網頁清單

2016年2月13日 星期六

【台北】迪化年貨老街。宜古宜今喜迎猴

5 February 2016, Friday

早幾日逛誠品, 見到有本旅遊雜誌介紹位於迪化街的台北年貨大街... 迪化街?!! 之前有朋友推薦過話一定要去嘅喎...

那個Q版迪化年貨地圖仲包含大稻埕公園、大稻埕戲院、台北柑仔店... 好吸引呀!!!

今年會係台北過農曆新年, 都無點添置過咩賀年物品(只有1對Hello Kitty & Dear Daniel的揮春), 一定要去八吓台灣的年宵市場係點嘅先...

原來... 呢度係無花買嘅!!! 同香港唔同, 所以唔算係行花市...

又原來... 呢度除夕係唔開嘅!!! 同香港唔同, 所以千祈唔好諗住食團年飯之前或之後走來行陣花市...

年廿七, 天公造美, 唔出街街太浪費~~~

乘捷運到中和新蘆線大橋頭站, 沿延平北路二段行會見到台北年貨大街的其中1個牌坊...


轉入去就係大稻埕公園... 好多人排隊, 好似祈緊福咁...


路經台北市立聯合醫院的攤位, 見到財神爺, 當然要合照啦~~~


估唔到仲有張即影即有相同可愛小禮物...


轉入迪化街一段... 張燈結綵的大街, 終於Feel農曆新年即將來臨...


迪化街為台北市保留最完整的老街, 許多歷史古建築... 果然名不虛傳!!!



迪化街人頭湧湧, 人人都忙著辦年貨... 我仲見到好幾個黑貓宅便的攤位, 真識做生意, D人買完重o野可以即寄, 然後又再繼續買, 唔驚無手拎...

「開金口冰心栗子」又大又甜超好味, 邊走邊吃好市井Feel... NT$200勁大盒, 食極都食唔完, 夜晚叮熱當宵夜...



買咗「十分好運手工牛軋糖」放全盒, 每款執2粒都NT$400...



大稻埕戲苑玩自拍...


台北柑仔店... 回到那些年的溫情街坊雜貨店...








迪化街最出名的, 其實係參茸海味店... 相中大八爪魚唔算, 哈哈...
5

趁墟完畢, 鬆人~~~


《2016台北年貨大街》詳情可瀏覽 http://2016.newyear.festival.taipei/

離開時比較接近捷運松山新店線北門站... 入到捷運站內, 見到關於古蹟北門的介紹, 同埋站內的去水道古蹟, 決定上返地面搵北門... 兜兜轉轉都搵唔到, 只好放棄... 


以為故事就咁就完?!! Honey睇新聞時見到柯P趁農曆年拆忠孝橋高架道, 原來係要令台北市重要的歷史古蹟北門重見天日...

建於清朝時期的北門, 過去可遠眺七星山脈, 好似話打算將北門打造成「台北凱旋門」咁話喎... 

唔怪得果日我係對面馬路點搵都搵唔到北門, 原來比條橋遮住... 結果... 初四我地又再來喇...



年廿七果日我係對面馬路係見到呢個台o架, 不過我以為係D演講會嘅台, 無理到...



買咗糖果, 無買全盒, 感覺怪怪的... 又想要全盒, 又想環保D, 年廿九深夜靈機一觸, 將之前係誠品拎的Catalogue同家樂福送的貼紙來個大變身...


哈哈哈哈.... 都幾OK吖... 好過無啦...


祝大家猴年身體健康, 活力十足, 頭腦靈活...

2 則留言:

  1. 2Ѽ16齊齊天天都過得歡樂精彩♦・゚恭喜恭喜
    ╔══╗╔════╗•*健康¸.❀•*¨
    ║╔╗║╚═╗╔═╝•*順景¸.•*¨✿
    ║╚╝║╔═╝╚═╗•*幸福.❀•*¨
    ║╔╗║╚═╗╔═╝•*如意•*¨✿
    ║╚╝║╔═╝╚═╗•*開心¸.❀•*¨
    ╚══╝╚════╝•*大吉.•*¨✿
       *゚*°•♩¤。♪.♬。•:。⊹♫*。.•:。
    ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı

    回覆刪除