cUE1bWM/DHQkIfAakVQJkKAVRpi2Jw.jpg)
富聲馬拉糕--都幾好味, 夠晒鬆...
![DSC09738](https://googledrive.com/host/0B1o5dMkLtKdLODdEVVh4cUE1bWM/KU.oLqZFvTReJtDcNdgq3w.jpg)
合桃燒雞酥--原來冇鮑魚o架!!! 不過都好香脆, Honey好鐘意食...
![DSC09739](https://googledrive.com/host/0B1o5dMkLtKdLODdEVVh4cUE1bWM/qlxsjS7JZZrj7QQNEYbttQ.jpg)
煎釀百花蘿蔔糕--嘩... 咁燶咁嘅... 係軟綿綿嘅蘿蔔糕上面鋪一層彈牙嘅蝦膠, 再用麵包屑包住o黎煎, 第1件好好味, 好香好脆好彈牙, 之但係第2件就... 好油!!! 成口油, d龍井茶仲稀過水, 飲完都係成口油, 好辛苦先可以食得完...
![DSC09741](https://googledrive.com/host/0B1o5dMkLtKdLODdEVVh4cUE1bWM/WFPW7CUf8MAdTboT.GENVQ.jpg)
敬送糖水--Honey話薑汁湯丸好好味, 飲完個胃好舒服... 楊枝甘露好足料又夠凍, 好得...
![DSC09742](https://googledrive.com/host/0B1o5dMkLtKdLODdEVVh4cUE1bWM/XV3fgNN801qCfq_vnD1qnQ.jpg)
不過d位好迫, d枱擺到迫到你唔信, 如果想坐得舒服嘅, 都係去「粵」同埋「君綽軒」好d...
Service就見人見至... d黑衫全程招呼實d富豪, 眼尾都冇望過我地... 對d富豪o黎講, d服務咪好囉... 對我地o黎講, d服務咪一般囉...
是次每人消費約$135元
味道: 3 環境: 3 服務: 3 衛生: 3 抵食: 3
###
地址 : 銅鑼灣怡和街68號1樓
電話 : 2504 4228
沒有留言:
張貼留言