網頁清單

2014年10月27日 星期一

沖繩「婚紗攝影」2014の≪海底歷奇≫部瀬名海中公園 Busena Marine Park

16 September 2014, Tuesday

尋日食食食食食足全日, 叉足電, 今朝8:00AM就起身, 9:30AM前係酒店Lobby吃過第1頓自助早餐... (之前2日都無食到, 蝕底晒)

無車牌, 又想去沖繩中部, 唔想跟Local Tour, 可以點?!! 搭巴士囉~~~

** 唔想跟Local Tour係因為所有Local Tour都一定會去沖繩美麗海水族館 (Okinawa Churaumi Aquarium), 我上次跟團來沖繩時已經去過喇; 而且跟團出發時間太早, 好辛苦; 再加上我地要預留日子買個天氣保險, 萬一早2日天氣唔好影唔到婚紗相就要改尋日/今日, 預早報團唔夠Flexible **


10:20AM 來到"安里"巴士站... 酒店行過來10分鐘左右...
10:35AM 120號巴士準時到站... Miss咗的話就要等到11:00AM先再有巴士... 上車拎張飛仔, 証明你第幾區上車, 落車時放飛仔入收銀箱, 就會自動顯示你要比的車費...



選擇係沖繩坐巴士的話, 出發前一定要做足功課, 120號巴士平均半小時1班車, 睇定幾點有車先好去車站, 免得烈日當空下暴曬變黑炭...

公共巴士網站 : http://www.daiichibus.jp/map/

利用路線から検索, 可以查到幾點上車, 幾點落車, 仲有巴士站位置地圖...
120     名護西空港線(共同運行)下り(名護バスターミナル)

出發地 : 第10個站 安里(又吉通り)(浦添向け)
目的地 : 第87個站 ブセナリゾート前(名護市内向け)

架巴士係有冷氣, 但太陽太猛, 好熱好焗, 坐熱狗巴咁, 座位又舊又無承托力, 坐完週身骨痛, 感覺回到70年代... (我出世前)


足足77個站, 超誇張... 係車上唔覺意瞓著咗, 醒來約上了車1小時, 剛經過到美國村, 之後唔敢再瞓, 打醒12分精神... 過咗琉球村, 接近包車, 車上得返我地2個...

12:30PM  終於都到啦, 陰公!!! 足足2小時呀!!! (站站停, 慢到嘔, 似足幾十年前由錦田經元朗/屯門/青山公路出九龍咁)

大家留意吓顯示屏, 第4區上車, 每位乘客承為1570円, 接近HK$120, 嘩)))))) 好貴呀!!!!!!


總算成功順利到達Busena Terrace Beach Resort, 感覺好幸運, 辛苦少少都值得...


相關網址 :-
Busena Marine Park http://www.busena-marinepark.com/english/
Busena Terrace Beach Resort http://www.terrace.co.jp/en/busena/


步入Busena Resort, 穿過停車場, 見到部瀬名海中公園 (Busena Marine Park) 售票處啦~~~



Busena Terrace Beach Resort 係酒店一行出來就係沙灘, 超正呀!!! 仲好多水上活動玩呀!!! 再來沖繩我一定要住呢度!!!!!!

唔知係咪Lunch Hour, 售票處唔賣飛, 叫我坐Shuttle Bus去到玻璃底遊艇度先買飛...

免費區間巴士外表好Classic呀!!! 20分鐘1班... 錯過了會曬到變人乾... (其實都行到去, 但咁曬, 唔想自殺)


坐車車真係眨一眼就到第1站... 離無幾遠的建築物就係第2站...



碼頭度超多人...


埋到去碼頭2隻玻璃底遊艇 (Glass-bottom Boat) 啟航, 有排等, 唯有週圍影吓相打發時間...






買到船飛啦~~~ 大家記得係機場拎「沖繩旅遊人 Okinawa Traveler」小冊子, 內有8折優惠劵的... (預先上網Print定都得)
海中展望塔 + 玻璃底遊艇 : 料金 大人 2,060円
8折咗1,648円, 慳412円1個人, 2個人加埋慳800幾円o架!!!


同黑白鯨合照是常識吧~~~



20分鐘玩D咩?!! 哈哈, 全船人都係Keep住同一個動作, 好搞笑...



錄Video是常識吧... 咩都無嘅?!!

我掛住錄影, 外面發生咩事都唔知... 唔知Honey幾時影咗呢張降傘相... 嘩, 呢間酒店真係好多水上活動玩呀!!!


又過咗幾分鐘...

嘩)))))) 好多魚呀!!!!!! 好興奮呀!!!



船員開始推銷餵魚的餅乾, 100円, 好抵玩... 擘開原來有魚糧係入面o架!!!.


魚魚... 過o黎啦... 有o野食吖...




魚糧好細粒好難影, 加咗紅圈方便大家睇...


派米話咁快派完... 到尾聲成塊餅拋落去, 條魚搶到發起好大個波浪, 誇張到隔離日本美少女都大叫...


歡樂的時光過得特別快, 又係時候講Bye Bye~~~


玻璃底遊艇 (Glass-bottom Boat) 真係好好玩呀!!! 勁推薦比有小朋友的家庭... (我驚家長們要玩2-3次先甩到身, 記得帶定多D現金)

上岸後等咗一陣就有Shuttle Bus, 第2站海中展望塔 (Underwater Observatory)!!!

<< 待續 >>


沖繩「婚紗攝影」2014 の 總匯 http://www.kenmerry.com/2014/11/Okinawa.html

4 則留言:

  1. 我都有打算去沖繩,但係我又吾識駕車噃,都煩緊點樣安排交通,好似啲司機叔叔又吾識英文,想請問英文在沖繩普遍嗎?

    回覆刪除
    回覆
    1. 英文不太普遍, 偶爾會遇到會講英文的人... 巴士係旅客有機會落車的站會顯示英文... 強烈建議租WiFi蛋, 有需要時都可以用Google Translate 英轉日, 勉強可以同日本人溝通到~

      刪除
  2. 回覆
    1. 超多魚, 小朋友去到一定High到爆 :)

      刪除