網頁清單

2011年9月28日 星期三

和幸日本燒肉料理 Wako Japanese Yakiniku Restaurant

23 September 2011, Friday

又到咗奉旨食食食嘅週期啦啦啦!!! 第一擊... 「食力5人組」出動!!!

今次試食龍媽強烈推介嘅「和幸日本燒肉料理」!!!

和幸... 好熟悉嘅名字... 佢令我同貓兄不約而同唸起幾年前係台場食過嘅炸豬扒連鎖店... 有寫BLOG真好, 可以隨時RECALL MEMORIES... http://www.kenmerry.com/2007/03/2007_11.html 

由於龍媽經常幫襯, 所以我都唔使點睇餐牌, 可以坐定定等食, 一路食一路唸唔知下一味餸係咩嘅果種感覺, 真係食得興奮好多o架, 嘩咔咔咔!!!

餐廳裡面嘅裝潢都相當骨子吓... 充滿日式風味, 行人通道又好寬落, 空間感十足!!! 仲有大量卡位同梳化位, 坐得零捨舒服o架... 唔止咁, 呢度居然仲有TATAMI廂房, 可以坐2枱人, 咦... 我好想入去坐呀!!!




燒鱈魚條--前菜... 個名我估估吓... 好食過憂豬涼品果D好多... 香香脆脆但唔乾, 燒得啱啱好!!! 點埋個BB沙律醬, 又係另一番滋味... KeKe... 我趁其他人睇緊餐牌, 扮晒不經意週圍望密密食...


一口芝士--趁熱食芝士味都幾濃, OK好味... 嘻嘻... 可能我口大食窮郎, 所以覺得佢只有4分1口...


刺身盛合(左)--嘩!!! 好大隻蝦呀!!! 平時我對牡丹蝦唔係太好, 今日呢隻又大又新鮮, 好正呀... 唔知邊個冇食, 仲益咗我食多1隻, 呵呵呵呵~ 帶子同三文魚都係極之新鮮, 又大大件, 正呀!!!
特飲(右)--龍媽話白桃乳酸最好飲, 早知跟佢啦, 我杯巨蜂乳酸巨蜂味唔夠濃...




塩燒花竹蝦--嘩嘩!!! 隻蝦咁巨型嘅?!! 服務員二話不說就幫我地燒咗蝦先, 真係唔該晒, 我地自己燒肯定會一邊燒濃晒但另一邊又唔熟... 隻蝦好彈牙, 又啖啖肉, 燒完仲好香, 含住響口唔想吞, 我覺得好幸福哦~


吽吽吽吽吽吽盛合--嘩嘩嘩!!! 服務員一放低呢碟牛, 大家都雙眼發光, 目不轉晴, 驚嘆嘅嘩聲四起... 然後就一輪閃光燈, 閃到我眼都花... 你地睇吓, D脂肪分佈得幾平均幾靚, D肉質同色澤都好靚呀!!! 個扮相就更加係冇得嘆啦!!! 我平時好少食牛, 所以對住佢, 都驚為天人囉!!! (哈哈, 如果大家覺得我係大鄉里未見過好o野, 請勿見笑呀呀呀~)

好!!! 等我遂一介紹吓先!!! 左邊係吽, 前面係吽, 右邊係吽, 中間又係吽, 後左方都係吽, 後右方依然係吽!!!  查實... 我都唔知呢碟係咩名堂, 嘩咔咔咔!!! 因為我由始至終都翹起咗雙手冇望過餐牌一眼!!! 只知道龍媽話呢度係食澳洲和牛, 唯一肯定嘅, 係左邊嘅一定係塩燒厚切牛舌, 另外應該仲有牛肋骨同埋牛胸腹...

全部都超超超超超好食呀!!! 肉質幼嫩, 多汁, 充滿油脂, 好有牛味, 8個讚!!! HONEY睇完相問"做咩唔帶佢去?"... 咩呀, 我都係跟人去o架咋...



羊架--嘩嘩!!! 好大件呀!!! 好有羊味, 幼嫩多汁, 正到暈呀!!! 完全唔使點任何醬汁, 原汁原味已經ICHIBAN!!!


黑毛和牛胸腹肉--醬汁好甜, D肉都好嫩, 正呀!!!


蒜蔥燒吽(左)--又係牛... 又係唔知咩名堂, 不過咁樣燒又有另一番滋味... 加咗蒜蔥香口好多...燒芝士餅(右)--從來冇唸過芝士餅可以咁食法!!! 燒到少少焦, 有格格網紋就最PERFECT!!! 又香又鬆, 果種感覺好奇妙, 比美燒棉花糖~



北海道牛乳奶凍--特濃奶味, 好滑好甜... 個果醬少少酸, 啱啱中和咗奶凍嘅甜味, 簡直係神來之筆...


好飽呀!!! 好滿足呀!!! 龍媽今次真係好介紹啦!!!

是次每人消費約$500元
味道: 4 環境: 4 服務: 4 衛生: 4 抵食: 4
###

地址 : 銅鑼灣謝斐道496號金利文廣場3樓
電話 : 2117 4268

2 則留言:

  1. 口大食窮郎 ﹗ 你呢五個字即刻令我諗起我自己呀 ~ 我覺得我個口外面唔似大﹐但裡面好大~~
    [版主回覆10/02/2011 10:39:00]
    MuiMuimui, 多謝你的瀏覽及留言!
    哈哈哈... 我地個口應該裝咗橡筋, 可以好似D伸縮褲頭咁無限延伸!!! 仲裝咗4個胃, 食極都填唔滿~

    回覆刪除
  2. 兩件卷起既係我要求既"牛肋骨"!
    不如再去食多次囉!
    [版主回覆11/07/2011 13:43:40]我都想!!! 不過唔知龍媽肯唔肯, 哈哈哈~

    回覆刪除