網頁清單

2011年2月20日 星期日

(X庸)記酒家 Yung Kee Restaurant


17 February 2011, Thursday (年十五)


(X庸)記酒家... 元宵節壓軸好戲??? 結論係... NO!!!


原本打算一次過慶祝西方情人節同埋中國情人節, 結果換o黎一個Bad Memory... Oh No!!!!!! (X庸)記, 可以改名叫庸記啦!!! 平庸, 庸俗是也!!!


唸住今晚豪一豪佢, 所以ORDER咗「(X庸)記獲獎菜推介(兩位用)」!!!


酸薑皮蛋(餐前小吃)--我放皮蛋入口一咬... 嘔!!!!!!!!!
好嘔心, 好臭, 好想嘔, 但係如果吐出o黎, 成口都仲係果種味, 肯定嘔得出, 唔夠時間啦, 唯有吞落肚, 狂飲茶沖走D怪味... 好辛苦呀...
點知好戲仲在後頭... 一吞片酸薑, 咳咳咳咳咳咳... 好嗆呀!!!!!! 仲枉外間話佢同
福臨門 Fook Lam Moon同大班樓都係響同一個地方購入子薑, D薑係冇根呀, 但係D調味好唔掂囉...
呢碟前菜係唔知幾時放係我地張枱, 但係原來係OPTION o黎o架, D侍應竟然問隔離枱要唔要酸薑皮蛋, 個客答"唔要"囉...


金牌燒鵝件併紮蹄--凍嘅?????? 平時食嘅燒鵝都係微暖, 點解呢度D燒鵝係冰凍o架?????? 味道尚可, 但係D肉好韌, D皮唔係特別脆, 想當年屯門嘅海霸燒鵝都好食過佢多多聲... 不吃也罷!!!!!! 紮蹄都好一般...


禮雲子琵琶蝦--禮雲子係蟛蜞的蟹子, 用豆腐皮包住蝦、露筍、甘筍絲, 然後炸, 再放D海草係底... 隻蝦食落有蟹膏味, 不過唔係鮮味, 亦唔算好味... 一句講晒, 食完一隻, 唔會有貪念想食多一隻... 隻伴碟嘅蟛蜞係冇味嘅, 海草有小小腥...


松茸湯鮑--松茸好似好矝貴咁, 冒住敏感嘅危險, 飲咗落肚... D湯嘅味道... 咁似蓮耦煲章魚嘅??? 隻鮑魚腥o架, 嘔... 唔掂呀!!!!!!


嗶D餡出o黎, 等大家睇真D... 不過唔好以為隻鮑魚好大, 因為佢隻湯匙係超迷你SIZE, 唔係正常SPOON SIZE...


石上麒麟--D魚好腥, 浸係酸醋入面然後先食都好腥, 真係差D嘔番出o黎... D火腿都好似腥腥地, 唔知係咪D魚嘅味影響所致...


雲吞細蓉--嘩, 成粒雲吞有9成都係皮, 合埋眼食嘅話, 真係一D都食唔出係雲吞!!! 求其太古城一間麵店都好食N倍!!! 差差差!!!


香芒布甸--嘩!!! D芒果酸到盲嘅都開眼!!! 好難食呀!!!


HONEY全晚不停重複講同一句說話"都冇HEART嘅"!!!


坦白講, D Service真係差o架, D侍應行行企企都唔斟水, 又唔換碟, 我地食成千銀都係咁... 隔離枱D遊客仲慘, 有免費贈品收--黑面+悔氣說話, 皆因佢地唔肯ORDER侍應重複又重複迫佢地ORDER嘅o野...


好難食呀, 冇下次呀!!!!!!!!!


呀, 仲有仲有, 我去廁所時, 有女職員剛去完廁所, 佢冇沖水, 個座廁入面黃甘甘咁, 好嘔心呀... 幾經辛苦, 我先沖到水... 之後又聽到隔離果格都話沖唔到水, 都係女職員, 之前果個冇沖廁嘅女職員, 竟然叫仲係廁格入面果個女職員由得佢, 唔使沖水... 之後知道對方係開大嘅, 先冇再出聲... 嘔 X 10000!!! 聽完呢D對白, 我仲使食飯嘅!!!!!!


是次每人消費約$500元
味道:1;環境:3;服務:3;衛生:2;抵食:1
###
地址 : 中環威靈頓街
電話 : 2522 XXXX

3 則留言:

  1. 係唔係真架,差成咁?我的天呀!人怕出名豬怕肥!!
    [版主回覆02/21/2011 12:26:00]味道方面, 各人口味唔同, 唔可以盡信我的個人感覺! 服務方面, 我估熟客去會好D, 生客相信待遇大致同我差不多!!! 衛生方面, 如果佢維修番好個厠所, 而你光顧時又冇果2位職員在場, 個感覺應該會好好多! 前排無記朝早有重播韓劇 「 食客 」 , 劇情提到雲岩亭的2兄弟不和, 導致味道大不如前, 最後兄弟和好如初, 雲岩亭先好味番, 真係人生如戲, 唔怪得D電視劇成日要標示 「 如有雷同, 實屬巧合 」!!!

    回覆刪除
  2. 我仲懷念上次外買燒鵝,返到天水圍先開餐都係好好食.咁, 我以後只可以外買燒味?
    [版主回覆02/24/2011 08:53:00]回憶總是最美味的!!!
    相信佢都曾經有真心做過燒鵝, 唔係嘅都唔會出名...
    不如你試下再去外賣, 睇下係咪真係外賣好食D???

    回覆刪除
  3. 十幾年前已經話佢大退步,尤其聽過千年陳皮紅豆沙事件,梗加對佢興趣大減,But依然想食吓佢佢叉燒飯!
    [版主回覆03/14/2011 16:28:00]「 千年陳皮紅豆沙事件 」 十幾年前真係無人不知... 見佢連續3年都拎米豬蓮, 以為佢爛船都有3根釘嘛, 點知咁嘅啫...

    回覆刪除