遊台短短數天, 驚覺原來好多香港朋友來台北遊玩或工作的, 今天已是與第3組朋友會合... (都是Honey的朋友, 我的朋友都在香港家中湊仔, 哈哈)Honey的朋友今早才落機, 開完會就與當地朋友來酒店接我地去食Lunch... 由於去宜蘭車程較遠又驚塞車, 所以要省時間, 食得地道少少... 唔使急但係要快!!!
台灣朋友車咗我地來佢經常幫襯的林東芳牛肉麵...
店內座無虛席, 店外大約十多人在排隊...
店員帶領我地去前幾個舖位坐低... 都係座無虛席... 好似比元祖店坐得鬆動D... 小吃同飲品是自助形式(左邊的白色雪櫃)... 有面紙供自取(在風扇下面)...
豬頭皮 NT$30 / 豆干 NT$30
半筋半肉麵(湯)(小)NT$190
-- 台灣朋友推薦半筋半肉, 好, 就來4碗吧... 湯底好清甜, 蔥花好香, 麵條像小時候食的粗麵, 有嚼勁, 牛肉軟腍... Order小Size的都咁大碗, 大Size的真係食唔晒... 食完碗麵仲不停飲湯, 碗湯真係好好飲, 同我以前接觸過的台灣牛肉麵好唔同... (利申 : 台灣Newbie遊客)
鍾意食辣的朋友, 可以自行添加辣醬, 台灣朋友提醒大家"唔好落太多, 好辣o架, 好好味但好辣"...
極速食飽, 向台灣最長的行車隧道「雪山隧道」進發...
味道：★★★★☆
環境：★★☆☆☆
服務：★★☆☆☆
衛生：★★★☆☆
抵食：★★★☆☆
林東芳牛肉麵
地址：臺北市 中山區 八德路二段274號
電話：+886 2 2752-2556
網址：www.facebook.com/LDF.TWBN
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言