網頁清單

2008年4月27日 星期日

倒模手工朱古力課程@創意西點教室

DD一月尾問我學唔學整朱古力, 話個course好出名好爆... 嗯... 我又未整過朱古力, 試下都好喎... 由於個course太爆嘅關係, 要當日即刻比咗錢報名先, 但就唔知會幾時有得上堂, 當時都有D驚, 心唸"如果有堂個日我唔得閒咪閉"... 之後等等等等... 情人節... 復活節... 等咗3個月.... 終於今日(2008年4月26日)可以上到堂喇, 好o野...

 

æ朱古力粒 callets chocolate


æ可可脂 cocoa butter


æ我用鑽石模, DD就用可可豆模


æ導師Johnny Chan 將朱古力粒同可可脂加熱至攝氏45度, 再慢慢加入朱古力粒調溫, 示範唔同溫度下, D朱古力定型嘅色澤同型態有咩分別... 攝氏32度係最理想...


æ倒D朱古力入個模度整咗個面先...


æ跟住唧D香檳酒心餡入個模度...


æ再倒D朱古力入個模度整埋個底... 我同DD好好彩, 其他人係冇"轉印紙"o架, 但係坐我隔離位小姐問阿Sir係咪有D咁嘅o野, 阿Sir幫佢整完又拎我個盤話示範多一次, DD即刻話要示範埋佢個個, 哈哈...


æ係室溫放一陣就可以放入雪櫃... 等待期間阿Sir講解朱古力的故事, 好詳細, 學識好多o野... (有同學自備朱唇模, 阿Sir講到咩係白朱古力個陣, 我就唸如果朱唇模+白朱古力... 咪面青唇白囉... 嘩哈哈哈... 當時已經忍唔住笑笑口咁, 好彩冇人知我笑緊咩啫...)

雪好咗就倒出o黎... DaDa... 幾靚... 閃閃發光o架... 呢個粉紅色心心底係坐我隔離位小姐嘅...


æ呢個黃色音符底係我嘅...


æ呢個黃色音符底係DD嘅...


æ再用毛筆加D粉紅色閃粉係面...


æ嘩... 好靚呀!!! 超完美!!!


æ用紙杯包住就可以入盒... (其他同學都準備晒超靚紙盒仔送禮用...)

æ你睇下我上完堂之後... 件叮噹戰衣變咗污糟貓喇... 醜死怪...


9 則留言:

  1. 有無得試食架~~留舊比我得唔得
     
    [版主回覆04/29/2008 00:33:00] 試食... 冇問題!!! 不過要星期日之前食晒喎... 最好... 阿Sir話...

    回覆刪除
  2. 睇見都唔捨得食tim
    [版主回覆04/29/2008 00:44:00] 真係唔捨得食o架... 所以阿Sir叫我地試食佢個d制成品嘅時侯, 我地真係一d都唔客氣o架...
    包完自己個d制成品, 仲要問阿Sir... " 阿Sir, 可唔可以拎幾粒你個d呀?"... HeHe... 阿Sir緊係應承啦... 呵呵...

    回覆刪除
  3. 其他同學準備果d盒真係好靚,將原本靚靚既朱古力變得更高級,我同拉姑立即面有難色,因為我地準備既係"佳能"密實盒,粒朱古力即時平民左,無法啦,我地唔係少女,無咁多心絲架啦
    [版主回覆04/29/2008 00:20:00] 我地當時實在係"晴天Pig Pig"... 好似選美時人地加晒Triple Pad而自己仲好天真好傻咁...

    回覆刪除
  4. 點解你可以Keep住有對手影相?咁你影完有無洗手架…哈哈
    真係整得幾鬼靚!
    [版主回覆04/29/2008 00:07:00] 放心喎, 係最後一個步驟(包裝)先會同粒BonBon有肌膚之親, 包裝前"好似"有洗手, 哈哈...

    回覆刪除
  5. 原來johnny個朱古力班係 扣除開支 , 所有收益都會用作慈善用途 !
    [版主回覆05/01/2008 18:37:00]  咁我咪做咗善事囉...
    其實上完佢堂真係覺得一D都唔貴, 因為佢D儀器同用料都唔平, 同埋感覺到佢真係對朱古力好有熱誠, 我都上得好開心...
    而家最後悔嘅係冇同佢合照同攞簽名喳!!!

    回覆刪除
  6. 上多堂囉,又積多d褔,落堂後咪提住阿sir影番百張相,我都可以陪你,再上我要問番阿sir百條問題

    回覆刪除
  7. 好想試吓呀.....

    回覆刪除
  8. Hi,你好嗎:
    為了表示支持一群年輕的本地業餘藝術愛好者、支持有夢想的人、支持香港創意藝術會、及有份參展的10多名YAHOO BLOG友...
    我在該會畫展開幕禮當日採訪參展的BLOG友,在BLOG寫了BLOG友們熱愛藝術及追求夢想的故事,及有出示展覽的部分作品,如你有空及有興趣,也來看看本文及其他BLOG友給他們的留言支持吧。
    支持有夢想的人...
    這一篇文章的名稱: 夢想停機坪

    回覆刪除