網頁清單

2010年3月13日 星期六

愛麗絲夢遊千両 Alice in Sen-ryo

12 March 2010, Friday

我的第一次... 就咁就比咗貓兄啦!!! 哈哈... 唔好諗錯隔離, 我係講緊第一次睇3D電影... 同埋第一次去The Grand Cinema... 同埋第一次去千両...


睇戲前去咗千両醫肚, 因為D網友講到起碼要排1個鐘以上, 所以我地都係諗住見機行事... 點知... 6點半去到, 排咗一陣就入得啦, 好o野...


吉列炸蝦卷--哈哈哈... 實在太肚餓啦, 攪到一人隊咗一舊炸蝦卷先醒起未影相... 熱辣辣... 正!!!



日本特大帶子壽司(左)--好鮮甜呀, 冇得彈...
劍魚腩壽司(右)--唔記得問貓兄嘅意見添...



鱈場蟹壽司--人間極品, 啖啖肉, 好新鮮, Ichiban!!!



海蟃壽司--又一人間極品, 淡淡的蟃魚味, 超幼細嘅魚骨, 軟棉棉嘅肉, Yummy!!!



左口魚鰭軍艦--店員極力推介!!! 食落煙煙韌韌, 有D似魷魚... 有小小小小腥... 貓兄話好正!!!



三色軍艦--我食咗中間嘅帶子軍艦, 好鮮甜, I Like It!!!



厚燒甜蛋--燒得好乾身, 唔散, 不過我鐘意甜D...



鰻魚壽司--個皮燒得好香, 強勁嘅鰻魚, 買飛佛!!!



慘啦, 佢好食過X氣好多呀, 點算呀... 我驚我第時會忍唔住成日去呀... 貴咁多, 成日食唔多掂喎...


是次每人消費約$180元
味道: 4 環境: 4 服務: 3 衛生: 4 抵食: 3
###
地址 : 尖沙咀柯士甸道西1號九龍站圓方1樓1086號舖
電話 : 2196 8209


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


食飽飽仲有廿分鐘就開場, 時間啱啱好!!! 我地今晚去The Grand Cinema睇3D愛麗絲夢遊仙境... 坐最後一行嘅中間位置, 套戲好正好好睇呀!!! 不過睇完個頭有小小痛, 同埋胸口有小小翳悶, 要快D瞓教教豬先得啦...



1 則留言:

  1. 吉列炸蝦卷 <--堅正!我食剩對眼核咋,個蝦超香口! 劍魚腩就普通啦… 講到鱈場蟹壽司,真係唔該晒你幫我拆殼呀,thank you~

    回覆刪除