網頁清單

2010年4月19日 星期一

晨運晨到金峰靚靚粥麵

19 April 2010, Monday

今朝5點醒咗, 個肚打晒鼓, 瞓唔番, 索性起身去晨運...


5點幾, 個天開始光...


步行落英皇道期間, 發現好多呢種好似吊鐘嘅花正在盛放...


落到英皇道, 發現粥鋪都未開, 行咗去效野公園入口, 想行上紅屋晨運, 但係人都唔多隻, 有D驚... 唯有返去粥鋪對面間24小時麥當當邊飲熱朱古力邊等...


等到7點終於有得食... 我地係佢今日第一枱客...


腸粉--即叫即拉, OK啦... 唔記得落白芝麻添...
油炸鬼--見有網民寫"佢d 油炸鬼好似薯片甘脆", 所以我地都要試下... 即叫即炸, 真係好脆!!!
廋肉粥--廋肉好鮮味, 正!!!
豬膶粥--豬膶超超超出味, 正!!!


食飽又行返屋企, 沖埋涼, 寫埋個BLOG... 好, 返工!!!


是次每人消費約$26元
味道: 4 環境: 2 服務: 3 衛生: 1 抵食: 3
###
地址 :   鰂魚涌祐民街2號地下 (香港水族廣場) 


5 則留言:

  1. 勁呀,工作日都可以晨運!
    [版主回覆04/21/2010 21:37:00]我到而家都接受唔到呢個現實(只有老人家先會早起去晨運)...

    回覆刪除
  2. 咁健康? 估唔到你老公都願意跟你一起去晨運, 只是你睡不著 je
    [版主回覆04/21/2010 21:38:00]佢都係同我一樣, 瞓唔著+肚打鼓呀!!!

    回覆刪除
  3. 兩公婆最仲要啱口味啱timing,讚!

    回覆刪除
  4. 又會兩公婆都咁啱, 前一天去咗飢緊30嗎 ?
    [版主回覆04/22/2010 00:48:00]前一天去咗抺霉

    回覆刪除