網頁清單

2008年4月12日 星期六

LG KS20 被盜了... 嗚嗚嗚嗚...

3月19號先買... 今日先4月11號... 都未玩夠一個月就... 嗚嗚嗚嗚...


之前去門市問, 週圍都冇貨, 要託人幫手先拎到, 但係當時accessories(額外原廠電池, 1GB Memory Card, 保護貼)冇貨, 要d貨返咗先有得拎... 遲d數碼燶打黎話有貨都唔知去唔去拎好... 嗚嗚嗚嗚...

 


而家人去樓空... 部機新到連遺照都冇張... 嗚嗚嗚嗚... 我對你唔住呀... 

 





案發經過:
係羅湖過關前, 打了一通電話給honey的友人, 通知佢"我地準備過關啦, 我地係購物公園站等啦"...
之後坐地鐵, 過咗2-3個站, 同事D打電話o黎問埋D無關重要嘅o野, 跟住有個人跌咗張車票落地係honey腳邊, 我見佢捉住honey嘅小腿一下, 以為佢想推開佢隻腳, 跟住見佢隻手摸下摸下個地, 但又唔執起張車票, 我仲以為佢係盲嘅, 我係咁望住佢, 跟住佢係咁咳又唔按口, 嚇到我彈開幾步, 之後就見佢衝咗出車...
跟住honey想再打多一次電話比佢友人, 已經發現個電話唔見咗... 我地先開始懷疑呢個人...
最慘係我地去到購物公園站等咗好耐, honey友人都冇出現, 都唔知佢係咪再call我地call唔到唔o黎, 又冇咗佢個電話號碼(儲咗係電話入面就唔會用個腦去記o架啦), 又唔知返唔返香港好... 好彩, 最後honey友人都出現咗... 起碼唔使玩失散先啦!!!



大家唔好阻住我, 我要打到個隻偷我地電話嘅o野有氣冇掟透...
 
 (查實由honey第一日拎隻機番o黎開始, 我不知幾想老笠咗去... 呢個衰人竟然老笠咗我想老笠嘅o野, 你地話抵唔抵打...)


而家唯一可以做嘅就只有...

 
破財擋災... 破財擋災... 破財擋災... 比人偷點都好過比人搶加隊幾刀... (自我安慰-ing)


註:好彩我地冇好似猩猩王咁變態, 鐘意影埋d變態相, 只係o係巴士玩過2張自拍同埋玩加超低能相框功能, 唔係真係出晒街都唔知...

 


8 則留言:

  1. 你真係不幸中之大幸, 個賊無揸刀去搶你都算好彩啦,  係大陸真係唔到你唔小心, 學 MR. C 話齋 "男盜女娼" 四個字泥形容真係無錯架!
    佢每次返大陸時都搞到我心驚膽跳的, 呢部機係啱啱出時真係好鬼搶手, 我地返十部先分得兩部, 同埋真係如你所講個 Bonus Pack 仲比部機缺貨, 返三十部先得十部, 係喎..你仲要唔要 KS20 呀! 我有貨呀! 要唔要補返部啫, 見你咁既 CASE 時, 我返價比你都無所謂啦~  

    回覆刪除
  2. 又一次令我唔會再申請番張”回鄉証”決心 ;不過o個賤人一定有報應既

    回覆刪除
  3. 你部機係唔係用visa買?如果未夠一個,有報案紙有得claim保險,不過唔係張張卡都得,你快啲check吓啦!

    回覆刪除
  4. 我上年用5千幾買左隻牌子錶,未夠一個月就唔見,statement都未寄尼,道火巳經燒緊,收到statement立即撕爛佢,直頭燒到上頭頂,但係張收據我有留起,提醒自己唔好成日咁大意

    回覆刪除
  5. RE KaKaMa:
     唔要啦... 唔想再比人偷多一次呀... (P.S. 謝謝你...)
    RE 龍媽:
     冇錯, 個賤人一定有報應既...
    RE 貓頭:
     Check咗啦, 我地個張咭冇購物保障呀...
    RE DD:
     Statement寄咗o黎啦... 望住佢真係心都碎... 今日找數個陣真係好唔想放張Cheque入個入票箱...

    回覆刪除
  6. 你最失策有兩点:
    1. 不能帶好野返大陸
    2. 個賊知道你哋香港人最講衛生, 知道你留意佢; 所以咪扮咳; 你就是錯在彈開.

    回覆刪除
  7. 好sure佢只係其中一個同黨,真正偷你的是另有其人!
    上次我上去深圳都唔敢帶貴重野上去,D人很多樣都像小偷(樣衰到極)
     

    回覆刪除
  8. 真係唔好彩~!!!!!!!!!!!

    回覆刪除