網頁清單

2011年2月16日 星期三

好日子

13 February 2011, Sunday (年十一)


今日E5的團拜日子, 又凍又落雨, 千里迢迢咁入到屯門, 竟然冇得同宇宙最強@妹妹玩, 又冇得同勁舞DANCING豬@妹妹玩, 我唔制呀))))))


感謝貓兄幫忙等位, 辛苦晒!!! 大時大節, 中午時段, 等位飲茶絕對係超難...


燒腩仔--都幾香脆, GOOD!!!


蘿蔔絲蝦餅--外表相當嚇人, 但味道都OK喎...


蝦腸--不錯...


炸兩--好似唔記得食...


鳳爪--不過不失...


流沙包--冇機會食, 因為平時唔食野嘅宇宙最強@哥哥竟然一口氣食咗2個, 相信... 一定勁好味...


腐皮卷--脆脆的, 不錯...


沙律卷--好好味呀!!!


點心拼盤(潮式糯米卷, 蝦餃, 唔知咩餃, 千層糕)--個賣相好嚇人, 好似一打壽包咁大個籠, 送餐放低時, 我仲同佢講我地冇ORDER喎, 哈哈...


燒賣--不過不失...


印象中, 之後KaKaMa一家到臨後, 有加單, 不過大家已經忙於講八卦消息, 所以唔記得影相...


感謝鑽媽請客, 下次黎我地頭, 我請客!!!


飲完茶同貓兄行陣街, 行行下重臨舊地, 感觸良多... 8B成員對呢張相應該一D都唔陌生啦, 哈哈哈哈...


是次每人消費約$90元
味道: 3 環境: 3 服務: 3 衛生: 3 抵食: 3
###
地址 : 屯門屯隆街2號屯門時代廣場北翼地下39號、51-53號舖
電話 : 2618 9392


2 則留言:

  1. 入到屯門唔預我?仲未派利是比勁舞DANCING豬呀!
    [版主回覆02/16/2011 17:57:00]Sorry呀, 佢地臨急臨忙先約, 仲要呢個又話唔知幾點先黎得, 果個又話要早走, 中間得好小時間齊人... 唔係我發起架, 怨有頭, 債有主, 唔好搵我呀, wakakaka...

    回覆刪除
  2. 真係好怕去飲茶無得Book位,好唔慣指住個鼻入去打尖....
    [版主回覆03/14/2011 15:12:00]鑽媽慣就得啦, 我地抆佢衫尾既啫, 哈哈~ 我而家飲茶都係鐘意搵d有得book位既, 貴小小唔緊要, 總好過落去唔知要排幾耐隊!

    回覆刪除