網頁清單

2016年2月12日 星期五

【台北】新春運大桔。放鞭炮夢碎

8 February 2016, Monday

今年好似係第一年年初一唔係香港過年... 好似係, 除非唔係...

一直聽人說台北過年好靜, 聞名不如見面, 真係靜到嚇C你, 大部分餐廳除夕&初一都關門大吉, 小部分如Sogo初一先會開(除夕都收早)... 咁我地就緊係要幫襯佢啦~~~

*** 尋晚得台灣朋友送暖, 專程揸車送鹽焗雞&愛心肉骨茶比我地, 我地餐團年飯先有著落, 不至餓C咋, 實在太太太感謝你啦, 嗚嗚嗚嗚 ***

無預計會睇到舞獅, 估唔到佢舞足成粒鐘...



鼎泰豐11:00AM開門, 11:30AM已經客滿, 大約要輪候1小時... (尋日Lunch都係食佢)

去咗Starbucks Hea, 點知未夠半個鐘就有位喇~~~ 杯咖啡飲咗2啖咋...


大年初一第一餐, 食齋!!!


第一餐有著落, 先開始有心情Search下「台北初一」... 意外地發現附近有地方可以玩煙花, 嘩嘩嘩!!! 我要去, 我要去!!!


除夕初一放鞭炮 北市開放6處河濱指定地點
http://www.cloud.taipei.gov.tw/web_tgi_getContent?ClassCode=462da1de&CategoryCode=&rowId=GIP_156712684&orderBy=2

今日天氣勁靚, 唔出街玩真係對唔住自己囉...


係Google Map輸入河雙21號河濱公園, 老點咗我地去大佳河濱公園!!!

係捷運圓山站出咗之後, 行咗90分鐘以上, 乜都見唔到!!! 之後問唯一的小賣部, 爆忙中的女店員話佢唔知龍舟點睛場係邊, 隔一陣又補句佢連可以放炮都唔知... 唉... 好灰... 行咗咁耐, 得個桔...

慶幸沿途風光不賴, 都來行下公園曬下太陽吸下新鮮空氣囉, 唔係可以點啫...





回程經「基九號疏散門 」走都幾恐怖... 係天橋底我真係好恐懼會有人彈出來持刀打劫... 出到大街全部都係汽車相關店舖, 100%關門, 好驚呀!!!!!! 行咗一陣, 救星出現, 有Taxi呀!!!!!! 嗚嗚嗚嗚...


回到Sogo... 靜岡勝政日式豬排!!! (初一, 初二, 初三, 初四... 都係食佢)


夜晚唔憤氣, 再上網搜索, 終於比我搵到一張唔關係的地圖, 好朦, 依據地形搵到無雷公咁遠的「河雙21號河濱公園」真身, 係捷運芝山站附近, 今次真係比Google Map玩C!!!


我地今日運呢隻桔夠大啦啩!!!

沒有留言:

張貼留言