網頁清單

2009年7月19日 星期日

玉桃苑 The Graces Garden

17 July 2009, Friday


Weekend去開Times Sqaure買相機, 順便食埋飯, 事前冇做資料搜集, 結果...


唯一冇大排長龍嘅餐廳... 2餸1湯自選套餐$188, 好似唔太貴...


我地Order咗家常老火湯, 沙薑雞半隻, 涼瓜黃豆排骨煲... 期待-ing...



坐咗都一段時間, 職員先話我地知冇雞(係所有雞類菜式都冇), 咁我地問其他o野(老火湯 & 排骨煲)會唔會都冇, 部長強調"唔會, 有o架, 冇嘅我會話你知o架嘛"...
咁我地左諗右諗... 唯有轉鹵水鵝肉拼盤... 但係點解變左鵝掌??? 咁Honey都食豬耳仔, 就算數啦...



點知...
食咗一片豬耳仔...
職員先話我地知冇老火湯同涼瓜(係所有涼瓜類菜式都冇)!!! 咁咪即係我地Order嘅o野全部都冇!!! 好卑鄙呀!!! 等我地食咗一啖先講!!! 我地真係想即時拍枱走人呀!!!
係冇咩選擇淨諗爆頭嘅情況下, 被迫轉咗瑤柱海皇冬茸羹... 好難飲呀, 冇冬瓜茸嘅, D海鮮又腥, 更加唔會搵到瑤柱嘅踪影...



都係被迫轉咗嘅家鄉梅菜扣肉, 梅菜冇梅菜味, 扣肉7成肥3成廋, 成碗o野都冇味...



埋單要$262, 咁嘅價錢, 咁嘅質數, 絕對成反比!!! 
最慘係行緊落地鐵, 已經2個一齊肚痛, 我仲想嘔添呀, 之後返到屋企, 去完Toilet, 都仲想嘔, 成晚都瞓唔到, 第二朝Honey先同我講番, 佢都想嘔呀, 佢從來唔會話想嘔o架, 唔使旨意我地會再幫襯!!!


是次每人消費約$130元
味道: 1 環境: 3 服務:3 衛生: 1 抵食: 1
###
地址 : 銅鑼灣勿地臣街1號時代廣場食通天12字樓
電話 : 2506 3366


1 則留言:

  1. 通常起旺區的食市唔洗等,緊有D野唔好。我地有時都會領野!

    回覆刪除