網頁清單

2010年6月29日 星期二

風雨中漫遊東歐2010 の 奧地利維也納黑店欺騙遊客事件簿



~~~~~~~~~~~~~~~~~ Day 4 ~~~~~~~~~~~~~~~~~~

Vienna, Austria

 [10°C 跌至 3°C]

話說... 人人都話奧地利嘅必買手信係莫札特朱古力... 咁我當然都要買D返香港敬送親朋啦...

原本我地係遜布倫宮都見到有得買嘅, 不過當時比狂風暴雨催殘完之後, 真係咩MOOD都冇囉, 所以冇買到...

夜晚住的酒店, 在香港都算有名氣, 導致我地係入面購物時嘅戒心降至極低水平... 點知... 呢度竟然有敗類出現...


因為房冇熱水煲, 所以我地要落LOBBY餐廳打水...

當日太大雨冇咩影相, 所以好無聊咁係LOBBY已關門嘅KIOSK門口, 同D莫札特朱古力合照...

第二朝, 食完早餐, 即刻去掃貨... 買咗3盒莫札特朱古力同埋一個SISI公主飾物...


黑店欺騙遊客事件 I

以上物件合共EURO 59.40, 我比2張EURO 50, 仲要攤開V字型咁比個店員, 佢竟然找番EURO 0.60比我!!!

我即刻LOOK大對眼望住佢!!! 佢仲好老定, 以為自己一定得米, 反轉張單拎比我睇, 話EURO 59.40, 找EURO 0.60, 好正確, 冇問題...

我再LOOK大D對眼望住佢!!! 我眼裡已經充滿火焰, 拿實拳頭, 用好堅定嘅語氣同佢講(英語)「 我比咗2張EURO 50你, 總共EURO 100, 你要找EURO 40!!!」
個店員仲扮傻, 我對眼越LOOK越大, 拳頭越拿越實, 眼裡面把火越燒越旺, 個店員先扮打開收銀櫃睇睇, 由於當時太早, 未有其他遊客幫襯, 收銀櫃入面得1張EURO 20, 2張EURO 50, 好明顯, 個2張EURO 50係我嘅, 個店員先死死地氣找EURO 40比我, 實在太過份啦!!!


試下我係比2張EURO 10佢, 你估佢會唔會肯收!!! 所以, 好明顯, 呢單係蓄意行騙事件!!!

當時我都小小後悔冇係出發前, 影低晒D EURO 50嘅銀紙編號...

不過我心唸, 大不了報警, 攞果2張EURO 50去警局驗下有冇我D手指模... 當然... 咁我地會冇咗D行程同埋唔知點JOIN番個團啦... 可能有D怕麻煩嘅人會覺得咁小錢當破財消災, 唔再追究, 而令呢D"黑心人"店員食過番尋味...



黑店欺騙遊客事件 II

過咗2晚, 我先係捷克拎D手信出o黎影下相, 驚愕地發現... 其中一盒莫札特朱古力竟然過咗期半年?!!!

過咗期半年喎!!! 係... 半... 年... 喎... 唔係喎, 正確D黎講係7個月至真...

有冇可能呀, 又話歐洲好重視食物安全, 點解過咗期半年嘅食物都出售o架?!!!

之後我定一定神, 回心一想, 我買嘅時候, 係有睇過食用日期, 拎咗3盒去收銀處, 然後我要CHECK個SISI飾物有冇破損, 係呢個時候... 個店員WU低身去莫札特朱古力嘅位置, WU咗一陣, 就起番身, 之後就9秒9入晒D朱古力入膠袋, 然後發生黑店欺騙遊客事件 I

太卑鄙啦呢個店員, 盒朱古力要成EURO 6.5o架, 太過份啦!!! 我好嬲呀!!! 一定要投訴!!!


我寫埋呢篇BLOG就要開始著手寫投訴信比酒店同維也納嘅旅遊發展局, 要佢地知道呢個衰人嘅所作所為!!!

東歐「暴雨洪災」2010 の 總匯 http://www.kenmerry.com/2014/07/2010.htm




沒有留言:

張貼留言