網頁清單

2017年6月12日 星期一

【台中】即日來回之吃吃吃吃吃吃

13 December 2016, Tuesday

✪行程✪
第一天⇨臺中國家歌劇院⇨道禾六藝文化館⇨福記鮮牛肉湯(餐湯)⇨富狀元豬腳極品餐廳(主菜)⇨國立台灣美術館+古典玫瑰園(餐茶)⇨道禾六藝文化館(弓道體驗+下午茶)⇨
⇨元生咖啡(下午啡)⇨Tu pang 地坊餐廳(晚餐)


話說。。。我早幾日先係台中上咗2日堂。。。

又話說。。。我地尋日先重獲新生。。。

今日。。。又落台中?!

咳。。。我都覺得匪夷所思!(我嘅惰性嚴重到係,響屋企餓到就黎要CALL白車都唔會死去煮個公仔麵食嘅人)

食神上星期聽到我地勁讚台南溫體牛肉湯,已經心思思,咁啱佢有朋友黎台北探佢,即刻飛車落去啦,仲等?!佢地中途會停台中住1晚溫泉旅館。。。

力仔同佢HONEY後日就飛到來台北。。。我已經連續玩咗幾個禮拜,鐵人都散,何況懶人!我真係無時間再玩啦,聽日要洗衫+清潔+抖吓,無計,又想跟又無底牌,唯有剩係落黎台中玩1日,即晚坐高鐵返台北。

10:30AM 臺中國家歌劇院



HONEY來過再帶我地來,我第一次來。但未夠鐘開門,過門而不入。


11:00AM 道禾六藝文化館(台中刑務所演武場)




HONEY來過再帶我地來,我第一次來。但負責弓道體驗的老師未得閒,要下午再來。


12:00NN 福記鮮牛肉湯





朋友聽日都落台南食六千同文章牛肉湯啦,一日都唔等得,係都要即刻食。味道同台南真係差好遠,如果未試過台南的溫體牛,呢度都可以叫過得去。

價錢唔貴,家庭式作業的店員很友善(BB床就放係舖頭門口)。


味道:★★★☆☆
環境:★★★☆☆
服務:★★★☆☆
衛生:★★★☆☆
抵食:★★★★★

福記鮮牛肉湯
地址:台中市 西屯區 甘州街1號
電話:+886 4 2314-4838
網址:


12:45PM 富狀元豬腳極品餐廳





終於係我食過,而HONEY未食過嘅啦~因為上次來上課時,老師又叫過外賣比我地食,話好有名。我當時影咗個飯盒面,所以搵得返出來。味道真係一絕,特別係豬大腸(我初時話只會試1粒最後食咗半碟),食神都無異議。


味道:★★★★☆
環境:★★★☆☆
服務:★★★☆☆
衛生:★★★☆☆
抵食:★★★★☆

富狀元豬腳極品餐廳
地址:台中市 西區 美村路一段203號
電話:+886 4 2301-3588
網址:fu-deka.com


2:00PM 古典玫瑰園(國美館)





HONEY來過再帶我地來,我第一次來。匆匆忙忙咁行完國立台灣美術館,匆匆忙忙咁飲杯有架勢無內涵的歐式茶,又要趕回去道禾六藝文化館上弓道體驗課。


味道:★★★☆☆
環境:★★★★☆
服務:★★★☆☆
衛生:★★★★☆
抵食:★★★☆☆

古典玫瑰園(國美館)
地址:台中市 西區 五權西路一段2號台灣
電話:+886 4 3507-0600
網址:rosehouse.com


3:30PM 道禾六藝文化館(台中刑務所演武場)



六藝,指的是【禮‧茶道】、【樂‧古琴】、【射‧弓道】、【御‧劍道】、【書‧書道】、【書‧水墨】、【書‧篆刻】、【數‧圍棋】、【數‧紙藝】。

全部都想體驗,但時間不夠,首選了弓道。

我都好想試,但我無帶手套,又要充當攝影師,只好靠邊站。

老師好NICE,放埋我入箭場之餘,仲叫我下次記得帶手套來學射箭,仲可以教我做箭。。。嘩嘩嘩!!!聽到都興奮!!!從來無想像過自己一生人裡面會有機會親手做箭,我要學!我要學!我要學!

食神的朋友回隊了。。。鏡頭一轉。。。大家過咗隔離茶館嘆茶。。。








環境一流,2位茶痴對佐茶的南棗夏威夷果仁糕驚為天人,即刻衝去收銀員度想買走,結果係:無。得。買。(嘻嘻,我大約估到係邊間,不過暫時賣個關子,遲吓先訂來送比佢地等佢地SUPRISE吓。


味道:★★★★☆
環境:★★★★☆
服務:★★★★☆
衛生:★★★★☆
抵食:★★★★★

道禾六藝文化館-台中刑務所演武場
地址:台中市 西區 林森路33號
電話:+886 4 2375-9366
網址:sixarts.org.tw


5:45PM 元生咖啡








HONEY來過再帶我地來,我第一次來。

因為GOOGLE MAP上的資料錯誤,到達咖啡室時,店員話準備關門婉拒我地入內,朋友好想試,強烈要求我地飲完即走,店員沒辦法,唯有放我地入去。

飲品來到後不久,沒時間慢慢品嚐,又要匆忙趕去老師介紹(仲幫我地訂埋位)的餐廳吃晚飯了。。。


味道:★★★☆☆
環境:★★★★☆
服務:★★★★☆
衛生:★★★★☆
抵食:★★★☆☆

元生咖啡
地址:台中市 西區 向上路一段79巷64號
電話:+886 4 2302-2868
網址:


6:35PM Tu pang 地坊餐廳


待續。。。

(超級超級趕的一天,上氣唔接下氣)

沒有留言:

張貼留言